LUKE 17:26 - LEKHARABU INTHENG (BSI)

²⁶ Noah kanikhō laia kapōa, Mihring Sapa kani kha’m kati sik.

LUKE 17:26 ပူးပေါင်းရင်းမြစ်များ

A’NPHUTNA 6:5

Raleichunga ka-om mihringhei ṭōntlo khana anmalung mandon leh ngeitō akaṭhamak langting rōk ka-om ti hi Rōngpu’n ahong manhret pha,

A’NPHUTNA 6:7

khachu ama’n, “Ke’n kasyem jo hei mihring leh inṭhōia sha leh vahei ankhenga raleichunga inphut manhmang jo hei rong, ajârchu anmani kaleisyem jâr hei hin kamalung hōihêr mak jo,” ati.

A’NPHUTNA 6:8

Tâk-kha Noah chunga chu Rōngpu kha amalung leikatlâi.

ISAIAH 22:13

Khava kanek a, nan manuia rehōi nantlo. Sâk sik a kemōng leh se nanthat a, khan chu ju nan-ina kae. Nangni’n nanti, “Eini’n sâk rih, in rih! Jînga chu kathi sik jo me.”

LUKE 17:22

Khava sōa ama’n asonlehei hneng ati, “Nangni’n Mihring Sapa kanikhō inkhat kha nanhmu hnōmna pha hong ka-om sik, tâk hmutor mak tin chei.

LUKE 17:24

Ajârchu khō a’nphe pha marvân rakir inkhat tinga inphut inkhat katlunga avâr in ara-âng mathlung kapōa, Mihring Sapa kani ning khan khanga kati sik a kae.

LUKE 17:27

Noah rakōnga ahlutmak kârseng mihe’n ansâk, an-ina, nuhmei-pase lu anhonga kae, khana tuishâng ahonglen pha, ankhenga athat jo hei.

LUKE 17:7

“Nangni kâra mi inkhat in hlei kakhōi a-emak leh kemōng kakhem sōk inkhat aneia kae. Sōkpa kha hleia inphut inna ahong tlung pha, inrangtak a bu asâkna sik nanta manthei sik mo?

LUKE 18:8

Ke’n kahri pek chei kae, ama’n anmani hukna sik ṭong atan sik khana inrangtak a atlo sik. Tâk-kha, Mihring Sapa kha ajōng pha leh raleichunga akataksen mi ahmu sik hei nâk mo?”

HEBREWHEI 11:7

Taksen jâra Noah’n aleihmu phâkmak hnunga omchen sik a Pathen gîkna aleitheia kae. Khana ama’n aṭong ajuia rakōng inkhat asuia khava shunga ama leh a-innshung le’nhuk hei. Khava jâra, vânhnōi hi themmô manchen jo kae, khana taksen jâra mandikna kha Pathena inphut Noah’n aleichen jo.

PETER INHNINA 2:5

Raleichung marō kha Pathen in ṭhensōt mak, tâk raleichunga bek-ôi kaneimak hei chunga tuishâng amanlen; ahuksōt hei khachu akadik kahrile Noah leh mi 7 hei rōk kae.

PETER INHNINA 3:6

khana tui in, tuishâng kalen khan ralei marō kha aleisuk manhmang.