LUKE 16:2 - LEKHARABU INTHENG (BSI)

² ama’n abek a ader, ‘Naṭong kathei hi heimo kae? Kanei tintana hisâp rabu kha kakip a heichoi jo roh, nang hi kanei katinta inkhat changthei mak jo tin che,’ ati.

LUKE 16:2 ပူးပေါင်းရင်းမြစ်များ

MI INTHEIPA 12:14

Eini’n akaṭha leh akase achanga, marûk a tlona hei kapha’m akhenga Pathen in ṭong alatan sik kae.

MATTHEW 12:36

“Nanmanhret manchênthei sik khachu Ṭongtan ning mi rakip in hnemna kase anṭong hrina rakip tintana phôngsōtna anei sik kae.

MATTHEW 20:8

“Khōhlei ahong tlung jo pha, vomhrui rahōn kapupa khan anei katintapa hneng khan, ‘Ṭōn katlohei kha behei roh, ankani hlō pek jo hei roh, khana hnungpena ṭōn katlohei pek manphut inna hmapena ṭōn katlohei achaina pek hei roh,’ ati.

LUKE 12:20

Tâk-kha Pathen in ahnenga, ‘Eh mikamo! Tûnjân tak nahringkhō a’nchai sik jo kae, nabinga sik naleimanbuk neinâk seng hi hnunga tuta sik jo mo?’ ati.”

LUKE 12:42

Rōngpu’n amasôn, “Khan chu akasing leh taksenthei kachang sōk kha tu mo? Ama khachu sōk lak-hei aphahrep a sâk sik akapek khana innshung pumpui katinta sik a akapupa’n anganse mi kha kae.

LUKE 16:1

Jesu’n asonlehei hneng ahri, “Pha khat a nei katinta sik sōk inkhat akanei, mikahao inkhat leika-om. Anei katintapa khan asêr ahmang mathlâng pek jo tia anleimantheia,

LUKE 16:3

Nei katintapa khan abinga inbek a, ‘Kakapu pa’n kei kaṭōn amanbâng sik jo eng, heimo katlo sik? Khur kacho sik leh kha ratha neimak jo eng, khana kut indoa der lele sik leh kha inzak eng.

ROMANHEI 14:12

Khava jâra eini mi rakip in nibing et omchen tintana kha Pathen hneng nilapek sik kae.

CORINTHIANHEI INKHATNA 1:11

Ajârchu sōpuihei, nankâra innâk-inse ka-om ti ṭong hi Chloe innshung he’n kahnenga inchêntak a anhonghria kae.

CORINTHIANHEI INKHATNA 4:2

Khang khava sōk-hei sik a arangei inkhat chu, akapupa sik taksenthei akachang nger sik hei kae.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

CORINTHIANHEI INHNINA 5:10

Nikhenga Christa ṭongtan in-ongna ângshunga ala’nlâr et sik me kae. Ajârchu taksa ralei hringkhō shunga mi rakip in akaṭha leh akase atlo dungjuia rahōi kasōk kha arahlângna sik a kae.

TIMOTHY INKHATNA 4:14

Upahe’n nachunga ankut ankalânglai, sânkathemhei tahri pek che leh rathla kutchoi naleichen jo nashunga aka-om kha heitea sakmak tlomak roh.

TIMOTHY INKHATNA 5:24

Mi ṭhahrep set-tlo chu, inlârseng bât a, ṭong tanna hma ankeibât a kae; tâk mi ṭhahrep setna chu, hnungtō leh inhmusōt a kae.

PETER INKHATNA 4:10

Pathen kutchoi pek katinta kathem kapōa, Pathena inphut kutchoi ahlopdet kutchoi achen kha alak-hei ṭhatna sik ahmang sik kae.

PETER INKHATNA 4:5

Tâk-kha akahring leh akathi ṭong katan sik a a’ntluk Pathen hneng anbing et a antintana antapek nger sik kae.

ṬONGPHÔNG 20:12

Khana akasin leh akalen in-ang et a akathihei kha len in-ongna hma akangir hei kahmu. Lekharabu hei anphon, khan chu hringna lekharabu ahlop inkhat um anphon. Lekharabu shunga ale’nzet kapōa, an-omchen leitlo dungjuia, akathihei kha ṭong anleitan.