LEVI-DÂN 8:7 - LEKHARABU INTHENG (BSI)

⁷ Khana ama’n Aaron kha zakkō leh zakkō inse amanhak, khōnkhit akhit pek. Zakkō bong amanhak, kaṭhatak a a’nkhông khōnkir hrui kha akir pek jo.

LEVI-DÂN 8:7 ပူးပေါင်းရင်းမြစ်များ

SŌKSŌT 28:2

Nasōpui Aaron sik a thempu von syem roh, khava khan lûrna leh hmeṭhatna amanneina sik.

SŌKSŌT 28:4

Syem sik hei kha manthei heiroh, ôm-mârsha inkhat, zakkō bong inkhat, zakkō inse inkhat, ret kabek inthlur zakkō inkhat, lukôm inkhat khana tumsui pōn inkhat. Anmani’n thempu kachang heia ani razen theina sik eng, nasōpui Aaron leh asapahei sik a thempuhei invonna hi antasyem pek sik hei kae.

SŌKSŌT 28:6

“Zakkō bong kha rahmurei, vapuirei, sahme kasen, sana pat leh hruipōn pat, khana limret mankopna vânga antasyem sik kae.

SŌKSŌT 29:5

Khava sōa Aaron kha thempu von zakkō, zakkō bong shungtinga inhak sik zakkō inse, zakkō bong, ôm-mârsha, khana khōnkir manvon heiroh.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

ISAIAH 61:3

Ziona ṭajai kasui hei hneng Inrengna kahlanga inpâkna leh ningṭhatna kapek sik, Inrengna kahlanga manpâkna hlasakna sik a ajōngtir eng. Anmani Rōngpu ama khet in aling mankhang Thingkung kapō kachang sik hei. Anmani ankhenga akadik kha antlo sik jo, Khana Pathen kha atlona hei seng jâra manpâk a ka-om sik jo.

EZEKIEL 42:14

Thempu he’n Bek-inn shunga an-om leh vâng intong telaia ansōk hnōm inchu, anmani’n Rōngpu razenna antlolaia invonna intheng hei kha hiva innden shunga hin andahlon hei sik. Anmani’n mipuihei intûpna hmun heia ansōksōt mak hma invonna ahlop vâng a’nvon sik hei kae.”

ROMANHEI 13:14

Tâk-kha Rōngpu Jesu Christa revon kha invon ruh, khana nansetna omngai leh nanta rangei pui mathlukna sik malung manhlutna kha bâng jo ruh.

ROMANHEI 3:22

Mihe’n Jesu Christa antaksen jâra Pathen in amandik hei kae. Hivahi Christa kataksen rakip chunga Pathen tatlo kha kae, ajârchu mi rakip an-in angmakna om hêrmak:

GALATIANHEI 3:27

Nangni Christa leh inchunna shunga tui leikahlut jo chei, khana hinga nihrisa’n chu, nangni tûnchu Christa hringkhōkhet kha a’nvon jo chei kae.

SAMUEL INKHATNA 2:28

Israel phung rakip a inphut ama innshung hi kei thempu sik a kakadei kae, kamaichâm inzen sik a, marim katui karo sik a, zakkō katôi invona kei hneng ṭong ani kader sik a. Khana maichâm chunga ro-inthoina inphut chen inkhat an-indana sik a ratha kapek hei kae.