LUKE 6:27 - LEKHARABU INTHENG (BSI)

²⁷ “Tâk-kha kaṭong kathei nangni kamanthei chei kae: nangni’n nanka-en inda hei lungset hei ruh, nankahōt hei anṭhatna sik tlopek hei ruh.

LUKE 6:27 ပူးပေါင်းရင်းမြစ်များ

RENGHEI INKHATNA 13:6

Reng Jeroboam in sânkathem hneng ati, “Kakut hi adam nôkna sik Rōngpu na-Pathen hnenga aderpek roh!” Sânkathem khan Rōngpu hneng ader a, rengpa kut kha kadam jo.

ṬONGCHÎK-HEI 24:17

Na’nrepui he’n khōdeng theina anratō pha inpâk mak roh, anmani an-inpai inthlûk pha’m kahōi sakmak roh.

ṬONGCHÎK-HEI 25:2

Neinâk-hei athup a ada hei jâra Pathen kha nikaja; a’nthup neinâk-hei kha anhri manchên jâra renghei kha nikaja hei.

MARK 4:24

Ama’n anhnenga ahrisa nôk, “Nanṭongthei chunga nanmalung pek ruh! Milak-hei chunga nantahmang ṭong tanna dânhei mama kha Pathen in nanchunga ajōng hmang sik, tâk a’nhnakdet sik kae.

LUKE 23:34

Jesu’n ati, “Apa, rangei mandam hei roh! Ajârchu anmani’n heimo antatlo manhret mak hei.” Khana anmani’n ankâra vâng-enna anneia azakkō kha insem jo hei.

LUKE 6:22

“Mihring sapa sik jâra, nangni mi’n anhōt cheia, anhnōm mak cheia, inzak anpek chei pha, khana mikaṭhamak anti chei pha, nanmahâm kaṭha!

LUKE 6:35

Kha changmak! Nanka-en inda hei kha lungset hei ruh, khana anṭhatna sik tlo ruh, khan chu anhnenga inphut hmu nôkna sik a mandon loa nanneinâk manpûk hei ruh. Kha achang inchu nangni’n vâng kalentak nanchen sik, khana A’nshângpen Pathen sa kachang sik chei. Ajârchu ama kha mikaṭhamak-hei leh mi kanimak hei sik a akaṭha kae.

LUKE 8:15

Ralei thaiṭhatna akatla hmuchihei khachu aṭong kathei, akaṭha malung karôn, aṭong kajui khana an-inramak kârseng takkatlo hei kha kae.

LUKE 8:18

“Khava jâra heikhong mo nanta rangei insing thei ruh; ajârchu heikhat akanei kha inpeksa sik hei, tâk heite akaneimak kha ajingte anei tia amandon kapha losōtpek sik hei kae.”

LUKE 8:8

Khana ṭhahrep chu ralei ṭhatna katla a hmuchi kha kakek a, kakhanga akara 100 et inra a kae.” Khana Jesu’n achaina, “Kōr kanei in rangei ruh!” ati.

ṬŌNTLOHEI 10:38

Nangni’n Nazareth Jesu chungchâng khana heikhong mo achunga Pathen in Rathla Intheng leh ratha neina aheibun mathlâk pek ti hi’m nanmanhret jo. Hmun rakip a ama kasea ṭōn kaṭha aleitlo khana Seitan ratha neina thōia ka-om rakip aleimandam hei, ajârchu ama kha Pathen in aleiompui.

ṬŌNTLOHEI 16:28

Tâk-kha Paul in akare nei rakip vâng leika-ông, “Nabinga insuset mak roh! Kankhenga ka-om pet ung!”

ṬŌNTLOHEI 7:60

Amarkhup athlep a rasa inhnaktak a ka-ônga, “O Rōngpu! hiva setna hi anchunga mathlung pek mak hei roh!” atia leikathi jo.

GALATIANHEI 6:10

Khava jâra pha nineilai hin, injônjet a mi rakip hneng akaṭha kha tlo rih, adek a taksenna shunga, ni-innshung mihei hneng tlodet rih.

THESSALONIANHEI INKHATNA 5:15

Enruh, tûte’num akaṭhamak kha akaṭhamak vâng male mak rasoh, tâk pha rakip a mi rakip hneng leh nangni inkhat leh inkhat hneng ṭōn kaṭha tlona sik bitin kha nei ruh.

JOHN INTHUMNA 1:11

Kasōpui marit, akaṭhamak kha inchu mak roh, tâk akaṭha kha inchu roh. Tu achang inum akaṭha katlo kha Pathen ta kae; tu achang inum akaṭhamak katlo khan Pathen lahmu mak.