LUKE 11:22 - LEKHARABU INTHENG (BSI)

²² Tâk-kha ama kanek a ratha kahrat chet inkhat in abuhlua ator jo pha, a’nngamna hmangchâk seng achomsōtpek jo khana aleimanbuk seng kha asemṭhenpek jo.

LUKE 11:22 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

SŌKSŌT 15:9

Inrepuipa khan ati, ‘Ke’n kahnong sik hei khana kasur sik hei; Annei kamadudu kachoma kasem sik; Kachemjâm karadoksōt a antanei rakip kachom sik,’ ati.

ISAIAH 27:1

Khava kani ning khan Rōngpu’n Leviathan, a’nze lele leh a’nher lele rihren tuipui shunga aka-om takpum kalen kha karâkna sik leh thatna sik a ratha kaneitak mithatna achemjâm kha ahmang sik jo.

ISAIAH 53:12

Khava jâra ke’n ama hneng kajana hmun kha kapek sik, mikalen leh ratha kaneihei kâra hmun kae. Ama’n alungdotak a ahringkhō kha apek sōt khana mikaṭhamak-hei chen sik rahōi kha a chensap pui hei. Ama’n mikaset katamtak hei hmun kha aloa anmani’n rangei mandam anchenna sik aderpek heia kae.”

LUKE 11:21

“Mikahrat inkhat ahmangchâk rakip vâng a’ntluk pha a-inn kha ahrunga, anei rakip ahrung kaṭha heia kae.

LUKE 11:23

“Tu enum kami aka-emak kha anikadōi khet kae; akakhôm intûp a ani kabôm mak kha akachai inchek kae.

EPHESIANHEI 6:11

Diabol lungthim kaṭhamak kadōia nanngir torna sik, Pathen tapek chei revon rakip kha invon ruh.

EPHESIANHEI 6:13

Khan chu tûnhin Pathen revon kha invon ruh! Khanna ṭhatmak kani ajōng tlung pha, nankabuhlu hei kha nandetor sik hei, khana atorna katlung re nan-intukpui sōa nanhmun kha nanmatutor ṭhak sik.

COLOSSIANHEI 2:15

Khana khava thingrake chunga khan rathla vaikarôn leh ṭong kaneihei ratha neina inphut Christa kha abinga insō jo; ama’n aretorna shunga mipuihei kha rehringa sur hei kapōa hlam akei injôkpui heia mipui ta-en sik a atloa kae.

JOHN INKHATNA 3:8

Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

JOHN INKHATNA 4:4

Tâk-kha kasahei, nangni Pathen ta chei kae, khana sânkathem kadikmak hei kha nantator jo hei kae; ajârchu nanshunga ka-om Rathla khan ralei ta kachang rathlahei kanek a ratha aneichet a kae.