LUKE 23:43 - LEKHARABU INTHENG (BSI)

⁴³ Jesu’n ahnenga, “Tuning nang, paradise a aka-omsap sik mea intep eng,” ati.

LUKE 23:43 ပူးပေါင်းရင်းမြစ်များ

HLAHEI 32:5

Khava sōa kasetna hei nahnenga kahrisōt hei; kaṭhena hei thup mak eng. Nahnenga kasetna hei hrisōt sik intluk eng, khana kaṭhena hei seng narangei mandam ri eng.

HLAHEI 50:15

Nan-inreng pha leh kei eibe ruh; kahuk sik chei, khana nantamanpâk sik eng kae.”

ISAIAH 53:11

Inrengna hringkhō kha a’nchaisōa, avea hōina kha achen sik; hnemna kasea ama’n inrengna athōk changmak ti kha ama’n ahong manhret sik. A’npek sōt kasōkpa chunga kamalung katlai, mi katamtak hei karâkna chen sik kha arôn pek sik hei khana ama jâra anmani kha karangei mandam sik hei.

ISAIAH 65:24

Anmani’n kahnenga andersō mak hma ke’n anderna kamasôn pek sik hei.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

LUKE 19:10

Mihring Sapa kha a’nhmanghei kajong leh kahuk sik a akajōng kae.”

LUKE 23:42

Khana ama’n Jesu hneng, “Eh Jesu, nang in reng inkhat a nahong pha leh ahei mandonsōt roh,” ati.

JOHN 14:3

Khana kavasea nangni sik hmun kavamantluk sō leh jōng inle sik eng khana ka-omna hmun a khan nan-omna sik kahnenga kaṭhōi sik jo chei.

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

CORINTHIANHEI INHNINA 5:8

Keini pui katluk a inngam ung khana hiva taksa inn hi dahlona Rōngpu leh omsap sik kha kantamadu jôk kae.

PHILIPPIANHEI 1:23

Kei alang hnia ankeitō eng. Hiva hringkhō hi dahlona Christa leh lengsōm sik kha kamadu hêr jo, khavakha akaṭhapen kha kae;

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

ṬONGPHÔNG 2:7

“Khava jâra nang in kōr nanei inchu, Rathla’n bekrup-hei hnenga ahri kha, rangei roh! “Torna akanei jo hei hnenga khan Pathen rahōn shunga akahmông hringna thingkung kara kha ansâkna sik a ratha kapek sik hei kae.