LUKE 4:34 - LEKHARABU INTHENG (BSI)

³⁴ “Eh Nazareth Jesu, keini heimo namanlo hnōm ung? Nang kankasuk inhmang sik a akahong che mo? Nang tu che mo ti ke’n kamanhret che: Nang a’ntheng Pathen ṭongkarôn che kae!”

LUKE 4:34 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

RENGHEI INKHATNA 17:18

Amanu khan Elijah hneng ati, “Pathen mipa, heisa mo kei hneng hinga natlo? Kei setna Pathen in amandonsōtna sik a hinahin akahong che mo khana kasapa namanthi mo?”

HLAHEI 16:10

ajârchu thina ratha neina inphut nakhar eng. Taksen theitak a ke’n karazen jo che. Nang in kei kathirama adahlon mak che ning

DANIEL 9:24

“Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

MATTHEW 8:29

Khava laitak khan ka-ông heia, “Eh Pathen Sapa, heimo manlo sik namadu ung? Pha atluk mak hma karâkna kankapek sik a akajōng jo che mo?” anti.

MARK 1:24

“Nazareth Jesu, keini heimo namanlo hnōm ung? Kankasuk inhmang sik a hin akahong che mo? Nang tu nachang kamanhret che, nang Pathena inphut a’ntheng ṭongkarôn inkhat che kae!” aleiti.

MARK 1:34

Jesu’n nat hlop-hlop a akana rakip mi katamtak amandam hei khana ṭai katamtak ahnong sōt hei. Ṭaihei khan heikhat anṭong sik kha phepek mak hei, ajârchu ama tu mo ti kha anmani’n anmanhret a kae.

MARK 5:7

khana ka-ônga, “A’nshângpen Pathen Sapa Jesu! Kei heimo namanlo hnōm eng? Pathen jâra, kangek che, kei karâkna apek mak roh!” ati.

LUKE 1:35

Ngeva khan amasôn, “Rathla Intheng nachunga kajōng sik khana Pathen ratha hratna nachunga jōng inhnga sik a kae.

LUKE 4:33

An-intûpna innpuia khan ṭai kaṭhamak karôn pase inkhat leika-om; rasa inhnaktak a heika-ônga ati,

LUKE 4:41

Mi katamtak a inphut ṭai heikasōk heia, “Nang Pathen sapa che kae,” tia anlei-ôn. Jesu’n ṭaihei kha ṭong apek heia manṭong mak hei, ajârchu ama Messiah kae ti kha anmanhret a kae.

LUKE 8:28

Ama’n Jesu ahmu pha rasa inhnaktak a ka-ônga, ahmai kunga inkuna: “Eh A’nshângpen Pathen Sapa Jesu, kei heimo namanlo sik eng? Khōdeng theina apek mak roh,” tia angêk.

LUKE 8:37

Mipuihei kha ankhenga kaṭirei jo heia khava ram a inphut Jesu asesōtna sik anngek a kae. Khava jâra Jesu rakōnga kahlut a adahlon jo hei.

ṬŌNTLOHEI 16:39

Khava pha ankhenga kase heia rangei mandam anva inder jo; khava sōa kurkhum a inphut anmasō heia khana khava khōpui kha andahlonna sik a anleingek hei.

ṬŌNTLOHEI 2:27

ajârchu nang in thina raleichunga hin adahlon mak tin che; Nahlamrin nasōk hi thlân shunga aṭop inhmang sik phemak tin che.

ṬŌNTLOHEI 3:14

Ama chu a’ntheng leh akaṭha inkhat kae. Tâk-kha nangni’n ama nanhōt a ama kahlânga, mikathat inkhat jôk amasōna sik a Pilate hneng nanlei der.

ṬŌNTLOHEI 4:27

Atakbak a nang in Messiah namatungsōt, Nasōk intheng, Jesu kadōia Herod leh Pontius Pilate in Jât-hlop hei leh Israel mipuihei kha hiva khōpuia anle’ntûp pui hei.

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

JAMES 2:19

Pathen inkhat rōk ka-om ti nang in nataksen mo? Kaṭha! ṭai he’num antaksen, khana anṭit a anratha innok.

JOHN INKHATNA 3:8

Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

ṬONGPHÔNG 20:2

Ama’n hmalaia mari rihren kha asur jo, khavakha Diabol a-emak leh Seitan kha kae, kum 1,000 sik a akhit joa kae.

ṬONGPHÔNG 3:7

“Philadelphia bekrup ngeva hneng hi mazet roh: “Hivahi a’ntheng leh akadik inkhat a inphut ṭong kae. David shokir kachoi, amahlâng kha tûte’n khâr theimak, akhâr kha tûte’n mahlâng theimak.