LUKE 18:11 - LEKHARABU INTHENG (BSI)

¹¹ “Pharisee kha abinga inkârjap a kangira hinga ader, ‘Pathen kamanpâk che, kei milak-hei kapōa akajông, akadik mak, mihei kapōa phâmrai kase changmak eng, kamanpâk che ti chu kei hi sosonna aka-om ramsêr kaṭheipa kapō’m changmak eng.

LUKE 18:11 ပူးပေါင်းရင်းမြစ်များ

HLAHEI 134:1

Asōk rakip, jân a a-Bek-inna ama inzen rakip, hong ruh, Rōngpu kha vachoi ka-ân ruh.

HLAHEI 135:2

Rōngpu inna akangir, Pathen bek-inna aka-om nangni’n, ama rahming kha choi ka-ân ruh.

ṬONGCHÎK-HEI 20:6

Mi rakip in ama hi taksenthei leh ṭong kajui kae tia anhri, taksenthei kachangkhet kha tu mo hmuna sik tlo roh kadiktak kha manhretna sik ensui roh!

ṬONGCHÎK-HEI 30:12

Akachok hêr heia intheng loa aka-om hei, tâk anbinga intheng ung tia a’ndon mi ka-om hei.

ISAIAH 1:15

“Nangni’n derna nankut nankalâng pha, ke’n enmak chei ning. Heituk nandera achang inum, theipek mak chei ning, ajârchu nankut hei kha thisen in akatoma kae.

ISAIAH 58:2

Anmani’n ani katai ankamuk eng, kadânhei anjui hnōm khana kahlam anmanhret hnōmhêr anti. Dân intheng kapek sik heia kanmadu anti khana kei kamukna chunga anmani’n kahōi ansak anti.”

ISAIAH 65:5

Khava sōa anmani’n milak hneng anhri, ‘Ahnai mak ruh, keini a’ntheng hêr ung kae, atôn mak ruh!’ anti. Kei khang khava mihei hneng ngir tor mak eng, anmani dōina kahnuknat kha hmei kasûk akathi hêrmak kapō kha ka-ang.

JEREMIAH 2:28

“Nanbing sik a nantasyem pathenhei kha khon mo aka-om jo hei? Antor inchu, nangni khōdengthei lai huk chei rasoh! Judah, nang in khōpui nanei chenna pathen um naneiheia kae.

JEREMIAH 2:35

nang in nati, ‘Kei ṭhena neimak eng; Rōngpu’n kei chunga ahnuknat mak ning.’ Tâk-kha Rōngpu ke’n karâkna kapek sik che kae, ajârchu nang in setna natlo ti hi hnōm mak che.

EZEKIEL 33:31

Khana nang in heimo nahri sik antia ṭong inngei sik mi katamtak kahong hei, tâk-kha nang in tlo ruh nati hei khachu heite tlomak hei. Anbeia chu lungset ṭong anhri, tâk-kha an-inphâmna leh anhnemna jong khachu bângmak hei.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MATTHEW 10:3

Philip leh Bartholomew; Thomas leh ramsêrṭhei ṭōnkatlo Matthew, Alphaeus sapa James, khana Thaddaeas;

MATTHEW 5:20

Khan chu ke’n kahri pek chei kae, Pathen lungdo tlona chunga khan Dân ojahei leh Phariseehei kanek a nangni taksenthei nanchang rōk leh khan marvân Rengram kha akahlut tor sik chei kae.

MATTHEW 6:5

“Nangni’n nander pha, a’nṭhatsak hei kapōa changmak ruh! Ajârchu anmani’n mihmuna sik a kamukna innheia leh hlampui rakir heia kangir heia kae. Kahri manchên pek chei kae, anmani tloman inpekdek jo hei.

MARK 11:25

Khana nangni’n nanngira nander pha, marvâna ka-om nanpa khan nantlo ṭhena rakip arangei mandamna sik chei, tu mo inkhat chunga malung hōimakna nantanei rakip kha rangei mandam hei ruh.”

LUKE 20:47

anmani’n renghmeinu hei inn leh annei anchom pek hei, mihei tahmu sik a kasôt tatak a derna annei! Anmani karâkna chen sik kha akakhôk pen sik kae.”

LUKE 22:41

Khava pha anmania inphut hlung indeng phâknahrep a ama kasea amarkhup athlep a ader jo.

GALATIANHEI 3:10

Dân juina chunga a’nngam hei kha hâksêrna thōia akahring hei kae. Ajârchu ṭong intheng in, “Tu achang inum dânrabu shunga a’nzet rakip kha ahei tik a ajuimak inchu, hâksêr thōia aka-om kae!” ati.

PHILIPPIANHEI 3:6

khana khangtuk hrep thangset kanei kachang dungjuia ke’n bekrup kaleisuk manrima kae. Dân ṭongpek juina mikadik inkhat changna ting niti’nchu, kei ṭhenakase eng kae.

ṬONGPHÔNG 3:17

Nang in, ‘Kei kahao eng khana kanei; kamadu rangei rakip kanei,’ nati. Tâk-kha heituk-hrep a a’nreng che khana lungset aka-om che mo! kha nang in manhret mak che! Nang nahmit kacho, pōnsi derkei kase, sara che kae.