LUKE 16:15 - LEKHARABU INTHENG (BSI)

¹⁵ Jesu’n anhnenga aleiti: “Nangni hi mi tahmu sik a nanbinga a’ndiksak hrep chei kae, tâk Pathen in nanmalung amanhret. Ajârchu mihring in kalentak a amandon kha Pathen hmit-hmua chu heite hnemmak.

LUKE 16:15 ပူးပေါင်းရင်းမြစ်များ

THUHMINGHEI INKHATNA 29:17

Nang in mi rakip malung na-enmansin ti ke’n kamanhret, khana malung intheng hei chunga namalung katlâi. Ke’n malung inthengtak a khana pek hnōmtak a hiseng hi katōk che kae, khan chu nimipuihei hinna ahon’tûp seng hin inpâktak a nang hneng tōk sik a anta heichoi kahmu sōt a kae.

THUHMINGHEI INHNINA 6:30

anderna kha theipek hei roh. Marvâna na-inna khan leirangei hei roh khana rangei mandam hei roh. Nang rōk in mihring mandonna namanhret. Kanrahōi kasōk hrep a keini inkha-khat arazen roh,

HLAHEI 10:3

Mikaṭhamak he’n anṭhatmak maduna kha an-inlensak pui; mi inphâm he’n Rōngpu kha anhōt khana anhâksêr.

HLAHEI 49:13

Anbinga inngamna kaneihei chunga heimo kasōk jo enruh; annei chunga tlaina kanei he’n hei vângmo antachen kha enroh,

HLAHEI 49:18

Mi inkhat kha ahringkhō shunga amalung atluk joa, achung sōkna jâra mihe’n anchoi manshâng jo’num,

HLAHEI 7:9

Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

ṬONGCHÎK-HEI 16:5

Rōngpu’n êngkase rakip amater hei; khana anmani kha karâkna antahmu sik a inphut sânsōt mak hei ning.

ṬONGCHÎK-HEI 20:6

Mi rakip in ama hi taksenthei leh ṭong kajui kae tia anhri, taksenthei kachangkhet kha tu mo hmuna sik tlo roh kadiktak kha manhretna sik ensui roh!

ṬONGCHÎK-HEI 21:2

Natlo rakip kadik tia namandon thei, tâk mandonsōt ṭhak roh Rōngpu’n na-omchen kha a-ensui ṭhak chea kae.

JEREMIAH 17:10

Rōngpu ke’n, mihring mandonna kajong hei, mihring malung ka-enmansin heia kae. Ke’n mi inkha-khat hi an-omchen dungjuia anṭōntlo dungjuia karazen hei.”

MALACHI 3:15

Eini’n nihmu khachu, mi inlensak-hei kha mikahōihei kae. Mikaṭhamak-hei kha ankakhang rōk kha changmak a, anṭhatmakna vânga khan Pathen dehratna kha enmansinna annei, khana inphut sōksōtna annei.’”

MATTHEW 23:5

Anmani’n heirakip kha mi tahmu sik hnâma antlo. Enruh anmachea leh anbâna ṭong intheng thingbôm antamakhei heiso, heituk a akalenhei mo! Anpōn hmor antamakhei mathlak so heituk a akasei hei mo manhretsa ruh!

MATTHEW 6:16

“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei.

MATTHEW 6:2

“Achang jâra akaneimak inkhat hneng nanpek pha, a’nṭhatsak he’n kamukna inna leh hlampui heia kalentak a malârna antatlo kapōa tlomak ruh. Mihei manpâkna chenna sik khanga antatlo kae. Kahri manchên pek chei kae, anmani tloman inpesō jo hei.

MATTHEW 6:5

“Nangni’n nander pha, a’nṭhatsak hei kapōa changmak ruh! Ajârchu anmani’n mihmuna sik a kamukna innheia leh hlampui rakir heia kangir heia kae. Kahri manchên pek chei kae, anmani tloman inpekdek jo hei.

LUKE 10:29

Tâk-kha dân oja khan abinga akadik achanghnōm jâra, Jesu hneng ader, “Tu mo kakhō kaven?”

LUKE 11:39

Khava jâra Rōngpu’n ahnenga, “Tûn nangni Pharisee chei’n kōklei leh thlenghei avângting chu nankanôt mantheng, tâk nanshungting chu innâk-inse tlona sik leh ṭhatmak kasip phet chei.

LUKE 18:11

“Pharisee kha abinga inkârjap a kangira hinga ader, ‘Pathen kamanpâk che, kei milak-hei kapōa akajông, akadik mak, mihei kapōa phâmrai kase changmak eng, kamanpâk che ti chu kei hi sosonna aka-om ramsêr kaṭheipa kapō’m changmak eng.

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

LUKE 18:21

Mipa khan amasôn, “Hiseng hi kasinlaia inphut kahei jui jo hei kae.”

LUKE 18:9

Anbinga mikadik a a’nhlamrin hei, milak chu heitea kateimak hei hneng um Jesu’n hiva ṭong tekâk hi ahri nôk:

LUKE 20:20

Khava jâra pha kaṭha anleihngâk a kae. Anmani’n mi ṭhahrep malung intheng inhlemsak sik a marûk a sêr anleipek hei, khana Jesu kha ratha kanei Rome vaikarôn kut a pek sōt theina sik ṭongderna vâng aṭhena akasursōt sik anleitir hei.

LUKE 20:47

anmani’n renghmeinu hei inn leh annei anchom pek hei, mihei tahmu sik a kasôt tatak a derna annei! Anmani karâkna chen sik kha akakhôk pen sik kae.”

JOHN 2:25

Jesu’n anmalung shunga heimo aka-om ti amanhretsō, achang jâra tûte’n ama hneng mihei chungchânga manthei sik rangei mak a kae.

JOHN 21:17

Vōi 3 tlukna Jesu’n ahnenga, “John sapa Simon, kei nalungset eng mo?” ati. Peter kha amalung kadông jo ajârchu vōi 3, “Kei nalungset eng mo?” tia ader a kae. Khava jâra ama’n Jesu hneng, “Rōngpu, nang in heirakip namanhret; kei lungsetna che kha nang in namanhret a kae,” ati. Jesu’n ahnenga, “Kakemōnghei hrung hei roh!

ṬŌNTLOHEI 1:18

Aṭōnse tlona inphut alamsōt sêr vâng khan Judas in hleihmun inkhat aleirachôk, khava hmun a khan le’nkhei hlona ajōng tlâkna aphumpui kapōk khōia akari rakip leikasōksōt pet a kae.

ṬŌNTLOHEI 1:24

Khava sōa anmani’n, “Rōngpu nang in mi rakip mandonna namanhretsō, khava jâra anmani kâra inkhat,

ṬŌNTLOHEI 15:8

Khana mi rakip malung mandon inhretsō Pathen khan eini apek me kapōa anmani chunga’m Rathla Intheng ajōng pek hei hin ahnōm pekna hei kha amanchên jo kae.

ROMANHEI 3:20

Dân tamadu tlo jâra mihring tûte Pathen hmaikunga akadiktor om mak; Dân tatlosōt khachu, mi kha kaset jo ti manhretna katlo hrep kha kae.

ROMANHEI 8:27

Khana nimalung shung kahmu sō tor Pathen khan Rathla tamandon kha heimo ti hi amanhret; ajârchu Rathla khan Pathen lungdo dungjuia, amihei kahlanga Pathen hneng angek pek hei.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

PETER INKHATNA 3:4

Khava kanek a, nanhme ṭhatna khan nanshunga lungri kadiktak kha a’nveisa sik kae, khavakha Pathen hmit ena mankatampen nun-innem leh malung kadai, kum leh thla’n manvōi torlo hmeṭhat kha kae.

PETER INKHATNA 5:5

Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”

ṬONGPHÔNG 2:23

Mihring malung mandon leh tamadu rangei inhret kei kachangna hi bekrup rakip in anmanhretna sik, amanu sahei kha kathat sik jo hei. Nangni’n nantatlo dungjui et a ke’n nankhenga kamale sik chei.

SAMUEL INKHATNA 16:7

Tâk Rōngpu’n ahnenga ati, “Heituk a’nshânga ahme aṭhat inum malung manhlut mak roh. Ke’n ama rahlâng mak eng, ajârchu mihei ta-en kapōa ke’n enmak eng. Mi’nchu avânga ahmesō an-en, ke’nchu anmalung shunga ka-en kae.”