LUKE 10:37 - LEKHARABU INTHENG (BSI)

³⁷ Dân oja khan amasôn, “Ama inlungsetpa kha kae.” Khava pha Jesu’n amasôn, “Khan chu nang se ina khang’khan vatlo roh.” ati.

LUKE 10:37 ပူးပေါင်းရင်းမြစ်များ

ṬONGCHÎK-HEI 14:21

Hōina namadu’n chu, sarahei lungset a rôn hei roh; tu mo inkhat hnōisetak a tlo hi setna kae.

HOSEA 6:6

Nanlungset inhling mak kha kamadu, nanran inthoinahei kha changmak. Kahnenga ran ro-inthoina kanek a kami he’n kei anmanhretna eng kha kamadu jôk.

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 23:23

“Dân ojahei leh Phariseehei, heituk a ṭitpek ka-om chei mo! Nangni a’nṭhat hlemsak-hei! Nangni’n reihing, patikhôm, khana maru-marâng sem sôm chu nanpek, tâk nangni’n akakhôk pen Dânhei khachu heitea sakmak chei, khahei khachu akadik, lungset leh malung intheng hei hi kae. Alakseng um heisakmak tlo loa hivahei hi nantatlosōt sik kae.

LUKE 10:36

Khana Jesu’n achaina ader, “Hiva 3 hei kâra tu kha mo mikachom hei tavōkpa sik a akhō-aven akachang sik a namanhōi?”

LUKE 10:38

Jesu leh asonlehei hlam a khanga anleisena, ama’n khō inkhat a kahlut a Martha inti nuhmei inkhat in a-inna aleimathlung a kae.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

PETER INKHATNA 2:21

Khava sik jâra nangni Pathen in abek chei kae, ajârchu Christa khet um nangni sik a inrengna kha athōk a khana akebi kha nanjui theina sik inchûnathei man enna inkhat a adahlon pek chei kae.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,