LEVI-DÂN 4:35 - LEKHARABU INTHENG (BSI)

³⁵ Khava sōa athai seng kha inlôikhôm inthoina kemōng thai inlosōt kapōhrep a alosōt a maichâm chunga Rōngpu hnenga thlai inthoina kha leh inṭhōia, aro manvâm sik hei kae. Hing’hin thempu khan misetna jâra inthoina atōk sik, khana ama rangei mandam achen sik kae.

LEVI-DÂN 4:35 ပူးပေါင်းရင်းမြစ်များ

LEVI-DÂN 12:8

Nuhmei khan kemōngte aneimak inchu pherva 2 a-emak leh vaṭhu 2 ahei choi sik kae, inkhat kha ro-inthoina sik, inkhat kha set-inthoina sik kae, aset losōtna sik a thempu khan bekrōi kha atlopek sik, khan beklanga intheng sik jo.

LEVI-DÂN 14:18

Akutpha chunga thai inhlei kha khava mi luchunga abun sik jo. Hing’hin mantheng sōtna rōi kha atlo sik kae.

LEVI-DÂN 14:53

Khan chu va kahring kha khōpui vângtinga ramhânga amanjōng sik jo. Hing’hin inn mantheng sōtna rōi kha atlosōt sik kae.

LEVI-DÂN 15:15

Thempu’n inkhat kha set-inthoina, inkhat kha ro-inthoina atōk sik hei kae. Hing’hin mipa inthengna rōi kha atlo sik kae.

LEVI-DÂN 19:22

khana inphut mipa setna losōtna sik manthengna rōi thempu khan atlosōt sik kae, khana Pathen in arangei mandam sik kae.

LEVI-DÂN 4:20

Hiva seche hi set-inthoina seche atōk kapōhrep a atlo sik kae, khang’khan mipuihei set-inthoina anei sik, khana anmani rangei mandam kachang sik hei.

LEVI-DÂN 4:26

Khava sōa athai seng kha inlôikhômna inthoina ranthai a’nro kapōhrep a maichâm chunga aro sik kae. Hing’hin thempu khan vaikarôn kha asetna jâra athôi sik, khana ama rangei mandam kachang sik.

LEVI-DÂN 5:10

Khava sōa 2 tlukna va kha sedân dungjuia ro-inthoina atōksōt sik kae. Hing’hin thempu khan mipa setna sik a inthoina atōk sik, khana mipa kha rangei mandam akachang sik kae.

LEVI-DÂN 5:13

Hing’hin thempu’n mipa set-inthoina kha atōk sik, khana ama kha rangei mandam kachang sik. Jâmdi a’nhleiseng kha, hmuchi inthoina kapōa thempu ta sik kae.

LEVI-DÂN 5:6

khana aset leichôina kha kemōng rala a-emak leh ke rala Rōngpu hneng inthoina sik akei sik kae. Thempu’n mipa setna jâra inthoina kha atōk sik kae.

LEVI-DÂN 6:7

Thempu khan mipa setna jâra athôi sik khana ama rangei mandam kachang sik.

LEVI-DÂN 9:7

Khan chu ama’n Aaron hnenga ati, “Maichâma son se roh set-inthoina leh ro-inthoina kha nang setna leh mipuihei setna losōtna sik a vatōk hei roh. Rōngpu ṭongpek dungjuia mipuihei setna losōtna sik a hiva inthoina hi tōk roh.

MIJAHEI 15:25

Thempu’n vaipui sik a suk manthengna ṭōn atlosōt sik, khan rangei mandam sik hei kae, ajârchu manhret loa sukṭhena achang jâra set-inthoina kha thlai inthoina inkhat a Rōngpu hneng anta heichoi jo kae.

MIJAHEI 15:28

Maichâma thempu’n aset inthengna sik a beklanga rōi atlopek sik, khan ama rangei mandam sik kae.

ROMANHEI 10:4

Ajârchu akataksen rakip kha Pathen leh kadik a dasapna sik a, Christa khan Dân inchaina kha atlosōt jo.

ROMANHEI 4:25

Eini setna jâra ama akathi sik a pek sōt jo kae, khan chu eini Pathen leh akadiksap nichang theina sik, ama akahring sik a keimathōi jo kae.

ROMANHEI 8:1

Tûnchu Jesu Christa leh inchunna akahring mihei sik a masetna inti om mak jo.

CORINTHIANHEI INHNINA 5:21

Christa khan setna neimak, tâk eini ama leh ni’nchunna shunga khan Pathen dikna kha nichensōm theina sik Pathen in eini setna kha ama chen amanchang jo kae.

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

COLOSSIANHEI 1:14

ama’n eini nining nihnōma amasō jo me, ti chu nisetnahei arangei mandam jo.

HEBREWHEI 1:3

Ama’n Pathen lûrna kha aser manvâr, ama hi Pathen hringje leh a’n-anghrep kha kae, aṭong ratha neina vâng khan vânhnōi hi hinga aman om. Mihringhei set rangei mandamna ṭōn atorsō leh Ratha Kaneipen Pathen kut changting marvâna in-onga ka-om jo.

HEBREWHEI 4:14

Khava jâra eini’n nihrisōt jo taksen kha matu manhnet rih. Ajârchu Thempu Kalen chunghnung inkhat Pathen omnakhet katlunga akaketou Pathen Sapa Jesu kha eini’n nineia kae.

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

PETER INKHATNA 2:22

Ama’n setna neimak; abeisōa maleisei ahrina tûte’n theiphung hêrmak.

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

JOHN INKHATNA 2:2

Khana niset inthengna kha Christa ama khet kha kachang jo, einihei setna rōk changmak, tâk mi rakip setna kha’m kae.