LUKE 10:15 - LEKHARABU INTHENG (BSI)

¹⁵ Eh Capernaum, nang sik a’m! Marvân katlunga indom inshâng hnōm che mo? Nang hmeikhura hlon mathlâk sik che kae!” ati.

LUKE 10:15 ပူးပေါင်းရင်းမြစ်များ

A’NPHUTNA 11:4

Khana anmani’n, “Tûnchu chungvân katlung sik denchung inshâng khōpui sak rih, kha achang inchu nirahming um manhret a ka-om sik khana raleichung pumpuia inchek a om mak jo min,” anti.

ISAIAH 5:14

Kathi ralei khan anmani arangei jo hei, khana abei kha aman-ânga kae. Jerusalema akalen akahrâng hei leh rasa katam mipuihei amadehlon hei.

JEREMIAH 51:53

Babylon in bōirōk chunga ake tor a rekur kahnettak asyem inum, ke’n akasukset sik mi katir sik hei. Rōngpu ke’n kahri jo kae.”

EZEKIEL 26:20

Tenlaia aleika-om mihei ka-ompui sik a, kathi khōa kanam mathlâk sik jo che. Ahei tik a suk manhmang jo hei kâra, akathihei leh aka-omsap sik a, ralei thōia kaman om sik jo che. Achang jâra akahring hei ram a, na-omna hmun hlō hêrmak jo tin khana om mak jo tin che

EZEKIEL 31:18

“Thingkung kha Egypt hei rengpa leh amihei seng kae. Eden a thingkunghei kapha khanga enhnōm ka-om leh a’nshâng om mak hei. Tâk-kha tûnchu, Eden thingkung kapōa, kathirama akase sik jo kae, khana khōvelhei leh re shunga akathihei ka-ompui sap sik a ama kha’m kase sik jo. Ke’n kahrisōt jo kae,” tia Chunghnung Rōngpu’n ati jo.

EZEKIEL 32:18

Ama’n ati, “Akathithei mihring, Egypt a mi rakip sik a ṭajai sui roh. Ratha kanei jât-hei leh inṭhōia kathirama tir jo hei roh.

EZEKIEL 32:20

“Egypt mihei kha re shunga akathi loihei kha leh ka-omsap sik jo hei. Anmani thatna sik a chemjâm intlukdek a ka-om jo.

EZEKIEL 32:27

Anmani kha tenlaia re kahrânghei hrena kapōa kajana pek mak hei, khahei khachu kathi khōa pui katluk a revon invon hei, anchemjâm kha anluthlōna andapek heia anphō hei khan antaksa chunga andapek hei.

OBADIAH 1:4

Nang in na-inn kha mârhmu rabu kapōa inshângtak a nasak inum, ârsihei kâra aka-om a-ang jo’num, kakei mathlâk sik che kae.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 11:23

Khana Capernaum nang sik a chu! Marvân katlung a’nchoi inshâng hnōm che mo? Kathirama hlon manhlut sik che kae! Nang hnenga ṭōn-inlak ale’ntlo hei kha Sodoma ale’ntlo achang inchu, tuning katlung aleika-om hi sik kae!

MATTHEW 4:13

Nazareth khōa om mak jo, Jebulun leh Naphtali ramṭhen shunga Galilee Dîr panga Capernaum khōpuia aka-om sik a kase jo.

LUKE 13:28

Nangni anhei hlonsōt jo chei pha, Pathen rengram a Abraham, Isaac, Jacob, khana sânkathem rakip nanhmu hei pha, heituk a nanha nantakarôt a akaṭap sik jo chei mo!

LUKE 16:23

Ama hmeikhur shunga khōdeng katheitak a a-omna inphut ahong ena kahlatak a Abraham leh ahnenga Lazarus ka-om kha ahmu hei.

DÂNRABU INHNINA 1:28

Heisik a mo son akase sik me? Eini kaṭi jo me. Nimi tir hei khan sova hmun a mihei so eini kanek a kahrat det hei, inshângdet hei, khana ankhōpui bang bōirōk chen a a’nshâng shunga khan ka-om hei tia anhri pek me. Anmani’n khana khan mikalen anleihmu hei!’

PETER INHNINA 2:4

Marvân ngeva akaset hei kha, Pathen in ṭhensōt mak hei, tâk Ṭongtan Ning kani kahngâk a anmani kha thirhrui vâng akhit heia, khō inthim hmun khurkōk a ahlon manhlut sik heia kae.