LUKE 6:20 - LEKHARABU INTHENG (BSI)

²⁰ Jesu’n asonlehei a-en heia ahri: “Sara kachang nangni nanmahâm kaṭha; Pathen rengram kha nanta kae!

LUKE 6:20 ပူးပေါင်းရင်းမြစ်များ

HLAHEI 37:16

Mikaṭhamak rakip hei nei leh hao kanek a mikaṭha inkhat in ajingte anei kha kaṭha jôk.

ṬONGCHÎK-HEI 16:19

Êngkasehei kâra inkhat changa, inru neinâk insempui sik hei kanek a chu sara changa insinsak a om hi kaṭha jôk.

ṬONGCHÎK-HEI 19:1

Mikamo malei kasei inkhat chang sik kanek a sara malung intheng inkhat chang in kaṭha jôk.

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

ZEPHANIAH 3:12

Khana khan kei inthōpui sik a akahong sik malung innem leh a’nsinsak mihei kha kada sik hei.

ZECHARIAH 11:11

Khava jâra khava kani ninga inphut, ṭongkamna kha kakōi jo. Kemōng rachôk leh jōr katlo mihei khan an-ensui eng, khana kei tatlo ṭōnna inphut Rōngpu’n ṭong ahri kae tia anmanhret jo.

MATTHEW 11:5

hmitkacho’n khō ahmu, ke inkhōi ke achoi, kaphâr karôn intheng, kōr kaset athei, akathi kathōi khana sara inrenghei hneng Ṭong kaṭha inhrile.

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 5:1

Mipuihei kha Jesu’n ahmu heia tlâng chung inkhat a kakea in-ong jo. Khana asonlehei akimvea ho’ntûp hei,

LUKE 12:32

“Rup katlôm hei, ṭimak ruh, ajârchu nangni rengram pek sik chei hi nanpa lungdo kae.

LUKE 13:28

Nangni anhei hlonsōt jo chei pha, Pathen rengram a Abraham, Isaac, Jacob, khana sânkathem rakip nanhmu hei pha, heituk a nanha nantakarôt a akaṭap sik jo chei mo!

LUKE 14:15

Dokhâng chunga a’n-ong pase inkhat in kha athei pha Jesu hneng ati, “Pathen Rengram dokhâng chunga thlaithleng ka-ô sik hei kha heituk a mahâm kaṭha hei mo!”

LUKE 16:25

“Tâk-kha Abraham in ati, ‘Eh sapa, mandon roh, nang hringkhōa neinâk kaṭha rakip le’npek jo che, Lazarus in akaṭhamak rakip aleichen jo. Tâk-kha tûnchu ama kahōia hin ka-om jo, nang in khōdeng nathei joa kae.

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

CORINTHIANHEI INHNINA 6:10

kanmalung inrim ravâng, ahei tik a keini inpâk ung; sara kachang kanpō, tâk mi katamtak kanmanhao hei; heite kaneimak kanpō, kha’num kadiktak a chu heirakip kannei.

CORINTHIANHEI INHNINA 8:2

Anmani’n inrim khōdeng theina inhnaktak a enmansinna anratō ravâng; sara anchang pupuma malung kalentak a pekna anneia khana an-inpâkna khang hrep a khan kalena kae.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

THESSALONIANHEI INKHATNA 1:6

Nangni’n keini leh Rōngpu omchen kha nantamanchu kae; nangni’n khōdeng theina katamtak nande ravâng, Rathla Inthenga inphut inpâkna ṭong akajōng kha nanchen joa kae.

THESSALONIANHEI INHNINA 1:5

Hiva rakip hi Pathen ṭongtan kha kadik ti malârna kha kae, khava kara khachu nangni’n malung inrengna kha nanlanei, ama Rengram sik a rahōi akasōk sik chei kae.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

ṬONGPHÔNG 2:9

Namalung inrimna hei ke’n kamanhret; nang sara nachang ke’n kamanhret, tâk kadiktak a chu kahao che! Jehudi chu changlo heia kachang ung kati he’n nang kadōia akaṭhamak antahri kha kamanhret, anmani Seitan ta kachang rup-hei kae!

SAMUEL INKHATNA 2:8

Sarahei kha vaiphin kâra inphut akei mathō hei akaneimak hei kha an-inrengna inphut akadom manshâng hei. rengsahei kâra aman omsap hei, kajana hmun a aman ong hei. Raleichung kunghmun kha Rōngpu ta kae; khahei chunga ralei hi asak kae.