LUKE 5:34 - LEKHARABU INTHENG (BSI)

³⁴ Jesu’n amasôn hei “Hmōiṭhōi reveina hmun inkhat a hmōipa’n aloi khōhmehei kha a-ompui lai seng anmani’n bu anhngōi sik tia nantamandon mo? Hngōimak hei ning!

LUKE 5:34 ပူးပေါင်းရင်းမြစ်များ

HLAHEI HLA 5:8

Jerusalem nuhmeihei, intepna aneipek ruh, khachu kalungdipa kha nan-intōpui inchu, lungset rangeia invōidâk jo eng tia kanhri pek sik ti ruh.

HLAHEI HLA 6:1

Nuhmeihei kâra hme kaṭhapennu nalungdipa kha khon mo akase jo? Keini’n kajongsōt puina sik che, nalungdipa kha khonting mo akase jo amanthei ung roh.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

ISAIAH 62:5

Rether inkhat in nuhngâk intheng inkhat hmōinu sik a a’nṭhōi kapōa Nakasyempa khan lu ahôngpui sik che. Hmōipa inkhat in hmōinu chunga atlai kapōa Na-Pathen kha nachunga amalung katlai sik jo.

ZEPHANIAH 3:17

Rōngpu na-Pathen khan a-ompui che! ama rathahrat khan re amantor che. Rōngpu’n nachunga inpâkna anei sik, alungsetna che shunga hringkhōther apek sik che. Nachunga inpâkpuina hla ama’n asak sik,

MATTHEW 22:2

“Marvân Rengram kha hiva kapō kae. Pha khat a reng inkhat in asapa hmōiṭhōina revei inkhat aleimantluk.

MATTHEW 9:15

Jesu’n amasôn heia, “Hmōipa khan ahmelâk-hei leh an-omsaplai anmani kachâma ka-om sik a nantahlamrin mo? Khanga changthei mak ning! Tâk anhnenga inphut hmōipa ṭhōisōtna pha lakahong sik, khava pha bu antahngōi sik kae.

LUKE 5:33

Khana anmani’n Jesu hneng ander, “John sonlehei leh Pharisee sonle he’nchu thlai anhngōi ṭhak a derna annei ria kae; tâk nasonle he’nchu thlai hngōi loa ansâk a an-ina ka-om heia kae.”

LUKE 5:35

Tâk-kha hmōipa kha anmania inphut ṭhōisōtna pha lahong ka-om sik, khava pha kha leh anmani’n bu antahngōi sik kae.”

JOHN 3:29

Hmōinu kha hmōipa ta kae; tâk khava hnenga akangir hmōipa ṭhōnpa khan hmōipa rasa kha athei pha, inpâk a kae. Hing’hin kei inpâkna kha pui akatluk jo kae.

CORINTHIANHEI INHNINA 11:2

Thangset kanei Pathen achang kapōa, ke’m nan-chunga kathangsetna kana; ajârchu pase inkhat rōk leh lu kahông sik nuhngâk inthengtak inkhat kapōa, Christa leh lu kahông sik a ke’n nangni ṭong ka’nteppui chei kae.