LUKE 3:17 - LEKHARABU INTHENG (BSI)

¹⁷ Sâng kha sapanga khumna sik a, sâng rakip vōk maṭhia ajâpna sik yângjâp leh inṭhōia kajōng; tâk akathi theimak hmeikhur shunga arasihei kha aro sik heia kae.”

LUKE 3:17 ပူးပေါင်းရင်းမြစ်များ

HLAHEI 1:4

Tâk-kha mikaṭhamak-hei chu hinga chang hêrmak hei; anmani chu thli tatlen sapôt kapō hei kae.

ISAIAH 30:24

Nanhlei khōina nansehratche hei leh nanshakor tung hei khan kahar akaṭhapen ansâk sik.

JEREMIAH 15:7

Ram shunga khōpui rakip a ke’n sapôt kapōa thlihrâng kâra kakathek chei. Kami nangni kasuk manset chei, nansahei kathat hei ajârchu nanṭhat makna hlam hro kha bângmak chei. Ke’n nansahei kathatpek chei.

MICAH 4:12

Tâk-kha hiva jât-hei hin Rōngpu malung kha manhret mak hei. Hmuchi kara saphōra vōk mathlâk sik a manbuk jo kapōa anmani kha karâkna pek sik a khôm mantûp jo hei kae ti kha anmani’n manhret mak hei.

MATTHEW 13:30

A-ât phamak kârseng gehu leh kahar keksap jo hei rasoh. Khava pha saka-ât hei hneng ahma inkeia kaharhei phoisōtna sik, ahloma khitna sik khana hmeikhura hlon manhlutna sik, khava sōa gehu hei kha khôm mantûp heia sasōra thōn manhlutna sik kahri pek sik hei.’

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”

LUKE 3:18

John in mihei kha anhlam hro anthlengna sik ṭong kaṭha kha ahlam katamtak vânga aleihrile pek hei.