LEVI-DÂN 26:4 - LEKHARABU INTHENG (BSI)

⁴ aphahrep a khō kamansûr sik, ram hin hmuchi leh theikara kamanra sik.

LEVI-DÂN 26:4 ပူးပေါင်းရင်းမြစ်များ

RENGHEI INKHATNA 17:1

Gilead a Tishbea inphut sânkathem arahming Elijah inti khan Reng Ahab hneng ati, “Ke’n karazen, Israelhei akahring Pathen Rōngpu rahminga, ke’n kamanthei che kae, abâna kum 2 leh 3 hi radaitui leh khō sûrmak ning, ke’n sûr roh katimak hma seng.”

JOB LEKHARABU 5:10

Raleichunga ama’n khō amansûr, hleiheia tui amanlōng.

HLAHEI 104:13

Marvâna inphut hmebung chung heia khō namansûr, khana raleichung hi namahâm ṭhatna khan kasip.

HLAHEI 67:6

Ram leh tui in kara ahong rôn sōt jo. Pathen, ni-Pathen khan vâng apek jo me.

HLAHEI 67:7

Pathen khan vâng apek jo me; hmuntina mi rakip in ama kha kaja hei rasoh.

HLAHEI 68:9

Katluk set a khō naman sûra, ram kachâr kaṭōiber jo kha nasyem manṭhat nôk;

HLAHEI 85:12

Rōngpu’n eini mikahao amanchang sik me, niram hin kara katamtak ahong majōr sik.

HLAHEI 85:13

Dikna khan Rōngpu hmating kase sik, ama sena sik hlam kha asyempek sik.

ISAIAH 30:23

Nangni’n hmuchi nanvor akaia, Rōngpu’n akhangna sik khō ajōng mansûr sik a kha kara katamtak nankhôm sik, khana nanran he’n phihmun katamtak anchen sik.

ISAIAH 5:6

Kahar kha kamanbuksi sik. Abâk-hei manhleng mak jo ning, akung um mavurmak jo ning; khava nek a, phibuk leh rahling chap in kabuksi jo rasoh. Sumtuk in achunga khō amansûr sik kapha, kakhâm sik jo.”

JEREMIAH 14:22

Jât-hei limsyem inkhatbek inum khōtui mansûr tor mak ning; bōirōk inum abinga khōtui mansûr tor mak. O, Rōngpu, kan-Pathen, nang chunga keini inhōrna kannei, ajârchu hiva rakip akatlo hi nang che kae.

EZEKIEL 36:30

Nanthing kung leh nanhlei kara kamanpung sik, jât-hei kâra nuisō nanchen makna sik a vonṭâm dena om nôk mak ning.

JOEL 2:22

Ranhringhei, ṭitmak ruh, Ramhânga phi kadông kakek jo; Thingkunghei inra jo hei; vomhrui leh theipōng katamtak inra jo hei.

LEVI-DÂN 25:19

Ram khan hmuchi kara amanpung sik, nanta madu chen nansâk sik, kahōia ka-om sik chei.

LEVI-DÂN 25:21

Kum 2 sâk tlukna sik kara amanrana sik kum 6 tlukna ram kha Rōngpu’n mahâmṭhat apek sik kae.

ZECHARIAH 8:12

Malung kamōnga anhmuchi bechi anvor sik jo. Anvomhrui thei inra sik; ralei in kara amanpung sik jo, khana pui katluk a khō kasûr sik jo. Hiva mahâmṭhatna rakip hi alakahring kamihei chunga kapek sik jo hei.

MATTHEW 5:45

khavakha marvâna ka-om nanpa sa nanchang theina sik a kae. Ajârchu ama’n akaṭha leh akaṭhamak chunga kani amansat et, khana akadik leh akadik mak katlo chunga khō amansûrsap a kae.

ṬŌNTLOHEI 14:17

Tâk-kha pha rakip a ṭōn kaṭha atlona vânga akahring ṭhak achangna kha amalâr: marvâna inphut khōtui amansûr pek chei, khana aphahrep a hmuchi-bechi amanra a, thlai apek cheia nanmalung inpâkna amansip pek chei.”

DÂNRABU INHNINA 11:13

“Khan chu, tuninga kapek chei ṭongpek-hei hi jui ruh; Rōngpu nan-Pathen kha lungset ruh khana nanmalung pumpuia razen ruh.

DÂNRABU INHNINA 11:14

Khanga nantlo’nchu nanram shunga khō nanrangei pha ajōng mansûr sik, ṭhekhō leh zerkhō heia, khana nansik a hmuchi, vomhrui theiju, khana olive thai,

DÂNRABU INHNINA 28:12

Jât katamtak hneng bat nanmanpûkna sik hei ama’n marvâna anei bukna inphut aphahrep a khō ajōng mansûr sik, nanṭōn rakip a vâng apek sik chei, tâk nangni chu tûte hnenga pûkmak tin chei.

JAMES 5:7

Khava jâra kasōpuihei, Rōngpu ajōngmak kârseng dehrat ruh. Hlei kathlō mipa’n ahleia mankatam sâng akasōk sik kha dehrattak a ahngâk kha enruh. Ama’n ṭhekhō leh zerkhō inchoi sik kha dehrattak a ahngâk a kae.

ṬONGPHÔNG 11:6

Pathen ṭong kha anmani’n anhrilelai seng khō sûrmakna sik marvân kot khârtorna ratha anneia kae. Khan chu anmani’n tuihnâr kapût hei kha’m, thisen manchang torna ratha annei; khan chu anmani’n anmadu chen a natse vâng raleichung jât rakip mansetna sik ratha annei.