LUKE 11:39 - LEKHARABU INTHENG (BSI)

³⁹ Khava jâra Rōngpu’n ahnenga, “Tûn nangni Pharisee chei’n kōklei leh thlenghei avângting chu nankanôt mantheng, tâk nanshungting chu innâk-inse tlona sik leh ṭhatmak kasip phet chei.

LUKE 11:39 ပူးပေါင်းရင်းမြစ်များ

A’NPHUTNA 6:5

Raleichunga ka-om mihringhei ṭōntlo khana anmalung mandon leh ngeitō akaṭhamak langting rōk ka-om ti hi Rōngpu’n ahong manhret pha,

THUHMINGHEI INHNINA 25:2

Ama khan Rōngpu tlaina ṭōn aleitlo, tâk-kha inkei-chio pum a aleitloa kae.

HLAHEI 22:13

Anmani shabakkai kapōa anbei anman-âng, inhrung heia ankeihler eng.

ṬONGCHÎK-HEI 26:23

Malung intheng loa naṭong hrina shunga namandonna kadiktak nathup khachu dangka inthengtak kha aman katlômtek bephu shunga da kapō kae.

ṬONGCHÎK-HEI 26:25

Anṭong hri kha innejen thei, tâk taksen mak roh, ajârchu anmalung kha mi enkadana khan kasip.

ṬONGCHÎK-HEI 30:12

Akachok hêr heia intheng loa aka-om hei, tâk anbinga intheng ung tia a’ndon mi ka-om hei.

JEREMIAH 4:14

Jerusalem, nang inhuk theina sik a, namalung kabōk kha sôp jo roh. Heituk kasôt mo setna lungthim rōk namandon hi sik?

EZEKIEL 22:25

Hlamkakeihei kha shabakkai in ashathat jâra a’nhrung kapō hei kae. Mi anthat hei, antalo tor seng sêr leh neinâk rakip anchomsōt, khana anmi that jâra renghmeinu katamtak ka-om jo hei.

EZEKIEL 22:27

Ram vaikarônhei kha kahne’n anshathat antakeihler kapō hei kae. Mikahao changna sik a anmani’n mi anthat a kae.

ZEPHANIAH 3:3

Aṭōnpui karônhei kha shabakkai inhrung kapō hei kae; aṭong katanhei kha jîngkâr katlunga sharu dahlon hnōmlo kahne kalôp hei kapō kae.

MATTHEW 15:19

Ajârchu alungria inphut lungthim kaṭhamak, mi thatna, jôngna, khana ṭhatmak omchen tlona, inruna, maleisei, mi hrimasetna hei hi ahong kasōk kae.

MATTHEW 7:15

“Sânkathem inhlem heia inphut insing thei ruh; avâng pônga chu kemōng kapōa nanhnenga kahong hei, tâk ashungting chu ram thōia kahne kapōtak hei kae.

LUKE 16:15

Jesu’n anhnenga aleiti: “Nangni hi mi tahmu sik a nanbinga a’ndiksak hrep chei kae, tâk Pathen in nanmalung amanhret. Ajârchu mihring in kalentak a amandon kha Pathen hmit-hmua chu heite hnemmak.

LUKE 7:13

Rōngpu’n amanu kha ahmu pha amalung shunga lungsetna kasip a, amanu hneng, “Ṭap mak roh,” ati.

LUKE 7:19

Rōngpu hneng, “John in mi inkhat akajōng sik ati kha nang che mo a-emak leh mihlop inkhat kantalahngâk sik mo?” tia ṭong kader sik a atir jo hei.

JOHN 12:6

Ama’n hi ahri hi misarahei lum aloheia changmak, tâk inru inkhat achang jâra kae. Ama’n sêrkōk achoia arachama aleihmang ria kae.

JOHN 13:2

Jesu leh asonlehei khōhlei thlai an-o jo. Simon sapa Judas Iscariot in Jesu kha mikut chunga pek sōtna sik lungthim Seitan in amalunga aleidapek dek jo.

ṬŌNTLOHEI 5:3

Peter in, “Ananias, nakarōia inphut nahmu sêr ahlek naṭhensōt a heisa mo Rathla Intheng hneng maleisei tlona naneia Seitan a’ncheo che?

GALATIANHEI 1:14

Kakum in-angpui hei kâra kei Jehudi beklangting chôndân kajui hma kakeipen inkhat leikachang eng, pu leh pi hei insena ṭong chunga malung aleikahlutpen eng kae.

TIMOTHY INHNINA 3:5

khana avângting rōk nibekṭong kha anmatu sik, tâk aratha neinakhet khachu anhlonsōt sik. Khang khava miheia inphut sesōt roh.

TITUS 1:15

Mi intheng hei sik a heirakip intheng; tâk a’nthengmak hei sik a leh akataksenmak hei sik a chu a’ntheng inkhatbek om mak, ajârchu anmanhretna leh anmandon ṭhen theina kha intheng mak a kae.

JAMES 4:8

Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!