LUKE 8:1 - LEKHARABU INTHENG (BSI)

¹ Pha chomkhat sō leh Jesu’n khōpuihei leh khōte heia kalôna Pathen Rengram Ṭong Kaṭha ahrilea kae. Sonle 12 he’n ama anleisepui.

LUKE 8:1 ပူးပေါင်းရင်းမြစ်များ

MATTHEW 11:1

Jesu’n sonle 12 hei kha khanga amansesō hei pha, khava hmun kha adahlona mi’nthei sik leh ṭong kahrile sik a khava hnenga khōpuia kase jo.

MATTHEW 13:19

Rengram ṭong chu anthei jo hei, tâk-kha manhret theilo mihei kha hlamdunga akatla hmuchi kapō hei kae. Akaṭhamak Inkhatpa kha kahonga anshunga a’nvor hmuchi kha alosōt pek jo hei.

MATTHEW 4:23

Galilee ram pumpuia Jesu kalôna, Intûpna innheia amanthei hei, Rengram chungchânga Ṭong kaṭha ahrile, khana mihei natna hei seng amandama kae.

MATTHEW 9:35

Jesu’n khōpui leh khōte rakip a avachōnlea kae. Intûpna innheia, Rengram ṭong kahōi kha ahri le pek hei, khana nat leh sat rakip amandam hei.

MARK 1:39

Khava jâra Galilee ram rakip a kaselea an-intûpna innpui heia ṭong ahrilea ṭaihei ahnong sōt heia kae.

LUKE 1:80

Naite kha taksa leh rathla hong kakhanga hong kangar jo, ama Israel mipuihei hneng a’nlârmak kârseng nêrdiram thōia leika-oma kae.

LUKE 20:1

Jesu’n ni khat Bek-inn shunga Ṭong Kaṭha kha amanthei heia ahrilelai, thempu kalenhei leh Dân ojahei khana upahei inchun a kahong heia,

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

LUKE 9:6

Khava pha sonlehei khan andahlona khō rakip a kalôn heia, hmun rakip a Ṭong Kaṭha anvahria akana mihei anmandam jo hei.

ṬŌNTLOHEI 10:38

Nangni’n Nazareth Jesu chungchâng khana heikhong mo achunga Pathen in Rathla Intheng leh ratha neina aheibun mathlâk pek ti hi’m nanmanhret jo. Hmun rakip a ama kasea ṭōn kaṭha aleitlo khana Seitan ratha neina thōia ka-om rakip aleimandam hei, ajârchu ama kha Pathen in aleiompui.

ṬŌNTLOHEI 13:32

Hiva ṭong kaṭha hi kantaheirôna nanhnenga akahong ung kae. Pathen in katlo sik tia nipi leh nipuhei hnenga ale’ntepna kha tûnchu Jesu hi amathōi manhringa, ansōn leh anpâr einihei sik a atlo jo. Inhni tlukna Hlarabu a hinga ale’nzet kapōa: ‘Nang kasapa che kae; tuning chu kei hi napa kachang jo eng.’

ROMANHEI 10:15

Tirlehei kha antirmak he’nchu heikhong mo ṭong kha antavahrile sik? Ṭong intheng in hing’hin ahri: “Ṭong kaṭha karôn tirlehei kethon hi heituk-hrep a’nlak jo mo?”