LEVI-DÂN 8:15 - LEKHARABU INTHENG (BSI)

¹⁵ Moses’n athat a, athisen ṭhahrep aloa maichâm suk manthengna sik thisen kha akutpâr vâng aloa maichâm rakir kasonghei kha akano hei. Khana a’nhlei thisen kha amatungna kunga asunthlōn. Hing’hin asuk manthenga atōksōt.

LEVI-DÂN 8:15 ပူးပေါင်းရင်းမြစ်များ

THUHMINGHEI INHNINA 29:24

Khava sōa thempu he’n kehei kha anthat sik hei khana anthisen kha maichâm chunga mipui rakip hei setna losōtna sik a inthoina thisen kha ansun mathlâk sik, ajârchu rengpa khan Israel pumpui sik a ro-inthoina leh set-inthoina neina sik a ṭong pekna aleinei heia kae.

EZEKIEL 45:20

Khava thla shunga ni 7 ning nangni’n tu inkhat in tlo sik a intluk loa setna avatlo a-emak leh manhret theiloa set katlohei kahlanga inthoina kha nantōk nôk sik a kae. Hing’hin Bek-inn kha nanta mantheng sik kae.

DANIEL 9:24

“Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

LEVI-DÂN 1:11

Maichâm sak intongting ran kha athat sik khana thempu he’n thisen kha maichâm rakir manlia ankathek sik.

LEVI-DÂN 1:5

Khana khan sehratche kha athat sik, Aaron innshunga thempu he’n thisen kha Rōngpu hneng antōk sik khava sōa Pōn-inn hlutna hnenga aka-om maichâm asir manlia ankathek sik.

LEVI-DÂN 16:20

Aaron in Hmun Inthengpen, Rōngpu omna Pōn-inn shung, maichâmhei seng manthengna atorsōa, Azazel sik a kadei jo ke kahring kha Rōngpu hneng atōk sik jo.

LEVI-DÂN 3:2

Ranhei chunga akut ada sik khana Rōngpu omna Pōn-inn hlutna hnenga athat sik. Aaron innshunga thempu he’n thisen kha maichâm asir manlia ankathek sik

LEVI-DÂN 3:8

alu chunga akut ada sik Pōn-inn hmaikunga athat sik. Thempu he’n thisen kha maichâm asir manlia ankathek sik

LEVI-DÂN 4:25

Thempu khan ran thia khan akutpâr aphuma, maichâm rakira ahmor kasonghei kha akano sik, khana a’nhleiseng kha maichâm matungna kunga abun sik kae.

LEVI-DÂN 4:30

Thempu khan ran thisena akutpâr aphuma, maichâm rakir kasonghei kha akano sik, khana a’nhleiseng kha maichâm matungna kunga khan abun sik kae.

LEVI-DÂN 4:7

Khava sōa Pōn-inn shunga bero inthoina maichâm rakir manlia araki kasonghei kha, thisen akano sik hei kae. A’nhlei thisen khachu Pōn-inn hlutna hma romanvâm inthoina maichâm matungna kunga abun sik kae.

LEVI-DÂN 6:30

Tâk thisen kha Pōn-inn shunga set-inthoina sik a anchoi manhlut inchu, sâk sik changmak, ro manvâm sik kae.

MIJAHEI 8:12

Levi he’n sehratche 2 hei luchunga ankut anda sik: beklanga Levihei mantheng sōtna tlona sik a inkhat kha set-inthoina, inkhat kha romanvâm inthoina antōk sik.

ROMANHEI 5:10

Eini hi Pathen kadōi leikachang me; tâk asapa thi jâra khan ama’n aṭhōn amanchang jo me. Tûnchu eini Pathen ṭhōn kha kachang jo me, khan chu Christa hringkhō khan heituk ahukchet sik jo me mo!

EPHESIANHEI 2:16

Thingrake chunga Christa athi khan in-enkadana kha asuk manhmang jo; thingrake vâng khan jât 2 kha taksa pumkhat a amanchun jo hei khana Pathen hneng aheiṭhōi male jo heia kae.

HEBREWHEI 2:17

Hiva tina chu mihei setna kha rangei mandamna sik, apathen ṭōn tlona chunga khan anmani sik taksenthei leh maritna kasip Thempu Kalen achang theina sik, ahlam rakip a asōpuihei kapōa ama’m akachang sik leikasōk jo.