LUKE 11:4 - LEKHARABU INTHENG (BSI)

⁴ Kanchunga dikmak katlo rakip hei kanrangei mandam hei jâra, kansetna hei arangei mandam roh. Khana enmansinna inhnak shunga khan aṭhōimak roh.’”

LUKE 11:4 ပူးပေါင်းရင်းမြစ်များ

A’NPHUTNA 48:16

Insuksetna rakip a ani kahuksōt ngeva khan vâng pek hei rasoh! Karahming leh kapa Abraham, Isaac rahming anmania inphut omṭhak rasoh! Anmani hin sa katamtak leh sōn leh pâr katamtak nei hei rasoh!” ati.

RENGHEI INKHATNA 8:34

marvâna inphut theipek hei roh. Namihei setna rangei mandam hei roh, khana anpu sōnhei hneng naleipek ram a khan heiṭhōi male hei roh.

RENGHEI INKHATNA 8:36

marvâna inphut theipek hei roh. Rengpa leh Israel mipuihei setna rangei mandam hei roh. Akadik kha antlona sik a manthei hei roh. Khava sōa, O Rōngpu nang in namihei hnenga ahei tik a ankarōi sik napek jo hei hiva naram shunga hin khō jōng mansûr roh.

HLAHEI 121:7

Thina sik rakip a Rōngpu’n ahrung sik che; ama’n nang ahuk sik che.

HLAHEI 25:11

Rōngpu naṭong tepna ajuipek ina, kasetna hei arangei mandam roh, ajârchu katam hêr jo.

HLAHEI 25:18

Kamalung dongna leh ka’nrengna amandon pek roh, khana kasetna rakip arangei mandam roh.

DANIEL 9:19

Rōngpu, kanderna che arangei pek roh, Rōngpu, arangei mandam roh. Rōngpu, kanderna rangei roh, khana atlopek roh! Mi rakip in Pathen che kae ti anmanhretna sik, in-êng mak jo roh! Hiva khōpui leh hiva mihei hi natahei kae.”

HOSEA 14:2

Rōngpu hneng ho’nle ruh, hiva derna hi ahnenga inthoina chang rasoh: “Kansetna rakip arangei mandam roh, kanderna arahlâng pek roh, khana kanṭong intepna kapōa nang kanchoi ka-ân sik che.

MATTHEW 18:35

Jesu’n ṭongchaina aneia, “Khava kapōa nangni nankâra nansōpui lungria inphut nanrangei mandam mak inchu marvâna ka-Pa’num nangni khang’khan atlo sik chei kae,” ati.

MATTHEW 26:41

Mathlemna nantlâk makna sik der una thōk ruh; Rathla’n chu intluk, tâk taksa’n chu katlasama kae,” ati.

LUKE 11:5

Khana Jesu’n asonlehei hneng, “Nangni kâra inkhat in aṭhōn inkhat inna jân ṭhangṭima avasea ahnenga, ‘Kaṭhōn, buhlom pheng 3 lim leipûk rong.

LUKE 13:4

Siloama inn inshâng ahongchim pha mi 18 adehlon hei kha Jerusalema mi rakip kâra akasetpen jo hei kae tia nantamandon mo?

LUKE 22:46

Ama’n anhnenga ati, “Heisa mo akaje chei? Thōi ruh mathlemna nantlâk inhlut makna sik der ruh.”

LUKE 8:13

Hlung kâra akatla hmuchihei khachu, ṭong inhri katheia inpâk a akalo hei kha kae. Tâk-kha anshunga inritak a rajung aṭhōmak jâra, anmani’n pha bongkhat chu antaksen, tâk enmansinna ahong pha leh anmani katlu ri jo hei.

JOHN 17:15

Anmani vânhnōi raleichunga inphut nalosōtna sik heia dermak che eng, tâk Akaṭhamak Inkhatpa inphut nahrung sik hei hi kader che kae.

CORINTHIANHEI INKHATNA 10:13

N antaratō jo mathlemna rakip kha mihring hneng akahong phung rōk hei kha kae. Tâk-kha Pathen chu aṭong tepna kha ajui mathlung, khana ama’n nanngir inhnetna ratha nantanei kakhea mathlem sik chei kha hnōm mak ning; mathlemna nan-om pha, detorna sik ratha apek sik chei; khan chu apesōt theina hlam um apek sik chei.

COLOSSIANHEI 3:13

Nangni tu mo inkhat in mi inkhat chunga inphinna anei pha, dehrat ruh khana inngei indam ruh. Rōngpu khan arangei mandam chei kapōa, nangni khat leh khat a’nngei indamtō nger sik chei kae.

THESSALONIANHEI INHNINA 3:3

Achang ravâng Rōngpu khachu taksen ka-om tak kha kae, ama’n Akaṭhamak Inkhat a inphut ahuksōt sik chei khana nanratha amanngarpek sik chei.

TIMOTHY INHNINA 4:18

Khana Rōngpu’n akaṭhamak rakip a inphut ahuk enga amarvân Rengram a kahringa aṭhōi sik eng. Lûrna kha are-rea ama ta changṭhak rasoh! Amen.

JAMES 2:13

Ajârchu maritna kaneimak mi kha Pathen in aṭong atan pha marit a tlomak ning; tâk maritna khan ṭong tanna kha ator.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 3:10

Ajârchu nande hratna sik a kaṭong pek chei kha nanjui, raleichung mi rakip enmansinna sik a, vânhnōi pumpui chunga malung inrimna ajōng katlung sik a inphut kahuksōt sik chei.