LUKE 11:9 - LEKHARABU INTHENG (BSI)

⁹ “Khava jâra ke’n nanhnenga kahri kae; der ruh, nanrahlâng sik; jong ruh, nanhmu sik; kot raki ruh mahlang pek kachang sik chei.

LUKE 11:9 ပူးပေါင်းရင်းမြစ်များ

HLAHEI 118:5

Ka’nrengna inphut Rōngpu kha kabek; amasôn eng khana amasōsōt eng.

HLAHEI 27:4

Ke’n Rōngpu hneng neinâk inkhat kader jo; khava inkhat rōk kha ke’n kamadu, khachu, kahringkhōa Rōngpu inna om sik, khava hmun a khan aṭhatna hei kha inlaktak a en sik, khana ahlam keina derna sik kha kae.

HLAHEI 27:8

Kahnenga, “Hong roh, ava kamuk roh,” nati eng pha, Ke’n kamasôn che, “Kei kahong sik eng, Rōngpu;

HLAHEI 34:10

Shabakkaihei kapha’m vonṭâma kalôn hei; tâk Rōngpu ṭong kajuihei khachu ṭhatna heite vâtmak hei.

HLAHEI 34:4

Ke’n Rōngpu hneng kader, ama’n amasôn eng; ṭitna rakip a inphut amasō eng.

HLAHEI 50:15

Nan-inreng pha leh kei eibe ruh; kahuk sik chei, khana nantamanpâk sik eng kae.”

HLAHEI HLA 5:6

Kalungdipa sik a kot khâr kamahlang tâk-kha ama chu leikasesōt jo. Akaresō kha heituk a kathei hnōm mo! Ke’n ama kha kajong, tâk-kha hmutor mak eng; ama kha kabek, tâk aṭong masôn chu theimak jo eng.

ISAIAH 45:19

Ke’n marûk a ṭong hrimak eng, achangmak leh kamantlukna kha thup mak eng. Kei Israel mihe’n ramchi inhmangna shunga antajong sik eng kha madu mak eng. Kei Rōngpu eng kae, ke’n akadik kha kahri kae; akadik mi’n anmanhretna sik a katlo kae.”

JEREMIAH 29:12

Khava sōa nangni’n kei nanbek sik eng. Nangni kahong sik chei, kahnenga nander sik eng, khana ke’n kamasôn sik chei.

JEREMIAH 33:3

“Kei eibe roh, ke’n kamasôn sik che; namanhret hêrmak a’nlak tatak kahri pek sik che.

DANIEL 9:3

Khana ke’n bu kahngōia, borapōn kasia khana ravut kâra in-ong enga Rōngpu Pathen hneng malung kahluttak a kaleider.

MATTHEW 21:22

Nantaksen inchu, nantader rakip kha nantahmu sik kae,” ati.

MATTHEW 21:31

Khahei 2 kâra khō jôk khan mo anpa lungdo atlo?” ati. Anmani’n, “Upapa kha” anti. Khava jâra Jesu’n anhnenga, “Kahri pek chei kae: ramsêrṭhei ṭōn katlohei leh noti he’n Pathen Rengram a nanhma ankeia kase sik hei.

MATTHEW 6:29

Tâk ke’n kahri pek chei kae, nei leh hao rakip leh ret kasi Solomon Reng kapha’num hiva reipâr inkhat ṭhatna phator mak.

MARK 11:24

Hiva jâra kamanthei chei kae: nangni’n nander pha khana hei-inkhat nanngek pha, kanhmu jo tia taksen ruh, nantader rakip kha a’npe sik chei kae.

MARK 13:37

Khana nanhnenga kahri hi mi rakip hnenga kahri jo kae: Inrin ruh!”

LUKE 11:10

Ajârchu akader rakip khan anrahlâng sik, akajong hei khan anhmu sik, kot inki mi rakip sik a mahlang pek sik kae.

JOHN 14:13

Sapa inphut Pa lûrna kha anhmu theina sik, karahminga nantader rakip kha ke’n katlo pek sik chei.

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

JOHN 15:7

Nangni keia nan-om ṭhak a, khana kaṭong nangni shunga a-omṭhak a achang inchu, hei-achang inum nangni’n nanta madu nantader kha nanchen sik.

JOHN 4:10

Jesu’n amasôn, “Nang in Pathen kutchoi pek kha namanhret a, khana tui in sik nakaderpa kha namanhret a, nang in ama hneng jôk nalei der inchu, ama’n hringna tui apek sik che kae.”

ROMANHEI 2:7

Mi ṭhahrep in ṭōn kaṭha antlo manjōm ṭhak a, lûrna, kajana khana thitik kaneimak hringkhō kha anjong; anmani hneng Pathen in kumsôt hringna apek sik hei.

CORINTHIANHEI INHNINA 6:2

Pathen in heimo ahri rangei ruh: “Nangni ka’nṭang puina sik pha kha ajōng inhlâng pha nantader kha kathei pek chei; nangni hukmanhringna pha kha ajōng tlung pha ke’n ka’nthōpui chei.” Rangei ruh! Tûn hi Pathen hnōm pekna phatak kha kae; tuning hi inhuk inhringna kani kha kae!

HEBREWHEI 11:6

Taksen kasea tûte’n Pathen mantlai tor mak, ajârchu tu enum Pathen hneng akahong khan Pathen hi kahring ṭhak, ama kajong hei kha tloman apek sik hei, ti hi antataksen nger sik kae.

HEBREWHEI 4:16

Khava jâra malung ngamna nei rih khana maritna omna Pathen len in-ongna ting jōn rih. Khava hmun a khan ani’nthōpui sik maritna leh lum lona nirangei phatak leh nihmu sik jo.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

JAMES 5:15

Hiva taksentak a derna hin mikana kha amandam sik, Rōngpu khan antaksa amandam male nôk sik hei, khana aset tlona arangei mandam pek sik hei.

JOHN INKHATNA 3:22

Eini’n aṭongpek nijuia, amalung tlaina kha nitlo achang jâra nider rakip ahnenga inphut nichena kae.

ṬONGPHÔNG 2:24

“Tâk-kha Thyatira ka-om nangni alakseng inchu hiva akanimak a intheina kahnung hi juimak cheia kae; milak he’n, ‘Seitan lungri inthûk’ antati kha nangni’n juimak chei. Ke’n nangni chunga rônkahrik ahlop dapek mak chei ning kati kae.