LUKE 11:34 - LEKHARABU INTHENG (BSI)

³⁴ Nantaksa sik a nanhmit hi thaihmei kapō kae; nanhmit vâr a’ntheng lai seng nantaksa pumpui akavâr kae; tâk nanhmit aset jo pha nantaksa pumpui akajing sik kae.

LUKE 11:34 ပူးပေါင်းရင်းမြစ်များ

A’NPHUTNA 19:11

Khava sōa anmani’n vânga aka-om hei seng kha anvōk heia anhmit anman chopek jo hei, kot khâr leihmu tor mak jo hei.

HLAHEI 119:18

Nadân shunga akadik inlak-hei kha, kahmu theina sik kahmit amanhar pek roh.

HLAHEI 81:12

Khava jâra anrahe setna kha kamanjui hei, antamadu rakip kamantlo hei.

ṬONGCHÎK-HEI 21:4

Mikaṭhamak-hei khachu inlensak leh êngset in amatu hei, khana hivahi setna pui katluk set kha kae.

ṬONGCHÎK-HEI 28:22

Bingta rōk indon he’n inranga haona sik antlo khana heitik mo sara changna khan ahlō sik hei ti kha manhret mak hei.

ISAIAH 29:10

Rōngpu’n amanngui jo che, akaje hnger sik a amantluk jo che. Sânkathemhei kha mipui hmit akae sik hei kae, tâk-kha Pathen in anhmit akahuksi pek jo hei.

ISAIAH 42:19

Kasōkpa kanek a hmitkacho tu mo aka-om, ṭong kasem a katirpa kakhea tu mo kōr kaset aka-om?

ISAIAH 44:18

Khang khava mihei kha heimo antatlo ti manhret theina sik a kamohêr hei. Anmani’n akadik chunga anhmit ankathim, anmalung ankama kae.

ISAIAH 5:20

Nangni inhmang jo chei! Nangni’n akaṭha kha ṭhamak, khana akaṭhamak kha kaṭha nanti. A’nthim kha akavâr, akavâr kha a’nthim nanmanchang. Nangni’n, akakha kha akathlum, akathlum kha akakha nanmanchang.

ISAIAH 6:10

Khava sōa ama’n kahnenga ahri, “Hiva mihei hi anhmu makna sik, anthei makna sik leh anmanhret makna sik a, rathasetna pek hei roh. Kha achangmak inchu, kahnenga he’nhe sik hei khana manthengsōt kachang sik heia kae.”

JEREMIAH 5:21

Nanmalung manhlut ruh, heite inhret mak hei, hmit chu akaneihei, ahmu chu hmulo hei, kōr chu akaneihei, athei chu theilo hei.

MARK 4:12

hinga achangna sik a kae, khachu: “Anmani’n enchu an-en sik, tâk hmumak hei ning; anmani’n rangei chu anrangei sik, tâk manhret mak hei ning. Ajârchu anmani’n khanga anleitlo’nchu, anmani Pathen hneng he’nle sik jo hei, khana ama’n aleirangei mandam sik jo hei.’”

MARK 7:22

mi nuhmei-puise setpuina, phâmrai kase, khana ṭhatmak rakip tlona; mihōnna, omchen ṭhatmakna, in-ersakna, hrimasetna, inlensakna khana mona,

MARK 8:18

Nangni’n hmit nanneia, hmumak chei mo? Kōr nanneia, theimak chei mo? Lamandonsōt mak hi chei mo

LUKE 11:35

Khava jâra nanshunga vâr ka-om kha ajing makna sik insing thei ruh.

ṬŌNTLOHEI 13:11

Rōngpu kut hi tûnchu nachunga aheikatla sik jo kae; nahmit heikacho sik khan sûn khōvâr nahmu mak sik jo kae!” Khava laitak khan akajingpak inkhat in ahmit ahei makhu joa inhmei hmeia akut a akakei sik mi a’njong jo.

ṬŌNTLOHEI 2:46

Ani tina arup-rup a Bek-inna le’nhmu hei, khana katlai leh insinsak tak a an-innheia thlai anleisâksap,

ṬŌNTLOHEI 26:18

Kei anitaksen jâra ansetnahei rangei mandam anchenna sik leh Pathen takadeisōt mihei kâra hmun anchenna sik a anmani hmit namanvâr pek sik hei khana inthima inphut vâra, Seitan ratha neina inphut Pathena nahong mahe sik hei kae.’

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

CORINTHIANHEI INHNINA 11:3

Eve kha lungthim kaṭhamak malei kasei mari khan ahōnmathlâk kapōa, nangni’m Christa a nanmalung akhenga nantapek kha kabâng sik cheia kha nanmalunga setna ting inhekhâk sik tia kaṭi eng.

CORINTHIANHEI INHNINA 4:4

Anmani kha hiva raleichung pathen kadikmak in, anmalung kha amanjing pek hei jâra anmani’n antataksen mak kae. Pathen kapōhrep kachang Christa lûrna ṭong kaṭha a inphut, anchunga ajōng kavâr vâr kha anmani’n anhmu makna sik, raleichung pathen khan ada heia kae.

EPHESIANHEI 1:17

ke’n ni-Rōngpu Jesu Christa Pathen, akalûrpen Pa hnenga, Rathla kha apekna sik chei, ama nanmanhretna sik a, nangni singna apekna sik chei kader. Khana Pathen in amalârpek sik chei.

EPHESIANHEI 6:5

Sōk-hei, ṭit leh inṭhōia ratha innok pum a, Christa nanta razen kapōa, taksatinga nankapu hei malung inthengtak a anṭong jui ruh.

COLOSSIANHEI 3:22

Sōk-hei, heirakip a ralei mihring changna nankapu hei ṭong jui ruh, anmanṭhatna chei madu jâra anhmaikung rōk a tlona changloa, Pathen kha kajana nei jâra malung inthengtak a tlo ruh.