LUKE 20:10 - LEKHARABU INTHENG (BSI)

¹⁰ Vomhrui thei kha alōk pha ahongtluk jo pha, ama chen kalo sik a asōk inkhat aleitir jo. Tâk-kha thei rahōn kasânhei khan sōkpa kha anleivōk a heite pek loa antir male jo.

LUKE 20:10 ပူးပေါင်းရင်းမြစ်များ

RENGHEI INKHATNA 22:24

Khava pha Zedekiah in Micaiah hneng ahnaia angambe akaben pek, khana ader, “Heitik pha khan mo Rōngpu rathla’n kei adahlon enga nang hnenga ṭong ajōng hri?”

RENGHEI INHNINA 17:13

Rōngpu’n asânkathemhei leh aṭongkarônhei Israel leh Judah hei kagîk sik a ajōngtir, “Nan-omchen kadikmak hlam hro bâng ruh, khana Nanpa-nanpuhei hneng kaleipek Dânrabu shunga aka-om, khava nôk kha kasōk sânkathemhei vânga nanhnenga kajōng mathlung, kaṭong pek kha jui ruh!” ati.

THUHMINGHEI INKHATNA 19:4

Hanun in David mi tir hei kha asur heia anhnerhme avo pek hei, ankhôn tinga anpōnsi a-eptan pek heia, atirsōt jo hei.

THUHMINGHEI INHNINA 16:10

Hiva ṭonghri jâra hin Asa kha ahnuk kana hêr joa ama kha akhit a ada joa kae. Hiva phalai hin kae Asa khan mi ṭhahrep êng kasetak a aleirazen hei kha.

NEHEMIAH 9:26

“Tâk-kha namihei khan inphin heia naṭong juimak hei; nadân a khan anmani’n hnung ansungsi jo. Nang hnengting anlei inhena sik a gîkna kanei sânkathemhei kha anmani’n anleithat hei. Pha khakhat leh nang kha inzakna anleipek che,

NEHEMIAH 9:30

Akum akum a nang in detheitak a anmani nalei gîk hei. Nasânkathemhei khan ṭong anhrina sik a hlimna napek hei, tâk-kha namihei kha ankōr kaset, khava jâra jât-hlop hei kha namantor heia kae.

HLAHEI 1:3

Anmani kha kavadung panga thingkung kahmông hei, aphahrep a a’nra khana abō a’nvōi mak kapō hei kha kae. Antlona rakip a chung sōkna annei.

JEREMIAH 2:30

Ke’n karâkna kapek che, tâk ṭhatchôm dekmak; nang mandikna sik a ṭōn amantlo hnōm mak che. Hnuk kase shabakkai kapōa, nasânkathemhei kha nathat heia kae.

JEREMIAH 20:2

kei avōk enga Bek-inn shunga Benjamin Kekot hnenga thîrhrui vâng akhit eng.

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 5:24

Ke’n ṭhekhō leh zerkhō khōsûr kahei tir inum, akum katai sâng khôm pha kapek chei inum, kei kajana sik mandon dekmak chei.

LUKE 13:34

“Jerusalem, Jerusalem! Nahnenga Pathen tajōngtir tirlehei hlung vâng nadeng hlon hei, sânkathemhei nathat hei! Ârpui in atehei amathla hnōia aka-unsi hei kapōa ke’n namihei vōi heija mo kabân vâng ka-unsi sik heia kamadu, tâk amantlo mak che.

LUKE 20:11

Khava jâra ama’n sōk ahlop inkhat atir nôk a kae, tâk thei rahōn kasânhei khan ama’m anleivōk a, rahe kasetak a anleitloa, heite pek loa antirsōt jo.

LUKE 20:9

Khana Jesu’n mihei hneng hiva tekâk hi aleihri, “Mi inkhat vomhrui thei rahōn inkhat arahōna, khava thei rahōn kha mihei hneng asânsōt a, khava pha ama’n a-inn kha adahlona kase jo.

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

ROMANHEI 7:4

Khava ângphunga kasōpuihei, nangni’m khanga sik chei kae. Ajârchu nangni Christa taksa bâk kha nanchang jâra, Dân tak a nimandon inchu nangni’m akathi jo chei kae; tûnchu hringkhō hi Pathen sik a pui katluk a hmangna sik thina inphut akathōi sōtpa ta jo chei kha kae.