LUKE 6:47 - LEKHARABU INTHENG (BSI)

⁴⁷ Tu enum kahnenga kahonga, kaṭong katheia, akajui mi kha, tu leh mo a’n-ang ti kha ke’n manhmu chei rong.

LUKE 6:47 ပူးပေါင်းရင်းမြစ်များ

ISAIAH 55:3

“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

MATTHEW 12:50

Tu achang inum marvâna ka-Pa lungdo katlo kha kasōpuipa, kasōpuinu leh kanuhei kae,” ati.

MATTHEW 17:5

Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

LUKE 11:28

Tâk-kha Jesu’n aleimasôn, “Khava nek a, Pathen ṭong katheia akajuihei kha heituk a akahōi sik hei mo!” ati.

LUKE 14:26

“Tu enum kahnenga hongrong kati mi khan, anu-apa, anuhmei asa, a-u anai khana abinga ahringkhō hnung kasung achangmak inchu kasonle chang tor mak ning.

LUKE 6:48

Ama khachu a-inn asak pha, innhmun inthûktak a kacho, hlungpui chunga kadeng mi kha kae. Tuidung pang tui inlet inthla jo, tui mathlung in inn kha avasuk jo, tâk manhling tor mak, ajârchu inn kha kaṭhatak a asak kae.

LUKE 8:13

Hlung kâra akatla hmuchihei khachu, ṭong inhri katheia inpâk a akalo hei kha kae. Tâk-kha anshunga inritak a rajung aṭhōmak jâra, anmani’n pha bongkhat chu antaksen, tâk enmansinna ahong pha leh anmani katlu ri jo hei.

LUKE 8:8

Khana ṭhahrep chu ralei ṭhatna katla a hmuchi kha kakek a, kakhanga akara 100 et inra a kae.” Khana Jesu’n achaina, “Kōr kanei in rangei ruh!” ati.

JOHN 10:27

Kakemōng he’n karasa anmanhret, ke’n anmani kamanhret hei, khana anmani’n anijui.

JOHN 13:17

Tûnchu nangni’n hiva dikna hi nanmanhret jo; nangni’n hivahi ṭōn vânga nantlosōt inchu heituk a akahōi sik chei mo!

JOHN 14:15

“Nangni’n kei nanilungset a achang inchu, kaṭong pek chei jui ruh.

JOHN 5:40

Achang ravâng hringna nanchenna sik kahnenga honghnōm mak chei.

JOHN 6:35

Jesu’n anhnenga ahri, “Hringna buhlom kha kei eng kae. Kei hnenga akahong mi kha ahei tik a avon ṭâmmak jo ning; kei anikataksen mi kha ahei tik a atui hremak jo ning.

JOHN 6:37

Kapa’n apek eng hei seng kahnenga kahong sik hei. Kahnenga akahong mi kha tu achang innum ke’n hnongsōt hêrmak ning,

JOHN 8:52

Anmani’n ahnenga anti, “Nang ṭai karôn che kae ti hi tûn keini’n inchêna kanmanhret jo che. Abraham kathi jo, Sânkathemhei kathi jo hei, kha’num nang in, ‘Tu achang inum kei ṭong kajui mi kha ahei tik a thimak ning,’ natia kae.

HEBREWHEI 5:9

Ama pui katluk achang sō pha, ama kataksen rakip sik kumleikō hukmanhringna kung kha kachang jo,

JAMES 4:17

Khava jâra akaṭha tlo sik a inhret, akatlomak hei kha setna ṭhena akaneihei kae.

PETER INKHATNA 2:4

Akahring hlung mihe’n hnemna kasea antahlonsōt, tâk Pathen inchu mankatamtak a akadeisōt, Rōngpu hnenga hong ruh.

PETER INHNINA 1:10

Khava jâra, kasōpuihei, Pathen bekna chei leh akadeina chei kha manhret ṭhak achangna sik tlochet ruh; kha nangni’n nantlo’nchu, nantaksenna kha dahlon hêrmak jo tin chei.

JOHN INKHATNA 2:29

Christa kha akadik kae ti nanmanhret; kha achang inchu akadik katlo rakip kha Pathen sahei kae ti hi nantamanhret sik kae.

JOHN INKHATNA 3:7

Kasahei, tûte’n hōnmathlâk mak chei rasoh! Christa kha akadik achang kapōa, tu achang inum ṭōndik katlo kha mikadik kae.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.