MALACHI 2:10 - LEKHARABU INTHENG (BSI)

¹⁰ Eini nikhenga pa inkhat rōk ninei changmak mo? Pathen inkhat rōk in asyem changmak me mo? Achang inchu heijâra mo inkhat leh inkhat niṭong tepna nimakhōi, khana Pathen in nipa-nipuhei leh aṭong leitepna kha nihnōise?

MALACHI 2:10 ပူးပေါင်းရင်းမြစ်များ

NEHEMIAH 13:29

Mandon sōt roh, Eh Pathen khava mihei khan thempu ṭōnhmun khana thempu leh Levihei hneng naṭongtep kha heituk a antamanbōk jo mo!

JOB LEKHARABU 31:15

Kei ani kasyem Pathen khan kasōk kha’m asyem kae.

HLAHEI 100:3

Rōngpu kha Pathen che kae tia hrisōt ruh. Ama’n asyem me khana atâ me kae; eini ama mi me kae, khana ama rup me kae.

SŌKSŌT 19:4

“Rōngpu ke’n Egypt hei hnenga heimo kaleitlo khana marhmu khan ate kha amathla vânga ajōngpui kapōhrep a heikhonga mo kahong ṭhōi cheia hiva hmun kahong mathlung chei ti kha nangni’n nanhmu jo.

SŌKSŌT 19:5

Tûn, nangni’n kaṭong pek hei nanjuia ka’ntepna kaṭha nannit inchu, nangni kamitak kha kachang sik chei.

SŌKSŌT 24:3

Moses kasesōt a mipuihei hneng Rōngpu ṭongpek leh chôndân sik rakip kha aleimanthei hei khana mi rakip hei khan, “Rōngpu’n ahri rakip kha kantlo sik,” tia anleimasôn.

SŌKSŌT 24:7

Khava sōa intepna lekharabu, shunga Rōngpu ṭongpek a’nsun hei kha aloa mipuihei hneng kare inshângtak a atei pek hei. Anmani’n, “Keini’n Rōngpu kha kanjui sik khana aṭongpek rakip kha kantlo sik,” anleiti.

ISAIAH 43:1

Israel, nakasyempa Rōngpu’n ati, “Ṭimak roh, ke’n nang kahuk sik che. Ke’n narahming vânga kabek jo che, nang keita che kae.

ISAIAH 43:15

Kei hi na-Pathen intheng, Rōngpu eng kae. Israel, ke’n nang kasyem che kae, kei nareng eng kae.”

ISAIAH 43:7

Anmani kami khet hei kae, anmani hi kei lûrna ahei kachoi sik a kasyem hei kae.”

ISAIAH 44:2

Kei nankasyem Rōngpu eng kha kae; na’ntet bia inphut, ke’n ka’nṭangpui che kae. Ṭimak roh; nang kasōk che kae, kalungset a kakadeisōt mipui che kae.

ISAIAH 51:2

Nanpusōn, Abraham, leh Sarah nanhong kōnna hei kha mandon ruh. Ke’n Abraham kabeksōt lai, ama sa leinei mak a kae, tâk-kha ke’n mahâmṭhat kapek a sa leh nai kaleipek; atu asa anja kamantam pek hei.

ISAIAH 63:16

Nang kanpa che kae. Kanpu ṭhut Abraham leh Jacob in keini amanhret mak hei, tâk Rōngpu, nang kanpa che kae, pha rakip a kan-intlen sōtpa che kae.

ISAIAH 64:7

Tûte nahnenga derna ahong kanei om mak; tûte inkhatbek inṭangpui sik a nahnenga akahong om mak. Keini kansetna jâra nadahlon jo unga keinia inphut nabinga inthup jo che.

ISAIAH 64:8

Tâk-kha nang kanpa, kan-Rōngpu che kae. Keini ralei matlak kapō ung kae, khana nang be kakheng kapō che kae. Nang in keini nasyemsōt ung,

JEREMIAH 31:9

Kamihei kaheiṭhōi male hei pha, anṭap pum a derna annei pum a he’nle sik hei. Anmani an-insuk inpaimakna sik a, kavakōk tuidung heia, hlam inne heia kaheiṭhōi sik hei. Kei hi Israel pa kapō eng kae, Ephraim hi kasapa upapen kapō kha kae.”

EZEKIEL 33:24

Ama’n ati, “Akathithei mihring, Israel ram shunga a’nhmangthâm jo, khōpuia ka-om mihei hin anhri: ‘Abraham kha abing rōk a kae, tâk ram hingre aleipek. Eini chu katam jo me, khava jâra tûnchu ram hi nita kachang jo.’

MALACHI 1:6

Chunghnung Rōngpu’n thempuhei hneng ati, “Sapa’n apa kajana apek, khana sōk in akapu kajana apek. Kei nanpa eng kae, heijâra mo kajana nantapek mak eng? Kei nankapu eng kae, heisa mo nantakaja mak eng! Nangni’n adonmak chei, kha’num nander eng, ‘Heikhonga mo kantadon mak che?’ nanti.

MALACHI 2:11

Judah he’n Pathen hnenga anṭong tepna anmakhōi jo khana Jerusalem leh ram pumpuia ṭit ka-om ṭōn antlo jo. Rōngpu talungset Bek-inn kha anmanchok jo. Pase he’n ram hlop pathen inmuk nuhmei anlo jo hei.

MALACHI 2:8

“Tâk-kha tûnchu thempu nangni he’n akadik hlam a inphut inhesōt jo chei. Nanṭong mantheina khan mi katamtak akaletting aṭhōisōt jo hei, nangni leh ni’ntepna ṭong nanmakhōi jo.

MATTHEW 10:21

“Mihe’n ansōpuihei kha that sik a anpek sōt sik hei, khana pa he’n khang’khan ansapahei anpek sōt sik hei; sahe’n nu leh pa andōi sik khana anthat sik hei.

MATTHEW 22:16

Anmani’n ansonlehei leh Herod mihei ahnenga antir hei. Anmani’n, “Oja, nang in akadik nahri kanmanhret che. Nang in, tûte lûrna leh lenna chunga kajana neiloa, mihei sik a Pathen lungdo kha kadik a namanthei hei, ajârchu nang in tûte inkhat lulenna kha donmak che.

MATTHEW 3:9

Khana Abraham kha nanpa kae nanti jâra karâkna inphut katlânsōt tor sik ung tia indonmak ruh. Ke’n kahri pek chei kae hiva hlunghei hi Pathen in aloa Abraham tu leh sa amasōtor hei.

LUKE 1:73

Nipa-nipuhei sōn Abraham hneng ṭong hing’hin aleitep, ani-inrepui heia inphut ahuksōt sik me kha le’ntep khana ṭitna kasea ama nirazen sik kha ahnōm pek me

LUKE 3:8

Nanmalung thlengna kha hmutheina sik hihei hi tlo ruh. Khana nangni’n nankâra, Abraham kha kanpu sōn kae, ti nôk mak jo ruh. Ke’n kahri pek chei kae, Pathen in Abraham sōn leh pârhei kha hiva hlung heia inphut hin asyemsōt tor a kae!

JOHN 8:39

Anmani’n anmasôn, “Keini pachu Abraham kae.” Jesu’n amasôn hei, “Takkhet a nangni Abraham sōn kha nanchang inchu, ama’n aleitlo ṭōnhei kha leh in-anghrep a nantatlo sik kae.

JOHN 8:41

Nangni’n nanpa taleitlo kha nantatlo kae.” Anmani’n anmasôn, “Pa inkhat rōk kannei, khachu Pathen khet kha kae, keini asa kadiktak ung kae.”

JOHN 8:53

Kanpa Abraham kathi jo; Abraham kanek a kalen eng natina changmak mo? Sânkathem he’m kathi jo hei. Nang tu eng mo a’nti che?”

JOHN 8:56

Nanpa Abraham in kajōngna sik pha ahmu sik kha le’npâk; khana ahmua le’npâk jo.”

ṬŌNTLOHEI 17:24

Vânhnōi leh heirakip kasyem Pathen hi marvân leh ralei Rōngpu kae, khana ama chu mihring kutsyem Bek-inna om mak.

ṬŌNTLOHEI 17:25

Ama sik tlopekna leh pekna ninei sik heite ama’n rangei mak, ajârchu mi rakip sik a hringna leh kaphuk sânna khana heirakip kapek kha ama kae.

ṬŌNTLOHEI 17:26

Mihring inkhat a inphut phung tin jâttin rakip hi asyema raleichung pumpui kadap a aman om hei. Hmapet a inphut aphat hrep atep a an-omna sik ramri tepsa a ada heia kae.

ṬŌNTLOHEI 7:2

Stephen in hing’hin aleimasôn: “Kapa dôrhei leh kasōpuihei, rangei ruh! Nikachoi Abraham kha Harana avaka-om sik a aleise mak hma Mesopotamia hmun a khan ahnenga akalûr Pathen kha le’nlâra,

ṬŌNTLOHEI 7:26

Ajîng kania Israel mi 2 ale’nse hei ahmu nôk a mancham sik a aleirei hei. ‘Mihei rangei ruh, Israel sōpui rekhat kachang cheia, heisik a mo hinghina a’nse chei?’ aleiti hei.

ROMANHEI 4:1

Kha achang inchu, niphung hruia nipa Abraham chungchânga heimo niti sik? Ama’n aleiratō kha heimo?

ROMANHEI 9:10

Khana hivahin inchai mak. Ajârchu Rebecca in sapase 2 anei hei, anpa inkhat rōk nipu Isaac kha kae.

CORINTHIANHEI INKHATNA 8:6

eini sik chu heirakip Kasyempa ni-Pa khana ama sik a akahring me Pathen inkhat rōk kha ninei; khana Rōngpu Jesu Christa inkhat rōk kha ninei, ama a inphut heirakip insyem, khana ama jâra eini akahring me kae.

EPHESIANHEI 4:25

Maleisei tlohêr mak jo ruh! Nangni khat leh khat hneng akadik nanta hri nger sik kae, ajârchu eini nikhenga Christa taksa bâk et me kae.

EPHESIANHEI 4:6

mi rakip Rōngpu, mi rakip ṭōn intlo, khana mi rakip shunga aka-om Pathen inkhat leh mi rakip Pa kha ka-om.

THESSALONIANHEI INKHATNA 4:6

Hiva chunga hin, tûte’n asōpui Christian inkhat chunga akadik mak omchen atlo mak sik khana hnemna ajong mak sik kae. Hiva chungchânga ṭōnse katlo mihei kha, Pathen in karâkna apek sik hei ti hi hma inkeia inhnaktak a kanleihri jo.

HEBREWHEI 12:9

Eini mihring pa kachang he’nchu, eini ankarâk me khana eini’n nikaja heia kae. Kha achang inchu, rathla Pa hnenga khan chu heituk akakhe chet a a’npek inhlut sik me leh akahring sik me mo!

JOSHUA 24:3

Khana inphut ke’n nanpusōn Abraham kha Euphrates rekhat a inphut kaṭhōisōt a Canaan ram katlung bit a kaheiṭhōia kae. Khana sōn leh pâr katamtak kaleipek. Ahnenga Isaac kaleipek,