LUKE 7:6 - LEKHARABU INTHENG (BSI)

⁶ Khava jâra Jesu anmani leh inṭhōia kase jo, Jesu’n inna inphut kahlatak a ase mak hma, ṭōnkarônpa khan aloihei ahei tir heia hinga ahong manhri hei: “Apu, nabinga bōina inpek mak jo roh, nang ka-inna nahong sik hi kei rahōi changmak.

LUKE 7:6 ပူးပေါင်းရင်းမြစ်များ

A’NPHUTNA 32:10

Nasōk kei hneng khava lungsetna leh taksen theina kachunga nanei eng kha karahōi changmak tia inhret eng. Ke’n Jordan karakanlai khōnghre inkhat rōk leh leikase eng, khana tûnchu hiva rup-hei hi leh hong inle jo eng.

ṬONGCHÎK-HEI 29:23

Racham kase hin thōi tlâkna amannei sik che, tâk na’nsinsak inchu, mi’n ankaja sik che.

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 3:11

Nanmalung thleng malârtheina sik tui vânga ke’n tui hlutna katlo chei; tâk kei kanek a akalen, ratha kaneitak inkhat kakahnunga kahong, akekōk heikachoi sik bek a’m kei rahōi changmak eng; ama’n nangni Rathla Intheng leh hmei vâng tui amanhlut sik chei.

MARK 5:24

Khava sōa Jesu’n ama leh inṭhōia kase inphut jo. Mi katamtak leh Jesu le’nṭhōi heia mipui in ama kha ankatōmbit a kae.

LUKE 5:8

Simon Peter in omchen kasōk kha ahmu pha, Jesu ke hma inkuna, “Rōngpu, kei mikase eng kachang jâra keia inphut asesōt pek jo roh,” atia kae.

LUKE 7:4

Anmani Jesu hneng kahong heia malung kahluttak a anva-ngek: “Hiva mipa hi na’nthōpui sik rahōi kasōk.

LUKE 7:5

Ama’n nimi alungset hei, khan chu ama khet in kan-intûpna sik innpui inkhat asak pek unga kae.”

LUKE 7:7

Khan chu nahnenga kei kahong sik hi’m karahōi changmak. Kasōkpa damna sik ṭongpek rōk kha eipe roh, kadam sik.

LUKE 8:49

Jesu’n hi ahrilai, ṭōnkarônpa inna inphut tirle inkhat kahonga, “Nasanu kha kathi jo, oja kha manbōi mak jo roh” tia Jairus hneng ahong manthei.

ṬŌNTLOHEI 10:38

Nangni’n Nazareth Jesu chungchâng khana heikhong mo achunga Pathen in Rathla Intheng leh ratha neina aheibun mathlâk pek ti hi’m nanmanhret jo. Hmun rakip a ama kasea ṭōn kaṭha aleitlo khana Seitan ratha neina thōia ka-om rakip aleimandam hei, ajârchu ama kha Pathen in aleiompui.

JAMES 4:10

Pathen ângshunga insinsak ruh, kha achang inchu ama’n akadom manshâng sik chei.

JAMES 4:6

Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”