LUKE 18:13 - LEKHARABU INTHENG (BSI)

¹³ “Tâk-kha ramsêr kaṭheipa kha kahlajap a kangira marvânting kapha’m ahmai mahe tor loa, a-ôp akabena, ‘Pathen, kei mikaset eng kae, aheilungset roh!’ ati.

LUKE 18:13 ပူးပေါင်းရင်းမြစ်များ

SAMUEL INHNINA 12:13

David in ati, “Rōngpu dōina setna katlo jo.” Nathan in amasôn, “Rōngpu’n arangei mandam che; nang thimak tin che.

THUHMINGHEI INHNINA 33:19

Rengpa derna khana Pathen masôna, ama’n amalung athleng mak hma asetna tlohei, ṭhatmak atlo hei, khōvelhei kamukna hmun, khana ama’n aleisyem Asherah pathennu limhei, khana ama’n akamuk limsyem ralak-hei ankhenga Sânkathemhei Thuhming Rabu a inzet heia kae.

THUHMINGHEI INHNINA 33:23

Tâk-kha apa leh in-ang loa, ama kha insinsak mak, khana Rōngpu hneng hong inhe mak a kae; apa kanek a kakhea kasetchet a kae.

EZRA 9:6

Ke’n kati, “Eh Pathen, na-âng shunga kalu chung manhnget sik inzak hêr eng. Kansetna hei kha kanlu atlumbit a inbuk jo hei; marvân inshâng kapōa inshâng jo.

JOB LEKHARABU 42:6

Khava jâra kaṭong leihri hei seng chunga inzak jo eng ravut leh vaiphin shunga kamalung kathleng jo.

HLAHEI 106:6

Kanpu kanpahei taleitlo kapōa keini’n setna kantlo jo; keini akadik mak leh akaṭhamak leikachang jo ung.

HLAHEI 119:41

Heituk-hrep mo nalungset eng, amanhmu roh Rōngpu, khana naṭongtep dungjuia ahuk roh.

HLAHEI 130:7

Israel, Rōngpu kha taksen roh, ajârchu ama lungsetna inthlengtik neimak; khana ahei tik a hukna malung anei.

HLAHEI 25:11

Rōngpu naṭong tepna ajuipek ina, kasetna hei arangei mandam roh, ajârchu katam hêr jo.

HLAHEI 25:7

Kakhangdông laia kaṭhena leh kasetna hei arangei mandam roh. Nalungset inthlengmak leh naṭhatna khan, amandonsōt roh, Rōngpu!

HLAHEI 40:12

Innokna katamtak in kei akatōmsi eng, teia teithei emak! Kasetna’n kei asur tlit jo eng, khana ke’n khō hmuthei mak jo eng; kasetna hei kha kalua kasam rajang kanek a katam jôk hei, khana ka-invakna katlang jo.

HLAHEI 41:4

Ke’n kaleihri, “Rōngpu, nakadōia setna katlo jo, alungset ina kanat amandam roh.”

SŌKSŌT 33:10

Pōn-inn kot kunga sumtuk kacho kha angîr kha anhmu lim leh mipuihei kha’n antakamuk sik kae.

ISAIAH 1:18

Rōngpu’n ahri, “Tûnchu hiva ṭong hi hri mathlâk rih. Nangni setna’n achu mansen jo chei, tâk kavur kachek kapōa kasôp mantheng sik chei. Nangni achuna chei kha asendup hêr jo’num sahme pōn kapōa kachek sik chei.

ISAIAH 6:5

Ke’n kati, “Kei sik a inhōrna om mak! Kei inhmang jo eng ajârchu kabeia ṭong ahei kasōk rakip setna kasip, khana setna kasip ṭongkahri mihei kâra kei ka-om eng. Kha’num Reng Rōngpu Chunghnung kha kahmu jo!!”

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

EZEKIEL 16:63

Nang in akadik mak natlo rakip karangei mandam sik che, tâk nang chu khahei rakip namandonsōt a inzakrei chea nabei kapha mahlang tor mak tin che.” Chunghnung Rōngpu’n ati jo.

DANIEL 9:5

“Keini’n setna kantlo jo, keini ṭhamak jo ung, keini akadik mak kantlo jo. Nang in tlo ruh nati kha tlomak jo ung, khana akadik namanhmu ung kha kandahlon jo.

MATTHEW 10:3

Philip leh Bartholomew; Thomas leh ramsêrṭhei ṭōnkatlo Matthew, Alphaeus sapa James, khana Thaddaeas;

MATTHEW 6:5

“Nangni’n nander pha, a’nṭhatsak hei kapōa changmak ruh! Ajârchu anmani’n mihmuna sik a kamukna innheia leh hlampui rakir heia kangir heia kae. Kahri manchên pek chei kae, anmani tloman inpekdek jo hei.

MATTHEW 9:13

‘Kei tamadu kha lum lona kae, ran inthoina kha changmak,’ tia ṭong intheng tahri hi heitina mo se una vajongsōt ruh. Kei mi kalûrhei kabea akajōng changmak eng, tâk mikasehei kabea akajōng eng kae.”

MARK 11:25

Khana nangni’n nanngira nander pha, marvâna ka-om nanpa khan nantlo ṭhena rakip arangei mandamna sik chei, tu mo inkhat chunga malung hōimakna nantanei rakip kha rangei mandam hei ruh.”

LUKE 17:12

Khana khō inkhat a ahlut-lai kaphâr karôn mi 10 leh intō hei. Anmani kahlajap a kangir heia

LUKE 22:41

Khava pha anmania inphut hlung indeng phâknahrep a ama kasea amarkhup athlep a ader jo.

LUKE 23:48

Khana khava hmun a a’ntûp a aka-en hei seng khan omchen kasōk hei kha anhmua an-ôp ankabena an-innting inle jo hei.

LUKE 5:8

Simon Peter in omchen kasōk kha ahmu pha, Jesu ke hma inkuna, “Rōngpu, kei mikase eng kachang jâra keia inphut asesōt pek jo roh,” atia kae.

ṬŌNTLOHEI 2:37

Mipuihei khan hivahi anthei pha, anmalung leikadong hêr jo, khana Peter leh sonle lak-hei hneng, “Heimo kantatlo sik, sōpuihei?” anleiti!

ROMANHEI 5:8

Tâk-kha Pathen in eini hi heituk-hrep mo alungset me ti kha amalâr jo, khachu eini’n mikaset nileichang laitak Christa kha eini sik a kathi jo.

CORINTHIANHEI INHNINA 7:11

Enruh hiva nangni malung inrimna hin Pathen in heimo atlo: heituk malung kahlut a asyem chei, ṭhenakase nanchangna kha malârna sik a heituk kakhôk a atlo mo! Khava hnuk natna, ṭit-inpirna, malung tônna, malung hlutna, ṭōn kaṭhamak katlohei karâkna pek sik a intlukna hei seng kha kae! Khavahei seng chunga khan nangni nanbinga heite ṭhena kaneimak inkhat a nanbinga inlâr jo chei.

TIMOTHY INKHATNA 1:15

Pui katluk a rahlâng sik leh taksen sik a akadiktak ṭong inhri kha hi kae: Mikaset-hei kahuk inhring sik Jesu Christa kha vânhnōia kajōng. Ankâra akasetpen kha kei eng kae,

HEBREWHEI 4:16

Khava jâra malung ngamna nei rih khana maritna omna Pathen len in-ongna ting jōn rih. Khava hmun a khan ani’nthōpui sik maritna leh lum lona nirangei phatak leh nihmu sik jo.

HEBREWHEI 8:12

Ke’n ansetnahei karangei mandam sik hei khana anṭhena hei mandon nôk mak jo hei ning.”