LUKE 5:14 - LEKHARABU INTHENG (BSI)

¹⁴ Jesu’n ama ṭong apek, “Hivahi tûte hneng hrimak roh, tâk thempu hnenga vasehrek roh, ama’n enmanchên che rasoh. Khana tûnchu intheng jo che ti hi mihei manhretna sik Moses ṭongpek inthoina kha vatōk roh.”

LUKE 5:14 ပူးပေါင်းရင်းမြစ်များ

LEVI-DÂN 13:2

Tu inkhat in avun a’nthling, khōihli, akaphâr aneia akakhôk vunnat achang inchu, Aaron innshunga thempuhei hneng ṭhōi sik kae.

LEVI-DÂN 13:49

khavakha a’n-êm a-emak leh akasen a-om jo’nchu khavakha kaphâr kakop kae, thempu hneng malâr sik kae.

MATTHEW 10:18

Ajârchu kei jâra ram vaikarônhei leh renghei hmaikunga maher sik a anṭhōi sik chei, anmani hneng leh Jât-hlop hei hneng Ṭong Kaṭha hi hritheina sik a kae.

MATTHEW 12:16

khana ama chungchânga milak hneng anhrimakna sik ṭong apek hei.

MATTHEW 8:4

Jesu’n ama hneng, “Rangei roh! Tûte hneng hrimak roh, tâk thempu hneng intlunhrek a se roh, en che rasoh, khana na’ntheng kha mi rakip hneng a’nchênna sik Moses ṭongpek dungjuia tōkna vanei roh,” ati.

MATTHEW 9:30

khana anhmit kha khō ahmu jo. Jesu’n anhnenga, “Hivahi tûte hneng hrimak ruh!” tia inhnaktak a ahri pek hei.

MARK 1:44

hinga ahnenga ahrisōa, “Rangei roh, hivahi tûte hneng hrimak roh. Tâk thempu hneng vasehrek roh khana ama’n enmanchên che rasoh; khana natak dam kha mi rakip hneng malârna sik a Moses ṭongpek dungjuia inthoina kha vatlo roh.”

MARK 6:11

Khōpui inkhat a nanhonghlut pha khana khan mihe’n anrahlâng mak cheia nanṭong anrangei mak inchu, khava hmun kha dahlon ruh khana nankebōk vaiphin kathing mathla ruh. Khavakha anmani sik ṭong-gîkna kachang sik!”

LUKE 17:14

Jesu’n ahmu hei pha anhnenga aleiti, “Se una thempuhei hneng nangni nanbinga va’nlâr ruh,” ati. Anmani hlam a anselai le’ntheng jo hei.

LUKE 5:13

Jesu’n akut akalânga asit a, “Ke’n kahnōm, intheng roh,” ati. Khava laitak khan mipa kaphâr kha intheng jo.

LUKE 9:5

Khova hmun achang inum anratō makna cheia, mihe’n anleirahlâng makna chei khōpuia khan, sâkhi sik a nankebōk kha kathing mathlapek hei una dahlon hei ruh.”