MALACHI 3:2 - LEKHARABU INTHENG (BSI)

² Tâk-kha ama ahong pha tu’n mo athōk tor sik? Ama ahong inlâr pha tu mo kahringa aka-om tor sik? Ama kha thirkheng manthengna phûmhmei kapō khana pōnsôpna sâbon ka-ang sik.

MALACHI 3:2 ပူးပေါင်းရင်းမြစ်များ

A’NPHUTNA 19:28

Ama’n Sodom leh Gomorrah khana phaicham pumpui alei-en pha, ram a inphut ahei kasōk hmeikhu kha ratap kalentak inkhat a inphut ahei kasōk kapōa aleihmu.

JOB LEKHARABU 28:1

Dangka chosōtna khur ka-om hei; sana suk manthengna hmun ka-om hei.

HLAHEI 130:3

Kansetna hei tintana lekha naleida’nchu, maset chenna inphut tu mo akatlânsōt tor sik?

HLAHEI 2:7

Rengpa khan ahri, “Rōngpu tamalâr kha ke’n kahrisōt sik. Ama’n kahnenga ati: ‘Nang kasapa che kae; tuning kei napa kachang jo eng.

HLAHEI 76:7

Tâk-kha, Rōngpu, nang chu mi rakip in anṭit che. Nahnuk anat pha nahmai kunga tûte ngir tor mak.

ṬONGCHÎK-HEI 25:4

Dangka a inphut a’nthengmak kha losōt roh khan chu ret kasyem he’n akaṭha neinâk ansyem tor.

ISAIAH 1:18

Rōngpu’n ahri, “Tûnchu hiva ṭong hi hri mathlâk rih. Nangni setna’n achu mansen jo chei, tâk kavur kachek kapōa kasôp mantheng sik chei. Nangni achuna chei kha asendup hêr jo’num sahme pōn kapōa kachek sik chei.

ISAIAH 33:14

Ziona ka-om mikaset-hei anṭit lôt a innok jo hei. Anmani’n anti, “Pathen ṭongtan hi ahei tik a hmei kakâng kapō kae. Eini khava hmeia inphut akahringtor nâk sik me mo?”

ISAIAH 4:4

Rōngpu’n aratha hratna vâng jât-hei kha anṭong atan sik khana amantheng sik hei khana Jerusalem ṭhatmak leh khana thisen aleikalōng rakip asôp mantheng sik jo.

JEREMIAH 2:22

Sâbon kaṭhatak vânga nasôp inum, naṭhena bi khachu kahmu ṭhak sik.

EZEKIEL 22:14

Ke’n nangni manchaina katlo pha nangni’n inngamna a-emak leh nankut kalâng torna sik a ratha katluk a nannei sik tia a’ndon chei mo? Rōngpu ke’n kahri jo kae, khana kaṭong kha katlo nger sik.

DANIEL 11:35

Mikasing ṭhahrep chu anthat sik hei, tâk khana inphut mipuihei inthengsōt sik hei. Hivahi Pathen in atupsa pha inchaina ahong mak hma senga akasōk injom sik kha kae.

JOEL 2:11

Rōngpu’n aremihei rasa inhrek a ṭong pekna anei hei. Aṭong kajui remi rup-hei kha katam hei, kahrat hei. Rōngpu kani kha heituk a ṭit ka-om jo mo! Tu mo akahringtor sik?

NAHUM 1:6

Ama hnuk natna hmun a, tu mo akahringtor sik? Ama hnuknat ṭit ka-om tak a khan tu mo akahringtor sik? Hmeimale kapō ahnuknat kha ahei bunthlōn, ahmai kunga hlunghei um innoi heia vaiphin kachang hei.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

MALACHI 4:1

Akahratpen Rōngpu’n ati, “Mi inlensak leh mikaṭhamak-hei, hmei in sapôt akâng kapōa ankângna sik kani kha kahong jo. Khava ning anmani kakângsō sik hei, antaksa khatbek um inhmu mak ning.

MATTHEW 25:10

Khan chu akamo nuhmeihei kha thaitui inchôk kase jo hei; khanga anselai, hmōipa kha jōng katlung jo. Khana 5 a’ntlukdek hei kha ama leh inṭhōia revei hmun a kahlut jo hei, khana kot kha ankir joa kae.

MARK 9:3

khana apōnsihei kha hongkachek jo, raleichunga tu inkhat tasôp manchektor sik kanek a kachek.

LUKE 2:34

Simeon in mahâmṭhat apek heia Mary hneng ati, “Hiva naite hi Israel mi katamtak hei insuksetna leh hukmanhringna sik a Pathen takadei kae. Mi katamtak he’n achunga dōina ṭong antahri sik leh anlungria marûk a antamandon hei kaphôngsōt sik a

LUKE 21:36

Ajōng kasōk sik omchen heia inphut nanhringsōt torna sik leh Mihring Sapa hmaikunga ngir torna ratha nanchenna sik pha rakip a derṭhak una inrin ṭhak ruh.”

LUKE 3:17

Sâng kha sapanga khumna sik a, sâng rakip vōk maṭhia ajâpna sik yângjâp leh inṭhōia kajōng; tâk akathi theimak hmeikhur shunga arasihei kha aro sik heia kae.”

LUKE 3:9

Thingkunghei akung beret a inphut phûr mathlûkna sik hreicha mantluksō jo kae; thingkung kara kaṭhamak rakip kha phûr mathlûk a hmeia ti sik kae.”

LUKE 7:23

Kei chungchânga inkei-chiona kaneimak kha mahâm kaṭha kae,” aleitipek hei.

JOHN 8:55

Nangni’n ama lamanhret hêrmak chei, tâk ke’nchu kamanhret. Ke’n ama manhret mak eng kati’nchu, nangni kapōa malei kasei kachang sik eng. Tâk-kha ke’n ama kamanhret khana aṭong kajui.

HEBREWHEI 12:25

Khava jâra ṭong kahripa ṭong kha nanthei kada makna sik insing thei ruh. Raleichunga rathla ṭong kapekpa inngeimak kha leitlânsōt tor mak. Kha achang inchu marvâna inphut ṭong jōng kahripa ṭong kha nirangei mak inchu heituk kakhe chet a tlânsōt a’ntak sik mo!

ṬONGPHÔNG 19:8

Amanu hruipōn intheng akadi rik-rak a’nretna sik a anpek jo.” (Khava hruipōn khachu Pathen mihei akaṭha tlona kha kae.)

ṬONGPHÔNG 2:23

Mihring malung mandon leh tamadu rangei inhret kei kachangna hi bekrup rakip in anmanhretna sik, amanu sahei kha kathat sik jo hei. Nangni’n nantatlo dungjui et a ke’n nankhenga kamale sik chei.

ṬONGPHÔNG 6:17

Ajârchu ahnuk natna kani ṭit ka-om tak kha tûn kajōng jo, khava sik a tu mo akangirtor sik?” anti.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.

SAMUEL INKHATNA 6:20

Khava jâra Beth Shemes a mihe’n anti, “Hiva a’ntheng Pathen, Rōngpu hmaikunga tu mo akangirtor sik? Einia inphut asesōtna sik tirsōt sik jo kae?”