LEVI-DÂN 3:17 - LEKHARABU INTHENG (BSI)

¹⁷ Israel inkhatbek inum athai a-emak leh thisen sâk theimak ning; hivahi Israel mi rakip in ahei tik a hmuntina an-omna antajui sik kae.

LEVI-DÂN 3:17 ပူးပေါင်းရင်းမြစ်များ

A’NPHUTNA 9:4

Nantasâk mak sik chu, thisen kha ataksa hme leh inṭhōia sathei mak tin chei. Ke’n kakhârna ajârchu hringna hi thisena aka-om kae.

THUHMINGHEI INHNINA 29:35

Pumroa inthoina tōkna chunga hin, mipuihei sâkna sik a, inthoina inphut sathai rona sik leh ro-inthoina shunga a’ntōksa juhei sunna kha thempuhei tatlosa sik ṭōnhei kae. Khang’khan Bek-inna kamukna kha anphut nôk jo.

NEHEMIAH 8:10

Tûn nan-inna se una sâklôm tlo ruh. Sâk katluk a akaneimak mihei kha sempek hei ruh. Tuning hi ni-Rōngpu sik a a’ntheng kae, khava jâra nanmalung manchâm mak ruh. Rōngpu tapek chei ningṭhatna khan nangni amanhrat sik chei.”

SŌKSŌT 27:21

Aaron leh asa he’n ka-omna Pōn-inn shunga pinden vângting khana Intepna Thingbôm hmatak a thaihmei kha antadet sik kae. Kei omna khan khōhlei leh jîngkâr antadet sik kae. Hiva ṭongpek hi Israelhei leh ansōn anpâr he’n ahei tik a antajui sik kae.

SŌKSŌT 28:43

Aaron leh asa he’n ka-omna Pōn-inna anhlut pha a-emak leh thempu ṭōn tlona sik a Hmun Inthenga maichâm ansor pha hihei hi anta’nvon ṭhak sik kae, antaksa malâr jâra thina anchen makna sik a kae. Hivahi Aaron leh asōn apârhei sik a a’nhlingmak sik dân kha kae.

EZEKIEL 33:25

“Chunghnung Rōngpu kei ṭonghri hi manthei hei roh: Nangni’n hme kha thisen ashunga a-ompuma nansâk. Nangni’n limsyem nankamuk. Mi nanthat. Ram hi heikhonga mo nanram manchang sik a nantamandon?

EZEKIEL 44:15

Chunghnung Rōngpu’n ahri, “Zadok a inphut ajōng kakōn Levi phunga thempuhei khan, Israel mipui he’n kei hnenga inphut ansesōt jo pha, anmani’n Bek-inn shunga taksen theitak a ani razen manjōm. Khava jâra kei inzen sik leh kei omna inthoina ranthai leh thisen tōkna ani inzen sik kha anmani kae.

EZEKIEL 44:7

Anmani’n ram hlop mi, vuntanlo hei anmanhlut heia kabek-inn anmanbōk, kahnenga ranthai leh thisen inthoina anitōk kâra kaṭong kajuimak hei khan Bek-inna kahlut hei. Khava jâra kami he’n kei intepna kha mater ka-om ṭōn rakip antloa anvōkkhōi jo.

LEVI-DÂN 10:15

Rōngpu hnenga ranthai kha thlai inthoina inkhat a antōk pha ake rakō leh a-ôp anta heichoi sik kae. Rōngpu ṭongpek dungjuia hiva ṭhen hi ahei tik a nang leh nasahei chen sik kae.”

LEVI-DÂN 10:9

“Nang leh nasapa he’n ka-omna Pōn-inna ju nan-in inchu hlutmak ruh, nanhlut inchu akathi sik chei kae. Hivahi ahei tik chenna nasōn-napâr hei tajui sik dân kae.

LEVI-DÂN 16:29

Chôndânhei hi akahong sik pha rakip a nit sik hei kae. Thla 7 tlukna ni 10 ning Israelhei leh anhnenga aka-om khōhme he’n bu antahngōia ṭōn antatlo mak sik kae.

LEVI-DÂN 16:34

Hiva chôndânhei hi akahong sik pha rakip a nit sik hei kae. Hiva rōi hi Israelhei setna rakip mantheng sōtna sik kum khat a vōi khat tlo sik kae. Rōngpu’n ṭong apek dungjuia Moses’n aleitlo jo.

LEVI-DÂN 17:7

Israel mipui he’n ke-ṭai hnenga inthoina anranhei kha hleipuk heia antathat a Rōngpu ṭong kajuimak kha akae hêrmak sik hei kae. Israel mipui he’n hiva chôndânhei hi akahong sik pha rakip a antanit sik kae.

LEVI-DÂN 19:26

“Thi alaka-om hme inkhatbek sâk mak ruh. Dôi hei inkhatbek inchu mak ruh.

LEVI-DÂN 23:14

Hmuchi kara ather heikhat, hminloa, katheia, buhloma syema achang inum Pathen hneng tōkmak hma seng sâk mak ruh. Hiva chôndânhei hi nansōn rakip in akahong sik pha rakip a antajui sik kae.

LEVI-DÂN 23:21

Khava ning nitina nanṭōn kha intlo mak ruh, tâk kamukna sik a intûp ruh. Nansōn he’n khova ram a an-om inum hiva chôndânhei hi akahong sik pha rakip a antajui sik kae.

LEVI-DÂN 24:3

Khōhlei kataia Aaron in thaihmei hei kha adet ṭhak sik hei khana jîngkâr katlung insûk sik hei, Hmun Inthengpen shunga, Intepna Bôm hma aka-om pinden vângtinga Rōngpu omna khan.

LEVI-DÂN 24:9

Buhlom kha Aaron leh asōnhei ta sik kae, hmun inthenga antasâk sik kae, ajârchu hivahi thempuhei sik Rōngpu hneng thlai inthoina tōkna a’ntheng hêr ṭhensōt thlai kha kae.

LEVI-DÂN 3:16

Thempu’n hihei seng hi maichâm chunga Rōngpu tlaina sik thlai tōkna aro sik kae. Athai hei seng hi Rōngpu ta kae.

LEVI-DÂN 4:1

Israelhei hneng hripek sik a, Rōngpu’n Moses hneng ṭong aleipek,

LEVI-DÂN 6:15

Khana ama’n jâmdi leh thaitui kha kut maja khat aloa, khava chunga bero ada a maichâm chunga aro sik, khavakha heirakip Rōngpu hneng intōk jo tina kae. Hiva romanvâm inthoi marim hi Rōngpu tlaina kae.

LEVI-DÂN 6:18

Hivahi Aaron sōn pase he’n Rōngpu hnenga thlai inthoina tōkna inphut anchen injônjet kha ahei tik a ansâk ṭhak thei sik. Tu achang inum hiva thlai inthoina katôn rakip hiva inthengna ratha khan asukset sik kae.

LEVI-DÂN 6:22

Apha rakip a Aaron sōn Thempu Kalen kachang he’n hiva inthoina hi antatlo ṭhak sik kae. Khavakha Rōngpu hnenga inthoina ro manvâm pet sik kae.

LEVI-DÂN 7:23

Israel mipuihei sik a. Se, kemōng leh kehei thai sâk mak sik kae.

LEVI-DÂN 7:34

Sha ôm kha ahlopdet kutchoi kae, khana sharakō changting kha ahlopdet a Israel mipuihei tōklôm Rōngpu’n aloa thempuhei apek hei kha kae. Hivahi Israel mipui he’n ahei tik a thempuhei hneng antapek nger sik kae.

LEVI-DÂN 7:36

Khava ning khan hiva inthoina ṭhen hi anpekna sik Israel mipuihei hneng Rōngpu’n ṭong apek hei. Hivahi Israel mipui he’n aheitik chen a antajui nger sik dân kha kae.

MIJAHEI 19:21

Nangni’n hiva dân hi ahei tik a nantajui sik kae. Suk manthengna sik a tui inthingpa kha’m apōn asôp sik hei kae; khana tui katôn rakip kha’m khōhlei atlungmak kârseng intheng mak a kae.

MATTHEW 16:24

Khan chu Jesu’n asonlehei hneng ahri, “Tu inkhat in kakahnung ajuihnōm inchu ama abinga a’ndon mak sik, athingrake akadom sik khana ajui sik eng kae.

MATTHEW 26:28

hivahi Pathena intepna chunga mêrchîkna a’ntat, mi katamtak set rangei mandamna sik a akalōng kathisen kha kae.

ṬŌNTLOHEI 15:29

Lim inthoi insânna thlai sâk mak ruh: thisen sâk mak ruh, karâk-hlon ran sâk mak ruh, khana jông leh kîk a inphut nanbinga inting ruh. Hivahei senga inphut nan-inhrungthei inchu akaṭha katlo kha kachang sik chei. Maritna chibei kanhei pek et chei.”

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

EPHESIANHEI 5:26

Ama’n bekrup kha tui vâng arasi manthengsō pha Pathen hneng apek sōt theina sik a hivahi atlo kae,

DÂNRABU INHNINA 12:16

Tâk anthisen chu thlaisâk a nanta hmangmak sik kae; tui kapōa raleia nanta maser sik kae.

DÂNRABU INHNINA 12:23

Thisen alaka-om hmeravōi rōk chu sâk mak ruh, ajârchu hringna hi thisena ka-om, hringna kha hme leh inṭhōia nantasâk mak sik kae.

DÂNRABU INHNINA 12:24

Thisen kha thlaisâk a hmangmak ruh; khava kanek a tui kapōa raleia maser ruh.

DÂNRABU INHNINA 15:23

Tâk anthisen khachu sâkthlaia hmangmak ruh; khava kanek a tui kapōa raleichunga sun mathla ruh.

DÂNRABU INHNINA 32:14

Ansehrat pui, ankepui he’n sene pui katluk a anpek hei, kemōng, ke leh se kaṭhapen, gehu kaṭhapen leh madu ka-ompen vomhrui theiju annei hei.

TIMOTHY INKHATNA 4:4

Pathen tasyem heirakip akaṭha rōk kae; heite hlonsōt sik om mak; tâk heirakip hi manpâkna derna neisōa rahlâng sik kae,