LUKE 13:15 - LEKHARABU INTHENG (BSI)

¹⁵ Rōngpu’n amasôn, “Eh mi’nṭhat hlemsak nang! Nankâra Châmhngat kani ning nansehratche leh shakōrtung kha tui ka-in sik a anrōnga inphut nanmasōa kae.

LUKE 13:15 ပူးပေါင်းရင်းမြစ်များ

JOB LEKHARABU 34:30

Rahe kase, khōvel he’n anchunga vai antarôn kha manbângna sik a jât he’n antlo themna heite inkhat om mak ning.

ṬONGCHÎK-HEI 11:9

Pathen inhret mak hei ṭonghri khan amanhmang thei che, tâk mikadik-hei singna khan ahuksōt tor che.

ISAIAH 29:20

Hivahi Pathen kahnōise hei leh mikasuk inrim hei inchaina kha kachang sik. Khana mikaset rakip suk manhmang sik hei kae.

MATTHEW 15:14

Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”

MATTHEW 15:7

Nangni a’nṭhat hlemsak-hei! Isaiah khan nangni chungchânga aleisânsōt kha heituk a akadik jo mo!

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

MATTHEW 23:28

Khava kapōa, nangni’m vângtinga mi rakip hmit-hmua kaṭha chei, tâk ashungting chu inṭhat hlemsakna leh setna kasiptak cheia kae.

MATTHEW 7:5

A’nṭhatsak nang! Ahma inkeia nahmit a inkamre ka-om kha losōt hi roh, khava sō leh nasōpui hmit a innim kasintek ka-om kha losōt theina sik inthengtak a nahmuthei sik.

LUKE 12:1

Mipui lishing lishing ho’ntûp heia, inkhat in inkhat chunga ke anchoi leo jo pha, Jesu’n ahma inkeia asonlehei hneng ahri, “Phariseehei chea inphut leh an-inṭhat hlemsak a inphut insing thei ruh.

LUKE 14:5

Khava sōa Jesu’n anhnenga ader hei, “Nankâra mi inkhat in sapa inkhat a-emak leh sehratche inkhat anei kha Châmhngat kania tuikhur kōk a atlâk inhlut inchu inrangtak a Châmhngat kani ning khan keisōt mak tin chei mo?”

LUKE 6:42

Nahmit a innim inkamre ka-om kha hmutorlo chea heikhong mo nasōpui hneng, ‘Sōpui, nahmit a innim kasintek kha losōtpek che rong,’ nati tor sik? Mi inṭhat hlemsak! Hmakakeia nahmit a innim inkamre kha losōt hi roh, khava sō leh nasōpui hmit a innim kasintek kha nahmu tor sik a kae.

LUKE 7:13

Rōngpu’n amanu kha ahmu pha amalung shunga lungsetna kasip a, amanu hneng, “Ṭap mak roh,” ati.

LUKE 7:19

Rōngpu hneng, “John in mi inkhat akajōng sik ati kha nang che mo a-emak leh mihlop inkhat kantalahngâk sik mo?” tia ṭong kader sik a atir jo hei.