MALACHI 1:10 - LEKHARABU INTHENG (BSI)

¹⁰ Akahratpen Rōngpu’n ati, “Nankâra mi inkhat in Bek-inn kot-hei akhâra heite akahnem mak hmei kha nangni’n kamaichâm chunga nanmansûk mak jo’nchu tia kamandon jo. Kei nanchunga tlaimak eng; kahnenga nantaheichoi tōkna kha rahlâng mak ning.

MALACHI 1:10 ပူးပေါင်းရင်းမြစ်များ

RENGHEI INHNINA 12:6

Tâk-kha Joas vairônna kum 23 aheitluk katlunga Bek-inn kha leisyem manther mak hei.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

JEREMIAH 14:10

Rōngpu’n hiva mihei chungchânga ahri, “Anmani’n kahnenga inphut tlânsōt sik anmadu, khana anmani anbibinga inkhimtor mak hei. Khava jâra anchunga kamalung tlaimak. Antlo ṭhena kha kamandonsōt sik, ansetna chunga karâkna kapek sik hei.”

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 6:13

Anmani akasin leh akalen ankhenga malung intheng loa sêr hlona antlo; thempuhei leh sânkathemhei kapha’num mipui anhōn hei.

JEREMIAH 6:20

Anmani’n Sheba a inphut marim katui khana ram kahlatak a maru-marâng kahnenga anta heichoi kha katei sik mo? Anmani neitōknahei rahlâng mak ning khana an-inthoina hei chunga tlaimak ning.

JEREMIAH 8:10

Khava jâra anhleihei kha akapu ather hei hneng khana annuhmeihei kha pase ahlop-hei hneng kapek sik jo hei. Mi rakip, akalen leh akasin in malung intheng loa sêr jongna sik antlo jo. Sânkathemhei leh thempuhei kapha’num mi anhōn heia kae.

HOSEA 5:6

Anmani’n ansehei leh ankemōnghei Rōngpu hneng inthoina tōk sik a ankei hei, tâk khava khan akaṭha tlopek dekmak hei. Anmani’n ama hmutor mak hei ajârchu ama’n adahlon jo heia kae.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MALACHI 1:13

Nangni’n nanti, ‘Hihei seng sik a heituk a akachâm jo ung mo!’ khan chu nanhnâr nansânthlōn enga kae. Kahnenga tōkna sik a marûk ranhring achangmak leh ake inkhôi leh akadam mak hei nanheichoia kae. Khavakha nangnia inphut karahlâng sik tia nanmandon mo?

MALACHI 2:12

Hiva katlohei kha Israel phung shunga inphut Rōngpu’n losōt hei rasoh khana Chunghnung Rōngpu hneng nijât he’n inthoina antōkna shunga ahei tik a’m invei mak hei rasoh.

MALACHI 2:13

Hivahi nangni tatlo inkhat nôk kha kae. Nangni’n Rōngpu maichâm kha hmit-rathli sōkpum a, ṭap leh in-ôipum a nankeisôt, ajârchu nangni tahei choi inthoina kha ama’n rahlâng mak a kae.

JOHN 10:12

Kemōng kakhem khet kachangmak khana kemōng kapu kachangmak nikhō ratha hlō a’npek mi khan, kahne ahong ahmu pha, kemōnghei kha adahlona atlânde jo hei; khava jâra kahne khan ahnong kachek heia atlen jo hei.

CORINTHIANHEI INKHATNA 9:13

Bek-inn ṭōnkatlo mihei khan bek-inna inphut sâk sik anchen khana maichâm ṭōn katlohei kha’m maichâma tōkna inphut chen annei ti inchênna nanmanhret.

PHILIPPIANHEI 2:21

Khana alak he’nchu Jesu sik khôk sakloa, anbing sik khôk sakna kajōng hei kae.

HEBREWHEI 10:38

Achang ravâng kami kadik-hei kha’n, antaksen sik, khana kahring sik hei; tâk ankâra kahnungting a’nle a-om inchu, kei achunga kamalung tlaimak ning.”

PETER INKHATNA 5:2

Pathen tapek chei kemōng rup kakhem kha chang ruh, khana ratha setpuma changloa, ratha kahroktak a Pathen tamantlo hnōm chei dungjuia ensui hei ruh. Hlō rahlâng theina hrep a ṭōnkatlo changloa, malung kahluttak a ṭōnkatlo kha chang ruh.