LUKE 24:27 - LEKHARABU INTHENG (BSI)

²⁷ Khana ama’n Moses lekha heia inphut sânkathemhei tamazet katlunga ṭong Intheng rabu rakip shunga achungchânga ale’nzet senghei kha aleihri manchên pek jo hei.

LUKE 24:27 ပူးပေါင်းရင်းမြစ်များ

A’NPHUTNA 12:3

Vâng nakapek hei kha ke’n vâng kapek sik hei. Tâk-kha nakahâksêr hei kha kahâksêr sik hei, khana nanga inphut jât rakip vângṭhat kapek sik hei kae.”

A’NPHUTNA 22:18

Nang in kaṭong pek najui jâra, nasōn-napâr hei vâng kapek hei kapōa jât rakip he’num vâng chenna sik ander sik eng,” ati.

A’NPHUTNA 26:4

Ke’n marvâna ârsi ja, tu leh sa katamtak kapek sik che, khana anmani hiva ramṭhen tahōm seng hi kapek sik hei. Nang sōn leh pârhei mahâmṭhat kapek hei kapōa mahâmṭhat pekna sik a jât rakip inum anta hongder sik eng kae.

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

HLAHEI 132:11

Nalosōt nôk mak sik jo intepna kha David hneng ka-ôrtak a le’ntep che: “Nasahei kâra inkhat reng kamanchang sik, ama’n nakahnunga vai arôn sik.

ISAIAH 1:23

Nahlam kakeihei kha indōipui leh mi’nru hei ṭhōnhei kae; anmani’n kutchoi pek leh sêrmarûk sâk rōk antloṭhak a kae. Anmani’n nu leh pa kasehei kha ṭong tanna inna hukphung mak hei, khana renghmei he’n anṭong anmalâr pha rangei pek mak hei.

ISAIAH 50:6

Ani kavōk hei hneng kaṭhōm kamado. anmani’n inzakna anipek eng pha, kahnerhme anphoi pek eng pha kahmaia anmachi thlōn pha khâm mak hei eng.

ISAIAH 7:14

Kha achang inchu kaṭha jo, Rōngpu ama khet in mêrchîkna inkhat apek sik jo che: achung kahrik nuhngâk inkhat in sapa inkhat anei sik arahming, ‘Immanuel’ tia anphō sik.

ISAIAH 8:17

Rōngpu kha ami heia inphut inthup a kae, tâk ke’n ama kataksen, khana ama inhōrna kanei.

ISAIAH 9:1

Hiva inrimna inphut a hin anmani anphesōtna sik hlam om mak ning. Zebulun leh Naphtali phunghei ram hi vōi khat inzakna achen jo, tâk hnunga chu, Mediterranean nisōtinga inphut Jordan rekhat tinga ram katlung, ram hlop mihei omna, Galilee ramkei katlung hi kajana lahong ka-om sik.

EZEKIEL 34:23

Ke’n kasōkpa David kapō anmani kemōng kakhem sik a reng inkhat kapek sik hei, ama’n a-ensui sik hei.

EZEKIEL 37:25

Kasōkpa Jacob hnenga kapeksa, anpu anpahei leiomna ram a ka-om sik hei. Ahei tik a khan ka-om sik hei, khana khan ansōn anpârhei ka-om sik hei. Kasōk David kapō inkhat in ahei tik a vai arôn sik hei.

DANIEL 7:13

Hiva jân a hmangtalâra hin ke’n mihring kapō inkhat kaleihmu. Ama kha sumtuk in akake khuma kahnenga ajōng hnai eng, khana ama khan ahei tik a akahring ṭhak hneng kasea inpek inhlut a kae.

MICAH 5:6

Nimrod ram a Assyria mihei kha re hmangchâk ratha neina vânga anmani’n antor sik, khana Assyria he’n nirama re anheitlo pha anmani’n Assyrianheia inphut anhuk sik me.

MICAH 7:20

Tenlaia kanpu kanpahei hneng naṭong leitepna kapōa, Abraham leh Jacob sōn leh pârhei, namihei hneng nalungsetna injônjet leh taksenthei nachangna kha namalârpek sik jo hei.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MIJAHEI 21:14

Khava jâra Rōngpu lekharabua khan hing’hin, “Supha ramkeia Waheb khōpui leh phaichamhei, Arnon tuidung,

MARK 4:34

Tekâk tei loa anhnenga ṭong leihri mak, tâk abing rōk a asonlehei leh aleiom pha chu sonlehei hneng heirakip ahri manchên pek heia kae.

LUKE 24:25

Khava sōa Jesu’n anhnenga ati, “Heituk-hrep a akamo chei mo, sânkathemhei tahrisōt rakip taksenna sik heituk a a’nsûm jo chei mo!

LUKE 24:44

Khava sōa anhnenga ati, “Kei chungchânga Moses Dân shunga a’nzet rakip, sânkathemhei tamazet, khana Hlarabua ale’nzet kha ahong katlung sō nger sik kae tia nangni leh nileiom saplai kaleihri pek chei kha hivahei hi kae.”

JOHN 1:45

Philip in Nathanael ahmua ahnenga, “Ama chungchânga Moses’n Dânrabu a amazet leh sânkathemhei talei mazet mipa kha keini’n kanhmu jo; ama kha Nazareth a Jesu, Joseph sapa kha kae,” ati.

JOHN 12:41

Isaiah’n Jesu lûrna kha ahmu jâra hivahi Jesu chungchânga ahri kae.

JOHN 5:37

Khan chu anijōng katir Pa’num kei kahlânga ṭong ahria kae. Nangni’n ama rasa lathei phungmak chei, ahme um lahmu phungmak chei;

JOHN 5:39

Nangni’n Ṭong intheng rabu shunga kumsôt hringna kanhmu sik tia nanteia nanjong. Khana hiva Ṭong intheng hei hin kachungchânga antahri kae!

ṬŌNTLOHEI 10:43

Tu achang inum ama taksenna kanei rakip hei setnahei kha arahming ratha neina jâra rangei mandam anchen sik tia ama chungchânga sânkathem rakip in anta leihridek jo kae.”

ṬŌNTLOHEI 3:18

Hmalai Pathen in sânkathem rakip heia inphut, ama Messiah khan inreng athōk sik kae tia aleiphôngsōt kha hing’hin hui ajōng katlung jo kae.

ṬŌNTLOHEI 3:22

Ajârchu Moses’n: ‘Rōngpu nan-Pathen khan kei ajōngtir eng kapōa, nanhnenga sânkathem inkhat nanmi kalan ajōngtir sik kae. Ama’n nangni amanthei chei rakip kha nanta rangei sik kae.

ṬŌNTLOHEI 3:24

Sânkathem rakip in, Samuel a inphut ama bân hei seng ankhenga, tûnlai kania sik katlunga anta leihrisōt jo kae.

ṬŌNTLOHEI 7:37

Israel mipuihei hnenga, ‘Pathen in kei ajōngtir eng kapōa, nanmikhet shunga inphut Sânkathem inkhat ajōngtir pek sik chei,’ aleikatipa kha Moses hi kae.

ṬŌNTLOHEI 8:35

Khava sōa Philip kaṭong inphut jo; khava aleitei ṭong intheng hmun a inphut, Jesu chungchânga ṭong kaṭha kha aleihri pek jo.

DÂNRABU INHNINA 1:45

Khan chu nangni’n Rōngpu ângshunga kaṭap cheia inthōpuina sik nanngek, tâk ama’n rangei pek mak chei, khana nanchunga amalung hlutmak joa kae.

DÂNRABU INHNINA 18:15

Khava kanek a, nanmihei kâra inphut kei kapō sânkathem ahei tir pek sik chei, ama ṭong kha nantajui sik kae.

ṬONGPHÔNG 19:10

Ama inmuk sik kei akekunga inkun jo eng, tâk ama’n kahnenga ahri, “Kha tlomak roh! Ke’m nang leh khana Jesu tamalârsōt akadik intu inhnet hei seng leh a’n-ang, sōk inkhat eng kae. Pathen jôk kamuk roh!” Ajârchu Jesu tamalârsōt akadik kha sânkathemhei manhlimna kapek kha kae.