LUKE 2:13 - LEKHARABU INTHENG (BSI)

¹³ Khava laitak khan manhret manloa marvân ngeva remi katamtak khava ngeva kha leh jōng inlâr heia, Pathen choi ka-ânna hla hi ansak:

LUKE 2:13 ပူးပေါင်းရင်းမြစ်များ

A’NPHUTNA 28:12

Arahmanga raleia inphut marvân katlung keirâk inkhat intung khava chunga ngevahei akaketou leh akaṭumsuk aleihmu hei.

RENGHEI INKHATNA 22:19

Micaiah’n abân ahri nôk a, “Tûn Rōngpu’n heimo ahri rangei ruh! Ke’n Rōngpu kha angeva rakip ahnenga kangir heia, marvâna alen in-ongna a’n-ong kha kahmu.

JOB LEKHARABU 38:7

Khava kani jîngkâra khan ârsihei kha inchun heia hla ansak sōm, marvân mihring he’n inpâk a ka-ông hei.

HLAHEI 148:2

Amarvân ngeva rakip, amarvân remi rakip in ama kha choi ka-ân ruh.

HLAHEI 68:17

Ashakor gâri lishing katamtak leh Rōngpu’n Sinaia inphut hmun inthenga khan jōng kaṭum.

EZEKIEL 3:12

Khava pha Pathen rathla’n akadom eng, khana kakahnung ting kare inshângtak rasa kathei, “Marvân chunga Rōngpu lûrna kha choi manshâng ruh!”

DANIEL 7:10

Khana inphut hmeimale ahei kâpsōt a kae. Khava hmun a khan ama inzen sik mi lishing lishing ka-om hei, khana tei torlo katamtak ahmating kangir hei. Ṭong tanna sik in-ong anphut jo, khana lekharabu hei kha anmahlang jo.

LUKE 15:10

Kha leh in-anghrep a mikaset inkhat malung thleng jâra Pathen ngevahei inpâk hei ti hi ke’n kahri pek chei kae.”

LUKE 2:12

Nangni chîkna sik kha hi kae: naite inkhat ranthlai sâkna shunga pōn vâng antakatōma antamanje nanvahmu sik.”

LUKE 2:14

“Marvân chung inshângpena Pathen kha lûr rasoh, khana raleia amalung tlaina mihei chunga lung mōngna kha om rasoh!”

EPHESIANHEI 3:10

Tûna pha hinchu bekrup a inphut, Pathen singna kha hmesō ahlop-hlop a, marvân ram a ratha kaneihei leh ngeva vaikarôn he’n anmanhretna sik a kae.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

PETER INKHATNA 1:12

Khava sânkathemhei ṭōntlo kha anbing hnemna sik changmak, tâk nangnihei hnemna sik a kae tia Pathen in anhnenga aleiphông pek hei. Khahei chungchânga anmani’n anta leihri kha tûn nangni’n marvâna inphut ajō’ntir Rathla Intheng ratha hratna vâng, Ṭong kaṭha kaphông tlângva heia inphut nanthei jo. Hiva ṭong hi ngevahei kapha’num antamanhret hnōm kae.

ṬONGPHÔNG 5:11

Khan nôk chu ke’n ka-ena, marvâna ngeva lishing raja hei rasa kathei! Anmani len in-ongna kimvea ranhring 4 leh upahei leh kangir heia,