MALACHI 2:6 - LEKHARABU INTHENG (BSI)

⁶ Anmani’n akadik kha anmanthei hei, akadik mak kha manthei mak hei. Anmani kei leh malung khat a ka-om ung; anmani’n akadik antatlo rōk kha changmak, tâk alak-hei dikmak tlona bângna sik a’m an-inthōpui heia kae.

MALACHI 2:6 ပူးပေါင်းရင်းမြစ်များ

A’NPHUTNA 17:1

Abram kum 99 atluk pha Rōngpu ahnenga inlâra, “Kei Akahratpen Pathen eng kae. Kaṭong jui roh khana akadik tlo ṭhak roh.

A’NPHUTNA 6:9

Hivahi Noah thuhming kae. Sapa 3 aleinei hei, Shem, Hem leh Japheth hei hi kae. Noah hi ṭhena leinei mak, ama pha shunga mikaṭha kha ama rōk leikae. Ama’n Pathen leh inthlop a leika-om,

HLAHEI 119:142

Nadikna kha kumleikōa ka-om sik, khana nadân kha’m kadik ṭhak sik.

HLAHEI 119:151

Tâk-kha nang in nahonghnai det eng, khana naṭongtep rakip hei kha inhling mak hei.

HLAHEI 37:30

Mikaṭha ṭonghrisōt hei khachu singna kae; khana khahei kha ahei tik a ṭong kaṭhahei kae.

HLAHEI 37:37

Mikaṭhahei kha manhret hei ruh; mikadik-hei kha chîk hei ruh; nun-innem he’n sōn leh pâr annei hei,

ṬONGCHÎK-HEI 5:2

Kha achang inchu heikhong mo omchen kaṭhadek a om sik ti kha namanhret sik, khana naṭong hri khan themna nanei jo ti kha amalâr sik.

JEREMIAH 23:22

Anmani’n kamandonna in-ip kha anmanhret inchu, kaṭong kha kamipuihei hneng anhrilea akaṭhamak hringkhōa an-omna kha anmanhai sik hei khana mihōnna ṭōn antlona hei kha leikabâng sik jo heia kae.

DANIEL 12:3

Hlamkakei kasinghei khan marvân vârna rakip leh heikasōk sik jo hei. Khana akaṭha tlona sik a mi katamtak hnenga mantheina kaneihei kha ârsihei kapōa ahei tik a ka-om sik jo hei.”

HOSEA 4:6

Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

MATTHEW 22:16

Anmani’n ansonlehei leh Herod mihei ahnenga antir hei. Anmani’n, “Oja, nang in akadik nahri kanmanhret che. Nang in, tûte lûrna leh lenna chunga kajana neiloa, mihei sik a Pathen lungdo kha kadik a namanthei hei, ajârchu nang in tûte inkhat lulenna kha donmak che.

MARK 12:14

Anmani ahnenga kahong heia ander, “Oja, nang in mihei mandonna heite khôk sakloa akadik nahri ti hi kanmanhret. Nang in tûte hmai enmak che, tâk mihei sik a Pathen lungdo kha kadik a namanthei hei. Khana Roman Rengkalen Caesar hnenga ramsêrṭhei pek sik hi nidân kadōi mo kae? Nipek sik mo? Nipek mak sik mo?”

LUKE 1:6

Anmani 2 Pathen hmit-hmua mikaṭhahei kae, khana Rōngpu ṭongpek leh dân rakip pui katluk a kajuihei kae.

LUKE 20:21

Anmitir hei khan ahnenga ander, “Oja, nang in nahri leh namanthei hei hi akadik kae. Khana mi hmai kajalo jen a, ôtum kasea Pathen lungdo chunga akadik kha namanthei hei ti keini’n kanmanhret.

ṬŌNTLOHEI 26:18

Kei anitaksen jâra ansetnahei rangei mandam anchenna sik leh Pathen takadeisōt mihei kâra hmun anchenna sik a anmani hmit namanvâr pek sik hei khana inthima inphut vâra, Seitan ratha neina inphut Pathena nahong mahe sik hei kae.’

DÂNRABU INHNINA 33:10

Nadân juina sik a namihei anmanthei sik hei; Nang maichâma inthoina antōk sik.

DÂNRABU INHNINA 33:8

Levi phung chungchânga aleihri: “Rōngpu, nang lungdo kha Urim leh Thummim vânga malârsōt roh Levihei, taksenthei nasōk heia inphut; Massa a enmansinna naneihei Khana Meriba tuia khan andikna namanchên.

DÂNRABU INHNINA 33:9

Annu anpa, ansōpui leh ansahei chunga kanek a, Anhnōmna che kha kalentak a anmalâr. Naṭongpek anjui Khana nang intepna kha anjui mathlung.

ṬONGPHÔNG 14:5

Anmani kha anmalei seina inhret hêrmak; ṭhenakase hei kae.

SAMUEL INKHATNA 2:12

Eli sapahei kha malung kadikmak hei kae. anmani Rōngpu kha heite donmak hei