LUKE 7:40 - LEKHARABU INTHENG (BSI)

⁴⁰ Jesu ama hneng kaṭonga, “Simon, heikhat kahri pek sik che ka-om,” ati. Ama’n, “Ôk, oja amanthei roh,” ati.

LUKE 7:40 ပူးပေါင်းရင်းမြစ်များ

RENGHEI INKHATNA 2:14

khana ahrisa a, “Heikhat der sik chea kanei,” ati. Amanu’n ader, “Heimo kae?” ati.

EZEKIEL 33:31

Khana nang in heimo nahri sik antia ṭong inngei sik mi katamtak kahong hei, tâk-kha nang in tlo ruh nati hei khachu heite tlomak hei. Anbeia chu lungset ṭong anhri, tâk-kha an-inphâmna leh anhnemna jong khachu bângmak hei.

MALACHI 1:6

Chunghnung Rōngpu’n thempuhei hneng ati, “Sapa’n apa kajana apek, khana sōk in akapu kajana apek. Kei nanpa eng kae, heijâra mo kajana nantapek mak eng? Kei nankapu eng kae, heisa mo nantakaja mak eng! Nangni’n adonmak chei, kha’num nander eng, ‘Heikhonga mo kantadon mak che?’ nanti.

MATTHEW 26:49

Judas kha Jesu hneng intlunhrek a kahonga, “Mōngna’n ompui che rasoh, Oja,” atia avamajôp jo.

MATTHEW 7:22

Ṭong tanna kani kha ajōng tlung pha mi katamtak in, ‘Rōngpu, Rōngpu! Narahminga Pathen ṭong kantalei hrile kae, narahminga ramṭai katamtak kanlei hnongsōt hei khana ṭōn-inlak kanleitlosōt a kae!’ anti sik.

LUKE 18:18

Jehudi hlamkakei inkhat in Jesu ader, “Oja kaṭha, kumsôt hringna kachen theina sik heimo katlo sik?

LUKE 5:22

Jesu’n antamandon kha amanhret a, anhnenga ahri, “Heisa mo khanga nantamandon?

LUKE 5:31

Jesu’n amasôn hei, “Mi kadam hei sik a doctor rangei mak, tâk mi kanahei sik a arangei.

LUKE 6:8

Tâk-kha Jesu’n anmani malung mandon kha amanhret a kut kangōipa hneng, “Nang ngir inna hiva hmating hin hong roh,” ati. Mipa kha kathōisōt a anhma vakangira kae.

LUKE 7:39

Jesu kabek Pharisee khan ahmu pha, abinga amalunga ati, “Hiva mipa hi sânkathem takkhet achang inchu ataksa kasit omchen kadikmak nu hi, tu achang aleimanhret sik kae.”

LUKE 7:41

Jesu’n aphut a, “Mikahao inkhat a inphut sêr kapûk mi 2 leika-om hei. Inkhatpa’n dangka 500 abat, khana inkhat in 50 abat.

JOHN 13:13

“Nangni’n kei Oja leh Rōngpu nanti eng, kei khavakha kachang jâra nantati kha kadik a kae.

JOHN 16:19

Anmani’n ahnenga antader hnōm kha Jesu’n amanhret a anhnenga, “Ke’n kahrisōt, ‘Pha bongkhat nangni’n ahmu mak chei ning, khava sōa pha bongkhat sō leh nangni’n nanhmu sik eng,’ tina chungchânga nangni nanbinga a’nder chei mo?

JOHN 16:30

Tûnchu nang in heirakip namanhret ti keini’n kanmanhret jo che; tu inkhat in ṭong ader sik che rangei mak jo. Hivahin nang Pathena inphut akajōng che kae tia taksenna kannei jo che,” anti.

JOHN 3:2

Ama jân khat Jesu hneng kahonga, “Rabbi, nang Pathena inphut akajōng Oja che ti keini’n kanmanhret; ajârchu Pathen inthōpui tei loa tûte’n natlo ṭōn inlak-hei hi tlotor mak,” ati.