LEVI-DÂN 4:31 - LEKHARABU INTHENG (BSI)

³¹ Khava sōa athai hei seng kha inlôikhômna inthoina ranthai seng a’nlosōt kapōhrep a alosōt a amarim khan Rōngpu tlaina sik maichâm chunga aro sik kae. Hing’hin thempu khan mi inkhat set-inthoina anei sik kae, khana ama rangei mandam kachang sik.

LEVI-DÂN 4:31 ပူးပေါင်းရင်းမြစ်များ

A’NPHUTNA 8:21

Inthoina marim khan Rōngpu malung kha katlâi joa abinga, “Mihringhei tloset jâra avea ralei hi hâksêr mak jo ning; ansinlaia inphut anmandonna hei kha ṭhaphung mak ti hi kamanhret. Ke’n tuna katlo kapōa ahei tik a’m akahring hei hi suk manram mak jo ning.

EZRA 6:10

Anmani’n Marvân Pathen tarahlâng thei inthoinahei a’ntōksōt theina sik khana kei leh kasapahei sik a vâng ander theina sik a hivahi a’ntlo sik kae.

JOB LEKHARABU 42:8

Tûn nangni’n sehratche 7 leh kemōngche 7 Job hneng heikei ruh, nanbing sik a inthoina vatōk ruh. Job in nangni sik a aderpek sik chei, ke’n ama derna kha kamasôn sik, khana nanrahōi kasōk inzakna kha pek mak chei ning. Kei chungchânga ama’n ṭongdik ahri kapōa, nangni hrimak cheia kae.”

SŌKSŌT 29:18

Kemōngche kha apum a maichâm chunga thlai inthoina ro roh. Hiva inthoina hmui marim hin kei amantlai eng kae.

ISAIAH 42:21

Rōngpu kha mi kahuk a ratha kahroktak Pathen inkhat kae. khava jâra adânhei leh ami mansena kha achoi manshâng, khana amipui he’n ama antakaja sik kha amadu.

ISAIAH 53:10

Rōngpu’n ati, “Ama inrim sik kha kei lungdo kae; ama thina khan rangei mandam heirônsōtna sik a inthoina kha kae. Kha achang jâra ama’n asōn leh apâr ahmu sik hei; ama ahringkhō kasei sik, khana ama a inphut kei ṭōn mantlukna kha hme asō sik kae.

LEVI-DÂN 1:13

Mipa khan ran ashung alaia leh akahnung tinga ake asôp sik hei, khana thempu khan Rōngpu hnenga tōkna anei sik khana maichâm chunga aka-om rakip kha aro manvâm sik hei. Hiva thlai tōkna marim hi Rōngpu tlaina kae.

LEVI-DÂN 1:17

Ama’n amathla 2 kha amatua apum kha akei hlera amahlang sik, amathlahei chu keihler mak ning, khava sōa apum kha maichâm chunga aro sik. Hiva thlai tōkna marim hi Rōngpu tlaina kae.

LEVI-DÂN 1:9

Mipa khan ran ashung alai leh kahnungtinga akehei asôp sik hei, khana rōikaver thempu khan inthoina rakip kha maichâm chunga arosō sik kae. Hiva thlai tōkna marim hi Rōngpu tlaina kae.

LEVI-DÂN 14:18

Akutpha chunga thai inhlei kha khava mi luchunga abun sik jo. Hing’hin mantheng sōtna rōi kha atlo sik kae.

LEVI-DÂN 15:15

Thempu’n inkhat kha set-inthoina, inkhat kha ro-inthoina atōk sik hei kae. Hing’hin mipa inthengna rōi kha atlo sik kae.

LEVI-DÂN 19:22

khana inphut mipa setna losōtna sik manthengna rōi thempu khan atlosōt sik kae, khana Pathen in arangei mandam sik kae.

LEVI-DÂN 2:2

khana Aaron innshunga thempuhei hneng ahei choi sik kae. Rōikaver sik thempu khan jâmdi kut maja khat leh thai leh marim katui rakip kha aloa maichâm chunga aro manvâm sik, hivahin akhenga Rōngpu hneng intōk jo tina kachang sik. Hiva thlai tōkna marim hi Rōngpu tlaina kae.

LEVI-DÂN 2:9

Thempu khan aṭhen ajingte alo sik, khavakha Rōngpu hneng akhenga intōk jo ti malârna kae, khana maichâm chunga avaro sik. Hiva thlai inthoina marim hi Rōngpu tlaina kae.

LEVI-DÂN 4:19

Khava sōa athai seng aloa maichâm chunga aro sik kae.

LEVI-DÂN 4:26

Khava sōa athai seng kha inlôikhômna inthoina ranthai a’nro kapōhrep a maichâm chunga aro sik kae. Hing’hin thempu khan vaikarôn kha asetna jâra athôi sik, khana ama rangei mandam kachang sik.

LEVI-DÂN 4:35

Khava sōa athai seng kha inlôikhôm inthoina kemōng thai inlosōt kapōhrep a alosōt a maichâm chunga Rōngpu hnenga thlai inthoina kha leh inṭhōia, aro manvâm sik hei kae. Hing’hin thempu khan misetna jâra inthoina atōk sik, khana ama rangei mandam achen sik kae.

LEVI-DÂN 5:10

Khava sōa 2 tlukna va kha sedân dungjuia ro-inthoina atōksōt sik kae. Hing’hin thempu khan mipa setna sik a inthoina atōk sik, khana mipa kha rangei mandam akachang sik kae.

LEVI-DÂN 5:6

khana aset leichôina kha kemōng rala a-emak leh ke rala Rōngpu hneng inthoina sik akei sik kae. Thempu’n mipa setna jâra inthoina kha atōk sik kae.

MIJAHEI 15:25

Thempu’n vaipui sik a suk manthengna ṭōn atlosōt sik, khan rangei mandam sik hei kae, ajârchu manhret loa sukṭhena achang jâra set-inthoina kha thlai inthoina inkhat a Rōngpu hneng anta heichoi jo kae.

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

HEBREWHEI 1:3

Ama’n Pathen lûrna kha aser manvâr, ama hi Pathen hringje leh a’n-anghrep kha kae, aṭong ratha neina vâng khan vânhnōi hi hinga aman om. Mihringhei set rangei mandamna ṭōn atorsō leh Ratha Kaneipen Pathen kut changting marvâna in-onga ka-om jo.

HEBREWHEI 10:12

Tâk-kha Christa khan ahei tik a sik a, vōi khat rōk setna inthoina kachanga inpek sōt a, Pathen changting in-ong jo.

HEBREWHEI 10:14

Khang’khan, vōi khat inthoina vâng ansetna manthengpek hei kha ahei tik a pui katluk a asyem jo hei.

HEBREWHEI 9:12

Christa kha rabuk shunga Hmun Inthengpen kha vōi khat rōk ahlut pha khan, ama’n ke leh sehrat thi inthoina tōk sik a choimak, ama thisen khet kha achoia, eini sik kumsôt hringna ajōng rôn.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.