LUKE 12:5 - LEKHARABU INTHENG (BSI)

⁵ Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

LUKE 12:5 ပူးပေါင်းရင်းမြစ်များ

HLAHEI 9:17

Mikaṭhamak seng leh Pathen kahōt seng tlungna sik khachu thina hi kae.

ṬONGCHÎK-HEI 14:26

Rōngpu kajana nei hin mi inkhat innshung leh abinga sik a inngamna leh inhrungna apek.

JEREMIAH 10:7

Jât rakip reng nang hi tu’n mo akaja mak sik che? Nang chu kaja sik a narahōi kae. Nang kapō tûte om mak, jât rakip a mikasinghei kâra, khana anrenghei kâr a’m om mak.

JEREMIAH 5:22

Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

MATTHEW 5:22

Tâk tûn ke’n kahri pek chei kae: tu achang inum asōpui chunga hnuk kana mi kha aṭong a’ntan sik kae. Tu achang inum asōpui kha, ‘Ṭhatna kase’ ati’nchu, Sehmang-pachonghei hmaikunga ṭhōi sik kae; khana tu achang inum asōpui hnemna kase, mikamo ati’nchu, hmeikhur jōnna thinathei shunga aka-om sik kae.

MARK 13:23

Insing theitak a om ruh! Apha kha ahong tlung mak hma heirakip kamanthei chei kae.

THESSALONIANHEI INKHATNA 4:6

Hiva chunga hin, tûte’n asōpui Christian inkhat chunga akadik mak omchen atlo mak sik khana hnemna ajong mak sik kae. Hiva chungchânga ṭōnse katlo mihei kha, Pathen in karâkna apek sik hei ti hi hma inkeia inhnaktak a kanleihri jo.

HEBREWHEI 10:31

Akahring ṭhak Pathen kut chunga nitlâk sik hi ṭit ka-om tak inkhat kae!

PETER INHNINA 2:4

Marvân ngeva akaset hei kha, Pathen in ṭhensōt mak hei, tâk Ṭongtan Ning kani kahngâk a anmani kha thirhrui vâng akhit heia, khō inthim hmun khurkōk a ahlon manhlut sik heia kae.

ṬONGPHÔNG 14:7

Ama rasa inhnaktak a ka-ônga, “Pathen ṭit ruh, alenna choi manshâng ruh! Ajârchu ama’n mihringhei ṭong atanna sik pha kha kahong jo. Khava jâra marvân, ralei, tuipui leh tuiri kapût kasyempa kamuk ruh!” atia kae.

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”

ṬONGPHÔNG 20:14

Thina leh thina ralei kha hmei dîr shunga anhlon manhlut jo hei. (Hiva hmei dîr hi vōi 2 tlukna thina kha kae.)