LUKE 8:10 - LEKHARABU INTHENG (BSI)

¹⁰ Jesu’n amasôn hei, “Pathen Rengram in-ip manhretna kha nangni inpek jo chei; tâk milak-hei hneng chu ṭong tekâk a a’nhri kae, khava jâra anmani’n an-en inum hmumak hei ning, anrangei inum theimak hei ning.”

LUKE 8:10 ပူးပေါင်းရင်းမြစ်များ

HLAHEI 25:14

Rōngpu kha aṭong kajuihei sik a anṭhōn kae, khana anmani leh an-intepna kha amanhnet.

ISAIAH 29:14

Khava jâra ke’n anmani chunga manhret theiloa abân bâna vōk heia kamaṭhit sik jo hei. Mikasinghei kha mikamoa kamalet sik hei, khana an-invakna hei kha hmangna kase kachang sik.”

ISAIAH 44:18

Khang khava mihei kha heimo antatlo ti manhret theina sik a kamohêr hei. Anmani’n akadik chunga anhmit ankathim, anmalung ankama kae.

ISAIAH 6:9

Khava jâra ama’n kei kase leh hiva ṭong hi mihei hneng kavahrina sik a amanthei eng, “Nangni’n ṭong kha heilai nanrangei inum, manhret mak tinnei. Heilai nan-en inum, heimo akasōk manhret mak tinnei.”

JEREMIAH 5:21

Nanmalung manhlut ruh, heite inhret mak hei, hmit chu akaneihei, ahmu chu hmulo hei, kōr chu akaneihei, athei chu theilo hei.

EZEKIEL 12:2

Ama’n ati, “Akathithei mihring, nang hi re indu hei kâra ka-om che. Anmani’n hmit chu annei, tâk heite hmumak hei; kōr chu annei, tâk heite theimak hei, ajârchu anmani anrahe kase.

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

MATTHEW 16:17

Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

MARK 4:11

Jesu’n amasôn hei, “Pathen Rengram in-ip kha nangni inpek jo chei. Tâk vânga aka-om milak he’nchu heirakip hi ṭong tekâk vâng antathei sik kae,

MARK 4:12

hinga achangna sik a kae, khachu: “Anmani’n enchu an-en sik, tâk hmumak hei ning; anmani’n rangei chu anrangei sik, tâk manhret mak hei ning. Ajârchu anmani’n khanga anleitlo’nchu, anmani Pathen hneng he’nle sik jo hei, khana ama’n aleirangei mandam sik jo hei.’”

JOHN 12:40

“Anhmit in ahmu makna sik leh anmalung in amanhret makna sik, Pathen in anhmit amancho pek hei, anmalung akhârsi pek hei, khana ke’n anmani kamandamna sik hei kahnenga ho’nle mak hei ning, Pathen in ati.”

ROMANHEI 16:25

Eini’n Pathen hneng lûrna kha perih! Nangni taksenna kha Jesu Christa chunga Ṭong kaṭha kahrile dungjuia leh khava kum kasôttak ale’nthup a ka-om a’n-ip ṭong kadik a’nphôngsōt dungjuia ama’n kahnet a amanngir tor cheia kae.

CORINTHIANHEI INKHATNA 12:11

Tâk-kha hiva rakip katlo hi Rathla inkhat rōk kha kae; ama’n amanṭhat dungjuia, mi inkhat et hneng kutchoi ahlop et apek hei.

DÂNRABU INHNINA 29:4

Tâk tuning katlung nantahmuna hei kha manhret theinachu ama’n lapek mak chei.

COLOSSIANHEI 2:2

Anmani lungngamna vâng ansipna sik leh lungsetna shunga an-inchunna sik hivahi ke’n katlo kae, khava jâra akadik manhretna tahei rôn sōt manchênna langa pui katluk haona kha nei ruh. Hing’hin Pathen ta-ip Christa khet kha amanhret sik jo.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.