LUKE 14:15 - LEKHARABU INTHENG (BSI)

¹⁵ Dokhâng chunga a’n-ong pase inkhat in kha athei pha Jesu hneng ati, “Pathen Rengram dokhâng chunga thlaithleng ka-ô sik hei kha heituk a mahâm kaṭha hei mo!”

LUKE 14:15 ပူးပေါင်းရင်းမြစ်များ

MATTHEW 25:10

Khan chu akamo nuhmeihei kha thaitui inchôk kase jo hei; khanga anselai, hmōipa kha jōng katlung jo. Khana 5 a’ntlukdek hei kha ama leh inṭhōia revei hmun a kahlut jo hei, khana kot kha ankir joa kae.

MATTHEW 8:11

Inchêna kahri pek chei kae nisō leh tlaitlâk tinga inphut mi katamtak kahong sik hei, khana Abraham, Isaac khana Jacob leh marvân rengram a revei sâkna in-ongsap sik hei.

LUKE 12:37

Ankapu ajōng inle pha, kahlim senga leh inrin ṭhak a aleika-om sōk-hei kha heituk a mahâm kaṭhahei mo! Kahri pek chei kae, ama’n azakkō kalen kha ahliksōt sik a kha, anmani aman ong sik hei, khana arazen sik jo hei.

LUKE 13:29

Nisō leh tlaitlâk a, sak leh thlanga mihei kahong sik heia kha Pathen Rengram revei dokhânga in-ong sik hei.

LUKE 22:16

Ajârchu ke’n kahri pek chei kae, Pathen rengram a hiva mantheina hi pui atluk mak kârseng ke’n sâk hêrmak jo ning.”

LUKE 22:30

Karengrama kadokhâng chunga nansâk sik nan-in sik khana Israel phung 12 chunga vai karôn sik a reng in-ongna in-ong sik chei.”

ṬONGPHÔNG 19:9

Khava pha ngeva khan kahnenga ahri, “Hi mazet roh: Kemōngte hmōiṭhōina reveia a’nbek mihei kha mikahōihei kae.” Khana ngeva khan ahri nôk, “Hivahi akadik Pathen ṭonghei kha kae.”