LUKE 18:14 - LEKHARABU INTHENG (BSI)

¹⁴ Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

LUKE 18:14 ပူးပေါင်းရင်းမြစ်များ

JOB LEKHARABU 22:29

Pathen in inlensak-hei kha akei mathlâk hei, a’nsinsak hei kha ama’n ahuk hei.

JOB LEKHARABU 25:4

Pathen hmaikunga mi inkhat in a’ntheng leh akadiktor aka-om mo?

JOB LEKHARABU 9:20

Kei taksenthei ṭhenakase eng kae, tâk-kha kabeisō chu ṭhena ahrisōt, khana kahri seng hin kabinga maset a’npek eng ka-ang.

HLAHEI 138:6

Khang hrep a chung inshâng nachang inum, inhnemtak a ka-om hei kha na-ensui hei, khana mi inlensak khan nanga inphut inthup tor mak.

HLAHEI 143:2

Nasōk kei ṭong tan sik a eidamak roh; nang hmit ena tûte ṭhenakase om mak.

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

ṬONGCHÎK-HEI 15:33

Rōngpu kajana nei hin themna kha akachang jo kae. Kajana nachen mak hma a’nsinsak nger sik che kae.

ṬONGCHÎK-HEI 18:12

Tûte inkhatbek um a’nsinsak mak lai seng mi’n kajana neimak hei; racham kase hei chu inhmangna hlam antahro jo kae.

ṬONGCHÎK-HEI 25:7

Naṭōn hmun kha mi kalendetpa hneng pek jo roh tia antamanthei sik che kanek a, a’nshângdet ṭōnhmun matu jo roh tia antangek sik che kha kaṭha jôk.

ṬONGCHÎK-HEI 29:23

Racham kase hin thōi tlâkna amannei sik che, tâk na’nsinsak inchu, mi’n ankaja sik che.

ṬONGCHÎK-HEI 3:34

Mi inlensak-hei kha ama’n heikhat a hmangna neimak. Tâk-kha a’nsinsak mihei kha ama’n alungsetna amanhmu heia kae.

MI INTHEIPA 9:7

Hmating song inna se roh – nabu kha sâk inna inpâk roh, naju in-ina kahōia om roh. Hivahi Pathena akadik kha kae.

ISAIAH 45:25

Rōngpu ke’n Jacob sōn leh pârhei seng kahuk sik hei, khana anmani’n kei anchoi ka-ân sik enga kae.

ISAIAH 53:11

Inrengna hringkhō kha a’nchaisōa, avea hōina kha achen sik; hnemna kasea ama’n inrengna athōk changmak ti kha ama’n ahong manhret sik. A’npek sōt kasōkpa chunga kamalung katlai, mi katamtak hei karâkna chen sik kha arôn pek sik hei khana ama jâra anmani kha karangei mandam sik hei.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

HABAKKUK 2:4

Ṭong khachu hi kae: ‘Mikaṭhamak-hei hringmak hei ning, Mikadik-hei chu kahring sik hei, ajârchu anmani’n Pathen antaksena kae.’”

MATTHEW 23:12

Abinga akalen hnōm khan a’nsinsak sik kae, khana abinga a’nsinsak kha manlen sik kae.

MATTHEW 5:3

“Rathla a antlâksamna inhret hei anmahâm kaṭha; marvân rengram kha antâ kae!

LUKE 1:52

Ama’n reng kalenhei kha anlen in-ongna inphut akei mathlâk hei, khana a’nhnemhei kha akadom manshâng heia kae.

LUKE 10:29

Tâk-kha dân oja khan abinga akadik achanghnōm jâra, Jesu hneng ader, “Tu mo kakhō kaven?”

LUKE 14:11

Ajârchu binga a’nlensak mi kha mansinsak kachang sik, khana abinga a’nsinsak mi kha choi manshâng sik kae.”

LUKE 16:15

Jesu’n anhnenga aleiti: “Nangni hi mi tahmu sik a nanbinga a’ndiksak hrep chei kae, tâk Pathen in nanmalung amanhret. Ajârchu mihring in kalentak a amandon kha Pathen hmit-hmua chu heite hnemmak.

ROMANHEI 3:20

Dân tamadu tlo jâra mihring tûte Pathen hmaikunga akadiktor om mak; Dân tatlosōt khachu, mi kha kaset jo ti manhretna katlo hrep kha kae.

ROMANHEI 4:5

Tâk-kha anṭōn tlona chunga changloa, an-Pathen taksenna chunga a’nngai hei, khan chu anṭhena kha ṭhena kaneimak tia amalârsōt jo hei, khahei taksenna kha ama khet leh dikna an chensapna sik Pathen in ateia kae.

ROMANHEI 5:1

Tûnchu eini taksen jâra Pathen leh akadiksap kachang jo me, ei-ni’n Rōngpu Jesu Christa jâra Pathen leh inchamna ninei jo.

ROMANHEI 8:33

Tu’n mo Pathen takadeisōt mihei kha maset apek sik hei? Pathen ama khet in anṭhena om mak tia ahrisōt jo kae.

GALATIANHEI 2:16

Achang inum Dân tamadu tlo jâra eloa, Jesu Christa taksen jâr rōk a mi inkhat kha Pathen leh amandiksap hei. Dân tamadu tlo jâra eloa, Christa nitaksenna khan Pathen leh amandik sapna sik me keini’n Christa Jesu kantaksen jo. Ajârchu Dân tamadu tlo jâra tûte Pathen leh mandiksap mak a kae.

JAMES 4:10

Pathen ângshunga insinsak ruh, kha achang inchu ama’n akadom manshâng sik chei.

JAMES 4:6

Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”

SAMUEL INKHATNA 1:18

Amanu’n amasôn, “Nang in ahei tik a lungset a amandon roh.” Khava sōa amanu kase jo, bu ajing asâk jo, amalung inreng nôk mak joa kae.