LUKE 4:15 - LEKHARABU INTHENG (BSI)

¹⁵ Ama’n an-intûpna innheia amanthei heia, khana anmani seng in anmanpâk joa kae.

LUKE 4:15 ပူးပေါင်းရင်းမြစ်များ

ISAIAH 55:5

Tûnchu nangni’n ram hlop mihei kha nanbek sik hei; pha khat a nangni leimanhret mak hei chei, tâk tûnchu nangni kajōm sik a hong katlân sik jo hei! Rōngpu nan-Pathen, Israel Pathen intheng ke’n hihei seng hi kahong masō sik; ke’n kajana leh lûrna kha nangni kapek sik chei.”

MATTHEW 13:54

khana akhōpuiting he’nle jo. An-intûpna inna amanthei hei, akathei he’n inlak anleisak a kae. Anmani’n, “Ama’n khona inphut singna hi a’nhmu mo?” tia inder hei. “Ama ṭōn inlak-hei hin heikhong inmo?

MATTHEW 4:23

Galilee ram pumpuia Jesu kalôna, Intûpna innheia amanthei hei, Rengram chungchânga Ṭong kaṭha ahrile, khana mihei natna hei seng amandama kae.

MATTHEW 9:35

Jesu’n khōpui leh khōte rakip a avachōnlea kae. Intûpna innheia, Rengram ṭong kahōi kha ahri le pek hei, khana nat leh sat rakip amandam hei.

MATTHEW 9:8

Mipuihei khan kha anhmu pha kaṭi jo hei, khana mihei hnenga hiva kapō torna ratha kha apek jâra Pathen kha anmanpâk jo.

MARK 1:27

Mipuihei khan andet-hla et a khat leh khat indertō hei, “Hivahi heijo mo? Hivahi mantheina ther ṭhahrep jo mo? Hiva mipa hin rathla kaṭhamak-hei hneng ṭongpekna ratha anei, khana anmani’n aṭong anjuia kae!” anti.

MARK 1:39

Khava jâra Galilee ram rakip a kaselea an-intûpna innpui heia ṭong ahrilea ṭaihei ahnong sōt heia kae.

MARK 1:45

Tâk mipa kha kasesōt a khava ṭong kha hmun rakip a ahri manthang joa kae. Takbak a, ama’n ahrile jo jâra Jesu kha khōpui inkhat a inlârtak a vase tor mak joa kae. Khava kanek a, hmun kadaineng heia kasea vaka-om jo, khana hmuntina mihei khan ahnenga kahong heia kae.

LUKE 13:10

Châmhngat kani ning inkhat a intûpna innpuia Jesu’n aleimanthei hei.

LUKE 4:16

Khava sōa Jesu kha aseilenna Nazareth khōa kase jo, khana Châmhngat kani ning ama angaia intûpna inna leikase. Ṭong Intheng katei sik a kangirsōt jo,