LUKE 7:13 - LEKHARABU INTHENG (BSI)

¹³ Rōngpu’n amanu kha ahmu pha amalung shunga lungsetna kasip a, amanu hneng, “Ṭap mak roh,” ati.

LUKE 7:13 ပူးပေါင်းရင်းမြစ်များ

HLAHEI 103:13

Apa’n asa alungset kapōhrep a, ama kaṭit hei kha Rōngpu’n alungset hei.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

ISAIAH 63:9

ankhōdeng theina rakip a inphut. Khavakha marvân ngeva inkhat changmak, tâk ankahuksōt Rōngpu ama khet kha kae. Ama lungsetna leh lungkhamna khan ahuksōt hei kae. Ama’n hmalaia inphut aleitinta ṭhak heia kae,

JEREMIAH 31:20

“Eh Israel, nang kasa marit che kae, kalungset pen inkhat che kae. Ke’n narahming kapan akaia, lungset leh inṭhōia kamandon che. Kamalung hi nachunga ka-om; kamarit sik chea kae.

MARK 8:2

“Hiva mihei sik a kamalung kachâm, ajârchu anmani kei leh ni 3 hong ka-omsap jo ung, khana tûnhin sâk sik heite neimak jo hei.

LUKE 10:1

Khava sōa Jesu’n mihlop 72 akadei heia ama sena sik khōpui rakip leh hmun rakip a mi inhni-hnia ahmating anleise sik a atir hei.

LUKE 11:1

Pha khat a Jesu’n hmun inkhat a aleider. Ama’n achai jo pha, asonle inkhat in ahnenga, “Rōngpu, John in asonle amanthei hei kapōa keini derna amanthei roh,” ati.

LUKE 11:39

Khava jâra Rōngpu’n ahnenga, “Tûn nangni Pharisee chei’n kōklei leh thlenghei avângting chu nankanôt mantheng, tâk nanshungting chu innâk-inse tlona sik leh ṭhatmak kasip phet chei.

LUKE 12:42

Rōngpu’n amasôn, “Khan chu akasing leh taksenthei kachang sōk kha tu mo? Ama khachu sōk lak-hei aphahrep a sâk sik akapek khana innshung pumpui katinta sik a akapupa’n anganse mi kha kae.

LUKE 13:15

Rōngpu’n amasôn, “Eh mi’nṭhat hlemsak nang! Nankâra Châmhngat kani ning nansehratche leh shakōrtung kha tui ka-in sik a anrōnga inphut nanmasōa kae.

LUKE 17:5

Sonle he’n Rōngpu hneng anleihri, “Kantaksenna amankhang pek roh.”

LUKE 17:6

Rōngpu’n amasôn hei, “Nangni’n anṭamhmu rehrep taksenna nannei inchu, hiva thingkung hi, arajunga inlirsōt inna tui-ôngpui shunga va’nling roh, nanti’num nanṭong ajui sik kae.

LUKE 18:6

Khana Rōngpu khan ahrisa, “Akadik mak ṭongkatan pa’n ahri kha rangei ruh!

LUKE 19:8

Zacchaeus kangirsōt a Rōngpu hneng, “Enroh, apu, ke’n kanei aṭim sarahei kapek sik, khana ke’n mi inkhat nei dik loa kaleilo a-om inum aja 4 a kamale sik,” ati.

LUKE 22:61

Rōngpu kha inheia Peter ahei ena khana Peter in Rōngpu ṭonghri, “Tuning âr akhōng mak hma, vōi 3 manhret mak eng nati sik eng,” ati kha amandonsōt joa kae.

LUKE 24:3

Khava jâra anmani thlânkhur shunga kahlut jo hei. Tâk-kha Rōngpu Jesu taksa kalōng kha anmani’n hmumak jo hei.

LUKE 24:34

khahei khan anhnenga, “Rōngpu kha kadiktak a kathōi jo! Simon hneng inlâra kae!” anti.

LUKE 7:12

Ama’n khōpui sōngkot aphâk pha, kathi kahre sik a mi he’njôksōt heia kae. Hmeithai inkhat in sapa inkhat rōk anei kha leikathia kae, khōpuia mi katamtak anu leh he’nṭhōi heia kae.

LUKE 7:14

Khava sōa ama kasea akalōng kha avasit a, khana a’ndom hei kha kangir heia, Jesu kaṭongsōt a, “Rether, thōi roh kati che kae,” ati.

LUKE 7:19

Rōngpu hneng, “John in mi inkhat akajōng sik ati kha nang che mo a-emak leh mihlop inkhat kantalahngâk sik mo?” tia ṭong kader sik a atir jo hei.

LUKE 8:52

Khana ka-om rakip naipang sik jâra leikaṭap hei. Jesu’n, “Ṭap mak ruh, naipang hi thimak, akaje hnâm kae,” ati.

JOHN 11:2

(Hiva Mary hi Rōngpu ke thai marim katui akanoa asam vânga kahninu kha kae. Akana Lazarus hi ansōpuipa kae.)

JOHN 11:3

Aser he’n Jesu hneng mi antira, “Rōngpu naṭhōn maritpa kana jo,” anva manti.

JOHN 20:13

Anmani’n, “Eh nuhmei, heisa mo akaṭap che?” tia ander. Amanu’n amasôn hei, “Ka-Rōngpu anleilosōt jo, khon mo antada jo ke’n manhret mak jo eng.”

JOHN 20:15

Jesu’n amanu hneng ader, “Nuhmei, heisa mo akaṭap che? Tu mo najong?” Amanu’n ama kha rahōn kathlōpa kachang sik tia amandona ahnenga, “Apu, nang talosōt achang inchu, khon mo nada amanthei roh, kei se eng sona valo rong,” ati.

JOHN 4:1

Jesu’n John kanek a mi katamtak tui manhlutna atlo heia, sonle’m akatam jôk asyem jo hei ti hi Pharisee he’n anthei jo tia Jesu’n amanhret jo.

JOHN 6:23

Tiberius a inphut akahong rakōnghei khan, Rōngpu’n Pathen manpâkna apeksōa mipui he’n buhlom ansâkna hmun kha heikatlung jo heia kae.

CORINTHIANHEI INKHATNA 7:30

akaṭap hei kha a’nreng mak hei kapōa, a’nnui hei kha a’npâkmak hei kapōa, a’nchohei khan anneinâk rachôk kha antanei mak kapōa ka-om sik hei;

THESSALONIANHEI INKHATNA 4:13

Sōpuihei, inhōrna kaneimak hei kapōa, nanmalung a’nrim makna sik, akathihei chungchânga akadik kha nantamanhret sik kamadu.

HEBREWHEI 2:17

Hiva tina chu mihei setna kha rangei mandamna sik, apathen ṭōn tlona chunga khan anmani sik taksenthei leh maritna kasip Thempu Kalen achang theina sik, ahlam rakip a asōpuihei kapōa ama’m akachang sik leikasōk jo.

HEBREWHEI 4:15

Ni-Thempu Kalen hi eini tlâksamna chunga lungset inhret mak changmak. Tâk-kha, eini kapōa ahlam rakip a mathlemna aratō jo, tâk setna heite katlomak Thempu Kalen kha eini’n ninei.

ṬONGKATANHEI 10:16

Israel he’n ram hlop pathenhei kha andahlona Rōngpu kha ankamuk jo; khana Israelhei inrengna chunga ama kachâm joa kae.