LUKE 16:17 - LEKHARABU INTHENG (BSI)

¹⁷ Tâk-kha Dân ṭongrahme kasinpen inkhat a’nhmang sik kanek a marvân leh ralei a’nhmang sik kabei jôk.

LUKE 16:17 ပူးပေါင်းရင်းမြစ်များ

ISAIAH 40:8

Kadik, hardông invōi hei, khana reipâr kachi ri hei, tâk-kha ni-Pathen ṭong khan chu ahei tik a adesôt a kae.”

ISAIAH 51:6

Enroh, chunga marvânhei so, enroh raleichung um! Marvân kha hmeikhu kapōa inhmu mak jo ning; raleichung hi pōn marō kapōa kaṭetdâk sik jo, amihei seng kha mathōi kapōa kathisō sik jo hei. Tâk-kha kajōng rôn hukmanhringna khachu ahei tik a ka-om ṭhak sik; karetorna kha achaina kachang sik.

MATTHEW 5:18

Mandon sōt ruh marvân leh ralei a-omlai seng, Dân rahme khana ajâr kasinpen inkhatbek inhmang mak ning, heirakip a’nchai mak hma seng.

LUKE 21:33

Marvân leh ralei chu inhmang sik, tâk kei ṭong chu inhmang mak ning.

ROMANHEI 3:31

Hiva taksen hin eini Dân kha leh amanṭhen jo me mo? Changmak, chang hêrmak; Dân kha nimanngar jôk kae.

PETER INKHATNA 1:25

tâk Rōngpu ṭong khachu ahei tik a ka-om ṭhak.” Hiva ṭong hi nanhnenga a’nhri inthang jo Ṭong kaṭha kha kae.

PETER INHNINA 3:10

Tâk-kha Rōngpu Kani khachu inru kapōa kajōng sik. Khava kani ning khan chu marvânhei hi rasa inhring nguingui pum a inhmang sik hei, marvâna kutsyem kakâng sik heia kha inhmangpet sik jo hei.

ṬONGPHÔNG 20:11

Khava sōa len in-ongna kachek akalen leh achunga a’n-ong mi inkhat ke’n kahmu. Ahmai kunga inphut marvân leh ralei katlânsōt heia inhmu mak jo hei.

ṬONGPHÔNG 21:1

Khava sōa marvân ther leh ralei ther ke’n kahmu. Hma-inkei marvân leh ralei marō, khana tuipui inhmu mak jo.

ṬONGPHÔNG 21:4

Ama’n anhmit rathli rakip ahni manhi pek sik hei. Thina om nôk mak jo ning, khan chu malung inrimna, natna leh ṭana om nôk mak jo ning. Neinâk marō rakip inhmu mak jo.”