LUKE 2:49 - LEKHARABU INTHENG (BSI)

⁴⁹ Ama’n amasôn hei, “Heisa mo nangni’n kei nantajong eng? Kei kapa inna ka-om sik hi manhret mak chei mo?”

LUKE 2:49 ပူးပေါင်းရင်းမြစ်များ

HLAHEI 40:8

Ka-Pathen, nalungdo tlo sik kha heituk-hrep kamadu jo mo! Naman theina eng kha kalungria ka’nvona kae,” kalei ti.

MALACHI 3:1

Chunghnung Rōngpu’n amasôn, “Kei sik a hlam inhleng sik kaṭong karôn mi katir sik. Khava sōa nangni’n nantahngâk a ka-om Rōngpu kha manhret manloa a-Bek-inna kahong sik. Nangni’n nantahmu hnōm ṭongkarôn kha kahong sik khana ka ṭongtep kha aphông sik.”

MATTHEW 21:12

Jesu Bek-inn shunga khan kahlut a, bek-inn shunga neinâk akajōr leh a’nchohei seng kha ahnong sōt jo hei. Sêr kathlenghei leh pherva kajōrhei dokhânghei kha leh in-ongna hei kha amaletpek jo hei,

LUKE 2:48

Anu leh apa’n anhmu pha, anmandon-hla a anu’n ahnenga, “Kasapa, heisa mo keini hneng hinga natlo? Napa leh ke’n nang malung inrimtak a kantajong che kae,” ati.

JOHN 4:34

Jesu’n anhnenga, “Kei bu khachu anijōng katirpa lungdo pui katluk a tlo mathluk sik kha kae,” ati.

JOHN 5:17

Jesu’n anmani amasôn hei, “Kapa’n ṭōn atlo ṭhak achang jâra ke’num katlo sik kasōk.”

JOHN 5:36

Tâk-kha John sâkhi tlo kanek a akalen chet kachungchânga sâkhi inkhat ke’n kanei; Kapa khan katlo sik ṭōn apek eng, kaṭōn tlohei khan kei kahlânga ṭong anhria, kapa tahei tirna eng kha’m amalâra kae.

JOHN 6:38

ajârchu kei anijōng katirpa lungdo katlo sik a marvâna inphut kei akajōng eng kae; kalungdo katlo sik a akajōng changmak eng.

JOHN 8:29

Khana anijōng katirpa khan a’nṭhōipui eng, kabinga amasō mak, ajârchu ke’n amalung tlaina aheitik a katlo ṭhak a kae.”

JOHN 9:4

Kani omlai seng, eini’n anijōng katirpa ṭōnhei kha nitlo manjôn nger sik kae; tûte inkhat ṭōn tlothei makna jân pha jōng katlung sik jo.