LUKE 11:41 - LEKHARABU INTHENG (BSI)

⁴¹ Tâk-kha kōklei leh thleng shunga ka-om neinâk-hei kha sara hneng pek hei ruh, khan chu heirakip beklanga intheng sik jo.

LUKE 11:41 ပူးပေါင်းရင်းမြစ်များ

HLAHEI 112:9

Sarahei kha malung kalentak a apek hei, khana alungsetna kha tlâksam hêrmak; ama kha ratha anei sik khana kajana achen sik.

HLAHEI 41:1

Sarahei sik lungkhamna kaneihei kha mikahōihei kae; anmani’n bōina anratō pha Rōngpu’n a’nthōpui sik hei.

ṬONGCHÎK-HEI 14:31

Misara nasuk manrim he’nchu, anmani kasyem Pathen kha inzak napek kae; tâk anmani kha lungset a narôn he’nchu khavakha Pathen kamukna ṭōn natlo kae.

ṬONGCHÎK-HEI 16:6

Ṭong jui roh taksenthei chang roh, khana Pathen in nasetna arangei mandam sik, Rōngpu ṭong kha jui roh, nachunga ṭhatmak heite sōk mak ning.

ṬONGCHÎK-HEI 19:17

Sarahei hneng pekna nanei inchu, Rōngpu hneng namanpûk kapō kae, Rōngpu’n apek male sik che.

DANIEL 4:27

Kha achang jâra, Reng Kalûr, kaṭong jui roh. Set-tlo bâng jo roh, akadik kha tlo roh, khana sarahei hneng lungset them roh. Kha achang inchu injônjet a kakhang sik che.”

MATTHEW 26:11

Sara khōdeng katheihei khachu nanta-ompui ṭhak sik hei kae, tâk kei chu nangni leh omsap ṭhak mak min.

MATTHEW 5:42

Mi inkhat in heikhat ader che pha, pe roh; khana mi inkhat in heikhat apûk hnōm inchu, manpûk roh.

MARK 7:19

ajârchu khavakha amalung shunga hlutmak tâk avon shunga akahlut kae, khava sōa ataksa inphut vânga hong kasōk a kae.” (Hivahi ahria, Jesu’n sâk rakip intheng tia amalâr.)

LUKE 12:33

Nanneihei jōr una, sara khōdeng kathei pek hei ruh; nanbinga sik a’nhmang theimak sêrkōk hei inda ruh khana akatlasam hêrmak sik marvâna nei leh hao kha manbuk ruh, ajârchu khahei kha inru’n marûk tor mak khana ra-nge’n sâktor mak a kae.

LUKE 16:9

Jesu’n ahrisa, “Khava jâra kahri pek chei kae: raleichung neivâng ṭhōn insyem ruh, sêr kha atlang pha kumsôt inna nang anleiratō sik che.

LUKE 18:22

Jesu’n kha athei pha, ahnenga, “Nang in natlo sik inkhat alavât; nanei rakip vajōr ina, nasêr kha sara khōdeng katheihei vasempek hei roh, khan chu marvâna karōi nanei sik, khana hong ina kakahnung ajui roh,” ati.

LUKE 19:8

Zacchaeus kangirsōt a Rōngpu hneng, “Enroh, apu, ke’n kanei aṭim sarahei kapek sik, khana ke’n mi inkhat nei dik loa kaleilo a-om inum aja 4 a kamale sik,” ati.

ṬŌNTLOHEI 10:15

Rasa khan avea, “Hei-hei achang inum Pathen in intheng jo tia aphôngsōt jo hei kha a’nthengmak a mandon mak jo roh,” ati.

ṬŌNTLOHEI 11:29

Khava pha Sonlehei khan Judea a ka-om ansōpui, takkasenhei inthōpuina sik a antator kakham manrônna nei sik a inhnōmtō et jo hei.

ṬŌNTLOHEI 24:17

“Kum kasôtjap Jerusalem kaleidahlon sōa, kamihei hneng sêr kalo sik leh inthoina tōkna sik a leikase eng.

CORINTHIANHEI INHNINA 8:12

Pek-hnōmna malung nannei inchu, nantanei mak chunga changloa, nantanei pekna chunga khan Pathen in arahlâng sik.

EPHESIANHEI 4:28

Malung inthenga anbinga hringtheina anhmuna sik leh sara khōdeng katheihei an-inthōpui torna sik a, inru katlo ṭhak mi kha, inru akabâng sik kae khana ṭōn atlo sik kae.

TITUS 1:15

Mi intheng hei sik a heirakip intheng; tâk a’nthengmak hei sik a leh akataksenmak hei sik a chu a’ntheng inkhatbek om mak, ajârchu anmanhretna leh anmandon ṭhen theina kha intheng mak a kae.

HEBREWHEI 13:16

Khat leh khat inbômtōa ṭōn kaṭha tlo sik mahngi mak ruh; ajârchu Pathen malung tlaina sik inthoina kha hi kae.

HEBREWHEI 6:10

Pathen kha akadik katlomak changmak. Ama’n nanṭontlo leh nan-Christian changpui hei tûn katlunga nanpek heia, nanbôm heia, ama sik a lungsetna nantamalâr hei kha mahngi mak ning.

JAMES 1:27

Pa Pathen in akadik leh a’ntheng bekṭong tia alo khachu hi kae: nu leh pa kasehei leh renghmeihei khōdengthei pha ensui sik khana raleichung hōn mathlâkna inphut binga sōksōt sik hi kae.