MALACHI 1:7 - LEKHARABU INTHENG (BSI)

⁷ Hinga adonmak chei – kamaichâma heite kahnemmak thlai nanhei tōk. Khana nangni’n, ‘Heikhonga mo kajana kantanei mak che?’ nanti. Ke’n kamanthei sik chei – kamaichâm heitea nantatei mak kha kae.

MALACHI 1:7 ပူးပေါင်းရင်းမြစ်များ

EZEKIEL 41:22

akapōzek inkhat ka-om. Khavakha metre inkhat leh aher inshâng khana metre inkhat inpâk. Khava arakira kacho kha, khava intungna akung kha, khana asir-apang kha, thing rōk vânga ansyem. Mipa khan kahnenga ati, “Hivahi Rōngpu omna matungsōt dokhâng kha kae.”

EZEKIEL 44:16

Anmani rōk ka-Bek-inna kahlut sik hei, kei maichâma ani razen sik, khana Bek-inn kamukna kha hlam ankei sik.

LEVI-DÂN 2:11

Rōngpu hnenga hmuchi tōk sik inkhatbek a’m chephia syem yamak ning; Rōngpu hneng thlai tōkna khan che leh khōihning nahapsa mak sik kae.

LEVI-DÂN 21:6

Ama a’ntheng sik kae khana karahming amanset mak sik kae. Ama’n thlai inthoina atōk eng kae, ama a’ntheng nger sik kae.

LEVI-DÂN 21:8

Mipui in thempu kha a’ntheng inkhat a antamandon sik kae; ajârchu ama’n thlai inthoina kha kei hneng atōk kae. Kei Rōngpu eng kae; kei intheng eng khana Ke’n kamihei kaman theng hei.

LEVI-DÂN 3:11

Rōikaver thempu khan hihei seng hi maichâm chunga Rōngpu hneng thlai tōkna aro sik kae.

MALACHI 1:12

Tâk-kha nangni’nchu kamaichâm kha heite hnemmak nantia khana heikaemak thlai nantōk a, kajana apek mak chei.

MALACHI 1:13

Nangni’n nanti, ‘Hihei seng sik a heituk a akachâm jo ung mo!’ khan chu nanhnâr nansânthlōn enga kae. Kahnenga tōkna sik a marûk ranhring achangmak leh ake inkhôi leh akadam mak hei nanheichoia kae. Khavakha nangnia inphut karahlâng sik tia nanmandon mo?

MALACHI 1:8

Nangni’n kei hnenga tōk sik a hmitkacho, akadam mak, ke katlek ranhring nanheichoi hei, khana khan akadik mak om mak nanti tor mo? Ram vaikarôn inkhat hneng khang khavakha vapek ruh. Ama kha nangni chunga amalung katlaia heikhat ahei pek sik chei mo?”

CORINTHIANHEI INKHATNA 10:21

Nangni’n Rōngpu kōklei leh ṭaihei kōklei inmankop theimak tin chei; khan chu Rōngpu dokhâng leh ṭaihei dokhânga sâk manchun theimak tin chei.

DÂNRABU INHNINA 15:21

Tâk ran kha nōrna heikhat anei inchu, ake inkhôi, ahmit kacho khana alak nōrna kakhôk anei inchu, Rōngpu nan-Pathen hneng inthoina nanta hmangmak sik kae.