LUKE 9:58 - LEKHARABU INTHENG (BSI)

⁵⁸ Jesu’n ahnenga ati, “Ram-ui he’n khur annei, vahe’n rabu annei, tâk Mihring Sapa chu lu manhngatna sik hmun neimak.”

LUKE 9:58 ပူးပေါင်းရင်းမြစ်များ

HLAHEI 84:3

Vasak he’num anrabu anchom, pengler he’num inn annei; ante kadông hei kha namaichâm hnenga anda hei. Chunghnung Rōngpu, kareng leh ka-Pathen.

MATTHEW 13:32

Khavakha hmuchi kâra akasinpen inkhat kae, tâk ahong keksōt pha, hivahi kahar kâra akalenpen kung inkhat hong kae. Thingkung inkhat hong kae, vahei kahong heia abâk chunga rabu ankeia kae.”

MATTHEW 8:20

Jesu’n amasôn, “Ram-ui he’n khurhei annei, khana vahe’n rabuhei annei, tâk Mihring Sapa khan lu manhngatna leh châmhngatna hmun neimak,” atipek.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.