LUKE 8:25 - LEKHARABU INTHENG (BSI)

²⁵ Khava pha ama’n sonlehei hneng, “Khomo nantaksenna?” ati hei. Tâk-kha anmani’n anmandon-hla a kaṭi jo hei, khana anmani khat leh khat in, “Hiva mi hi tu mo? Ama’n thli leh tui in-nông ṭong apek heia, aṭong anjuia kae!” anti.

LUKE 8:25 ပူးပေါင်းရင်းမြစ်များ

ṬONGCHÎK-HEI 30:4

Tu’n mo marvân ram chungchâng amanhretsō jo? Tu’n mo akut vânga thli asurtor jo? Achangmak leh pōnhar khat vâng tui akasûntor jo? Achangmak leh raleichung ramri tu’n mo aphun tor jo? Namanhret inchu, ama kha tu mo? Asapa kha tu mo?

ṬONGCHÎK-HEI 8:29

khana atep pekna kakhea tuihmai kha akemakna sik tui-ôngpui hnenga ama’n ṭong apek lai, raleichung hmun adenglai khan kei leika-om jo eng.

MATTHEW 14:31

Khava phatak a Jesu’n akut vâng amatua khana ahnenga, “Heituk a taksenna katlôm che mo! Heisa mo namalung a’nkei chio che?” ati.

MATTHEW 17:20

Jesu’n amasôn hei, “Taksenna katluk a neimak chei. Kadiktak a kahri pek chei kae, nangni’n anṭamhmu rehrep taksenna nannei inchu nangni’n hiva bung hneng, ‘Hina inphut sonting inthon roh!’ nanti’num khan a’nthon sik kae. Heirakip nantlo tor sik!”

MATTHEW 6:30

Tuning hin ka-oma jîng leh chu ratap shunga ro manhlut sik hei, ram thōia phihei ret kasyem kha Pathen kae. Akakhe chet a amanret ngermak sik chei mo? Heituk taksenna katlôm jo chei mo!

MATTHEW 8:10

Jesu’n athei pha inlak asak joa akahnung kajui mipuihei hneng, “Kahri pek chei kae, hinghrep a taksenna kanei Israel kâra inkhatbek um lahmu mak eng.

MATTHEW 8:26

Jesu’n amasôn hei, “Heisa mo hingtuk a nantaṭit. Heituk a taksenna katlôm chei mo!” Khava sōa ama kathōia, thli leh tui in-nông kha adaina sik a arakôk jo, khan chu kadairip jo.

MARK 4:35

Khava ning bât a khōhleia, Jesu’n asonlehei hneng, “Eini dîr rekhat ting rakan me sona se jo rih,” ati hei.

LUKE 12:28

Tuning hin kapâra jîng kania akaṭōi, hmeishunga ro manvâm bât sik kaharhei inret kha Pathen kae. Ama’n nangni akakhe chet a amanretmak sik chei mo? Heituk a nantaksenna akasin mo!

LUKE 8:24

Sonlehei kha Jesu hneng kahong heia anmathōia, ahnenga, “Apu, Apu! Keini thirung kanti jo,” anhongtia kae. Jesu kathōia thlipui kahrâng hnenga leh tui in-nông hnenga khan ṭong apek a, thlipui kahrâng leh tui in-nông kha kabâng jo hei, kadai hnger joa kae.

LUKE 8:26

Galilee dîra inphut anmani’n Gerasa ramri ting intôr inthlung jo hei.

JOHN 11:40

Jesu’n amanu hneng, “Nang in nataksen inchu, Pathen lûrna kha nahmu sik timak che eng mo?” ati.