LUKE 12:32 - LEKHARABU INTHENG (BSI)

³² “Rup katlôm hei, ṭimak ruh, ajârchu nangni rengram pek sik chei hi nanpa lungdo kae.

LUKE 12:32 ပူးပေါင်းရင်းမြစ်များ

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 41:14

Rōngpu’n ati, “Akatlômtek leh ratha katlasam, Israel, nangni ṭimak ruh; ke’n ka’nṭangpui sik chei. Israelhei a’ntheng Pathen kei hi, nankahuk inhring eng kha kae.

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

JEREMIAH 3:19

Rōngpu’n ahri, “Israel, kasa kapōa karahlâng hnōm che, ke’n raleichunga ram kaṭhapen, leh ram kahōipen kha kapek hnōm che. Apa tia nabek sik eng hi kamadu, khana keia inphut aheitik a na-inhesōt mak sik hi kamadu.

MATTHEW 14:27

Khava phatak a Jesu kaṭonga anhnenga ati, “Kangama om ruh! Kei eng kae. Ṭimak ruh!”

MATTHEW 20:16

Khana Jesu’n aṭong chaina, “Khava jâra hnung kakhôr hei khan hma ankei sik, khana hma kakeihei khan hnung ankhôr sik,” ati.

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 7:15

“Sânkathem inhlem heia inphut insing thei ruh; avâng pônga chu kemōng kapōa nanhnenga kahong hei, tâk ashungting chu ram thōia kahne kapōtak hei kae.

LUKE 10:21

Khava phalaitak khan Jesu Rathla Intheng in inpâkna amansip joa ahri: “Eh Apa, marvân leh ralei Rōngpu! Kamanpâk che ajârchu akasing leh akathemhei hnenga naleithup kha heite inhret mak hei hneng namanhmu jo heia kae. Kadik Apa, hivahi akasōk sik a naleimadu kha kae.

JOHN 18:36

Jesu’n ati, “Hiva raleichung hi kei rengram changmak; hiva raleichung hi karengram achang inchu, Jehudihei kut chunga inpek sōt makna sik kakahnung kajui he’n re anta leitlo sik kae. Hiva raleichung hi kei rengram changmak.”

ṬŌNTLOHEI 20:28

Khava jâra nanbing et leh Rathla Intheng in nankut chunga anganse jo chei rup-hei hi kaṭhatak a ching jo hei ruh. Asapa thisen jâra atâ amanchang jo, Pathen Bekrup sik akemōng kakhem chang ruh.

ṬŌNTLOHEI 20:29

Kadahlon chei kahnunga nankâra kahne kahrâng heikahlut sik hei, khana kemōng rup kha that loa damak hei ning ti hi kamanhret.

ROMANHEI 6:23

Ajârchu setna tapek tloman khachu thina kae; tâk Pathen kutchoi pek mankase khachu ni-Rōngpu Jesu Christa leh inchunna shunga kumsôt hringna kha kae.

CORINTHIANHEI INKHATNA 1:21

Mihringhei binga singna vâng Pathen manhretna nei sik kha Pathen singna khan man-e theimak. Khava kanek a, eini “mikamo” inti hei ṭong hrilea inphut akataksenhei hukmanhringna sik Pathen in amantluk kae.

PHILIPPIANHEI 2:13

ajârchu ama lungdo kha nanjui hnōmna sik leh nanjui torna sik a Pathen in ahei tik a nanshunga ṭōn atlo kae.

THESSALONIANHEI INHNINA 1:11

Khava jâra nangni sik kantader pek ṭhak chei kae. Ama’n abekna chei hringkhōa akahring sik a rahōi kasōk inkhat a asyemna sik chei ni-Pathen hneng kandera kae. Nangni’n akaṭha nanta madu hei leh nantaksenna ṭōnhei kha aratha hratna vâng pui mathluk pek chei rasoh.

THESSALONIANHEI INHNINA 1:5

Hiva rakip hi Pathen ṭongtan kha kadik ti malârna kha kae, khava kara khachu nangni’n malung inrengna kha nanlanei, ama Rengram sik a rahōi akasōk sik chei kae.

HEBREWHEI 12:28

Khava jâra eini’n a’nhling tor mak rengram kha nichen jo jâra inpâk rih. Pathen kha eini’n ṭittak leh kajatak a amalung nimantlaina sik kamuk me sona manpâk rih;

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

PETER INHNINA 1:11

Khang’khan ni-Rōngpu leh ani kahuk inhring Jesu Christa kumsôt Rengram hlutna sik pui katluktak ratha kha a’npek sik chei kae.

ṬONGPHÔNG 1:6

khana a-Pathen leh a-Pa inzen sik a rengram thempuhei amanchang jo me. Jesu Christa kha are-rea ratha kahrat leh akalûr changṭhak rasoh! Amen.

ṬONGPHÔNG 22:5

Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.